Read Ntcham Genèse 36 Bible Online

Genèse 36 - Ntcham bible

Genèse 36

¹Eesayuu un bi gíti yíì Eedoomee naantiibi yiŋŋi sèé.

²Eesayuu cáá Kanaan tiŋkin ní binimpoobi. Ada un nìn sá Eelɔn, ueetija bisalee nì Ooliibama un nìn sá Ana bisal nì Siibeeyɔn ueefija naantiiuee.

³U nìn gíti cáá Isimaayeel bisal Basmaati, Neebayɔti niisal.

⁴Ada nìn màl̄-u Eeliifaasi, ní Basmaati màl̄-u Reewuyeel,

⁵ní Ooliibama màl̄-u Yeewusi nì Yalaam nì Kɔɔra. Mbininjabiyaamu mun Eesayuu màl̄ Kanaan tiŋkinee dee.

⁶Boonee Eesayuu yōoǹ u-nimpoobi nì u-jipɔmbi nì u-bisalib nì binib bin kɔkɔ pée bí u-dicaŋkunee, nì u-waŋkuti kɔkɔ nì tigaajati tin kɔkɔ u kāl̀ Kanaan tiŋkin ki kée ki yíkìi búntì kitiŋ kiba poon ki wāatì u-naal Jaakɔb.

⁷Di sá yii bi nìn cáá tigaajati tikpil, ní kitiŋ kin poon bi kóòyee kaa nìn gíti bà-bi, kun puee bi-waŋkuti nìn būtì tikpil.

⁸Míǹ pu ní Eesayuu, un bi gíti yii Eedoomee, cūtìi kóòń Seeyiir jool pu.

⁹Eedoom yab bin nìn kóò Seeyiir jool puee naanja Eesayuu maaliŋu yab yiŋŋi sɔ̀.

¹⁰Eesayuu jipɔmbi yiŋŋi sèé. U-nimpuu Ada jipɔɔn di sá Eeliifaasi, ní u-nimpuu Basmaati jipɔɔn sá Reewuyeel.

¹¹Ní Eeliifaasi jipɔmbi sá Teeman nì Oomaar nì Seefoo nì Gatam nì Keenaasi.

¹²Eeliifaasi nìn gíti cáá unimpuliliiti ubɔ bi yíì-u Tiimina. U mun màl̄-u kibininjabiki bi yíì-kì Amaleeki. Eesayuu nì u-nimpuu Ada naantiibi dee.

¹³Reewuyeel jipɔmbi di sá Naati nì Seera nì Sama nì Miisa. Eesayuu nì u-nimpuu Basmaati naantiibi dee.

¹⁴Eesayuu nimpuu Ooliibama un sá Ana bisal nì Siibeeyɔn naantiiuee úǹ màl̄ Yeewusi nì Yalaam nì Kɔɔra.

¹⁵Eesayuu maaliŋu poon bin sá adican kpilibee yiŋŋi di sá Teeman nì Oomaar nì Seefoo nì Keenaasi

¹⁶nì Kɔɔra nì Gatam nì Amaleeki. Bi nìn kóò Eedoom tiŋkin ní. Eesayuu nì u-nimpuu Ada jipɔŋkpiliu Eeliifaasi jipɔmbi dee.

¹⁷Eesayuu jipɔɔn Reewuyeel maaliŋu poon bin sá adican kpilibee yiŋŋi di sá Naati nì Seera nì Sama nì Miisa. Bi nìn kóò Eedoom ní ki sá Eesayuu nì u-nimpuu Basmaati naantiibi.

¹⁸Eesayuu nimpuu Ooliibama, Ana bisal jipɔmbi bin sá adican kpilibee yiŋŋi di sá Yeewusi nì Yalaam nì Kɔɔra.

¹⁹Eedoom yab dicaŋŋi kpilib dee, ní bi-kɔkɔ sá Eesayuu naantiibi.

²⁰Bin nìn péé péé ki kāl̀ Eedoom tiŋkinee di sá uoorja Seeyiir naantiibi. Bi-yiŋŋi di sá Lootan nì Soobaal nì Siibeeyɔn nì Ana

²¹nì Diisɔn nì Eeseer nì Diisan. Bíǹ di nìn sá Oori yab, Seeyiir jipɔmbi bin nìn kāl̀ Eedoom tiŋkinee dicaŋŋi kpilib.

²²Lootan jipɔmbi di sá Oori nì Eemam ní u-niisal sá Tiimina.

²³Soobaal jipɔmbi di sá Alfan nì Manaati nì Eebaal nì Seefoo nì Oonam.

²⁴Siibeeyɔn jipɔmbi di sá Aya nì Ana. Ana gbanti di sá un dāa nìn ká dinyimbɔbil diba kuteeun ŋyunti ŋun u nìn bíi kpàá u-baa Siibeeyɔn mammuee.

²⁵Ana jipɔɔn di sá Diisɔn ní u-bisal sá Ooliibama.

²⁶Diisan jipɔmbi di sá Eemidan nì Eesban nì Yitiran nì Keeran.

²⁷Eeseer jipɔmbi di sá Biiliyan nì Saafan nì Yaakan.

²⁸Diisan jipɔmbi di sá Usi nì Aran.

²⁹Oori yab bin nìn sá adican kpilibee di sá Lootan nì Soobaal nì Siibeeyɔn nì Ana

³⁰nì Diisɔn nì Eeseer nì Diisan. Bíǹ di nìn sá Oori yab dicaŋŋi kpilib Seeyiir tiŋkin ki dī nì bi-dicaŋŋi nín sá puee.

³¹Bibɔtiibi bin kāl̀ abee Eedoom tiŋkin ki wāatì ní Isirayeel yab nín kíĺ dibeel Isirayeel tiŋkinee sèé.

³²Beewɔɔr jipɔɔn Beela kāl̀ dibeel Eedoom tiŋkin. U nìn sá Diinaba tiŋkin ní.

³³Beela kpíì ní Seera jipɔɔn Joobaab un nìn sá Boosiraa tiŋkinee fōō dibeel.

³⁴Joobaab kpíì ní Usaam un nìn sá Teeman yab tiŋkinee fōō dibeel.

³⁵Usaam kpíì ní Beedaadi jipɔɔn Adaadi fōō dibeel. Úǹ di nìn kūū Madiyan yab Moowaab tiŋkinee. U-tiŋki di sá Afiiti.

³⁶Adaadi kpíì ní Samla fōō dibeel. U nìn sá Masireeka tiŋkin ní.

³⁷Samla kpíì ní Saayuul fōō dibeel. U nìn sá Reewoobooti, kitiŋ kin nìn bí Eefiraati mɔɔkpaandi caŋinee ní.

³⁸Saayuul kpíì ní Akibɔɔr jipɔɔn Baal-Aani fōō dibeel.

³⁹Akibɔɔr jipɔɔn Baal-Aani kpíì ní Adaar fōō dibeel. U nìn sá Pawu tiŋkin ní. U-nimpuu di nìn sá Matireedi bisal Meetabeel, Meesayaab naantiiu.

⁴⁰Eesayuu maaliŋu poon bɔtiibi nì bi-naakɔti nì bi-timmu nì bi-yiŋŋi di sá Tiimina nì Aliwa nì Jeeteeti

⁴¹nì Ooliibama nì Eela nì Piinɔn

⁴²nì Keenaasi nì Teeman nì Miibsaar

⁴³nì Magidiyeel nì Iram. Eedoom tiŋki bɔtiibi nín sá puee dee, ubɔti kamaa nì u-tiŋki kin pu u kóò ki yèe. Eesayuu di sá Eedoom yab naanja.