Read Ntcham Genèse 5 Bible Online

Genèse 5 - Ntcham bible

Genèse 5

¹Adam maaliŋu bɔti sɔ̀. Ŋwiin ŋun Unimbɔti náań unilee, u nìn náań-u ki nántiǹ úǹ u-ba ní.

²Uninja nì unimpu ní u nìn náań. U nìn bīiǹ bi-boon ní ki pú-bi diyindi yii unil[16].

³Adam bàn̄ abin dilaataal nì mmuŋku nì saalaa ní ki màl̄ kibininjabiki ki nántiǹ úǹ u-ba naŋku, ní ki pú-kì diyindi yii Seeti.

⁴Adam nín màl̄ Seeti boonee, u gíti ŋá abin alaataa anii ní. U nìn gíti màl̄ mbininjabiyaamu nì nnimpubiyaamu ki kútì.

⁵Abin ŋin kɔkɔ Adam ŋá ní ki nín kpíìyee kpáfì abin alaataa awa nì abin mmuŋku nì saalaa ní.

⁶Seeti ŋá abin dilaataal nì abin aŋmoo ní ki màl̄ Eenɔsi.

⁷Seeti nín màl̄ Eenɔsi boonee, u gíti ŋá abin alaataa anii nì abin aluli ní. U nìn gíti màl̄ mbininjabiyaamu nì nnimpubiyaamu ki kútì.

⁸Abin ŋin kɔkɔ Seeti ŋá ní ki nín kpíìyee kpáfì abin alaataa awa nì abin saalaa nì ali ní.

⁹Eenɔsi ŋá abin imuŋku inaa nì saalaa ní ki màl̄ Keenan.

¹⁰Eenɔsi nín màl̄ Keenan boonee, u gíti ŋá abin alaataa anii nì abin saalku ní. U nìn gíti màl̄ mbininjabiyaamu nì nnimpubiyaamu kí kútì.

¹¹Abin ŋin kɔkɔ Eenɔsi ŋá ní ki nín kpíìyee kpáfì abin alaataa awa nì abin aŋmoo ní.

¹²Keenan ŋá abin imuŋku ita nì abin saalaa ní ki màl̄ Maalaleeyeel.

¹³Keenan nín màl̄ Maalaleeyeel boonee, u gíti ŋá abin alaataa anii nì abin imuŋku ili ní. U nìn gíti màl̄ mbininjabiyaamu nì nnimpubiyaamu ki kútì.

¹⁴Abin ŋin kɔkɔ Keenan ŋá ki nín kpíìyee kpáfì abin alaataa awa nì abin saalaa ní.

¹⁵Maalaleeyeel ŋá abin imuŋku ita nì abin aŋmoo ní ki màl̄ Jeereedi.

¹⁶Maalaleeyeel nín màl̄ Jeereedi boonee, u gíti ŋá abin alaataa anii nì abin mmuŋku nì saalaa ní. U nìn gíti màl̄ mbininjabiyaamu nì nnimpubiyaamu ki kútì.

¹⁷Abin ŋin kɔkɔ Maalaleeyeel ŋá ki nín kpíìyee kpáfì abin aŋmoo kpá alaataa awa ní.

¹⁸Jeereedi ŋá abin dilaataal nì imuŋku ita nì abin ali ní ki màl̄ Eenɔki.

¹⁹Jeereedi nín màl̄ Eenɔki boonee, u gíti ŋá abin alaataa anii ní. U nìn gíti màl̄ mbininjabiyaamu nì nnimpubiyaamu ki kútì.

²⁰Abin ŋin kɔkɔ Jeereedi ŋá ki nín kpíìyee kpáfì abin alaataa awa nì imuŋku ita nì abin ali ní.

²¹Eenɔki ŋá abin imuŋku ita nì abin aŋmoo ní ki màl̄ Matusaleem.

²²Eenɔki nín màl̄ Matusaleemee, u nóó Unimbɔti deedee áli abin alaataa ata. U nìn gíti màl̄ mbininjabiyaamu nì nnimpubiyaamu ki kútì.

²³Abin ŋin kɔkɔ Eenɔki kāl̀ kitiŋ puee kpáfì abin alaataa ata nì imuŋku ita nì abin aŋmoo ní.

²⁴Eenɔki nìn nóó Unimbɔti deedee, an puee Unimbɔti yōoǹ-u baa ti ká-u[17].

²⁵Matusaleem ŋá abin dilaataal nì imuŋku inaa nì abin aluli ní ki màl̄ Leemeeki.

²⁶Matusaleem nín màl̄ Leemeeki boonee, u gíti ŋá abin alaataa aluli nì imuŋku inaa nì abin ali ní. U nìn gíti màl̄ mbininjabiyaamu nì nnimpubiyaamu ki kútì.

²⁷Abin ŋin kɔkɔ Matusaleem ŋá ki nín kpíìyee kpáfì abin alaataa awa nì imuŋku ita nì abin awa.

²⁸Leemeeki ŋá abin dilaataal nì imuŋku inaa nì abin ali ní ki màl̄ kibininjabiki.

²⁹U nìn pú-kì diyindi yii Noowa[18] ní ki bí yii: «Un bí nee di làá cáań-ti dipɔɔsɔŋkil ti-Dindaan nín tɔ́ kitiŋ mbusu ti kɔ́ agìŋ́kpaan ŋin poonee.»

³⁰Leemeeki nín màl̄ Noowa boonee, u ŋá abin aŋmoo kpá alaataa aluu. U nìn gíti màl̄ mbininjabiyaamu nì nnimpubiyaamu ki kútì.

³¹Abin ŋin kɔkɔ Leemeeki ŋá ki nín kpíìyee kpáfì abin alaataa aluli nì abin ata kpá imuŋku inaa ní.

³²Noowa nìn cáá abin alaataa aŋmoo ní ki màl̄ Seem nì Kaam nì Jaafeeti.