Read Ntcham 1 Rois 4 Bible Online

1 Rois 4 - Ntcham bible

1 Rois 4

¹Saloomɔn di nìn sá Isirayeel tiŋki kɔkɔ pu ubɔti.

²Bin nìn sá u-kàliŋkpilib ki bí u-tundinee yiŋŋi sɔ̀. Sadooki jipɔɔn Asariyawuu di nìn sá usaraaŋakpil[16].

³Siisa jipɔmbi Eeliiwooreefi nì Awiiya di nìn sá bigbaŋŋmaliibi, ní Ayiiluudi jipɔɔn Jeewoosafaati sá un ŋúb́ ubɔti jaliiki kin u cáa nyìitī tiwan kí dàkà yii úǹ di yì-tèe.

⁴Yeewooyadaa jipɔɔn Beenayawuu di nìn sá ujanjakpil, ní Sadooki nì Abiyataar nìn sá bisaraaŋaliibi.

⁵Naatan jipɔɔn Asariyawuu di nìn sá kɔmandambi kpiliu, ní Naatan jipɔɔn Sabuudi sá usaraaŋal nì ubɔti saŋkiliu.

⁶Ayiisaar di nìn sá ubɔti cindi tɔntɔnliibi kpiliu, ní Abidaa jipɔɔn Adooniiram sá bin kpèé diwɔ́bil tundee.

⁷Ubɔti nìn gíti cáá kɔmandambi saalaa nì bili bin u kāaǹ Isirayeel tiŋki kɔkɔ puee. Bíǹ di nìn nyàab̀ tijin ki tìì ubɔti nì u-dicaŋkun yab. Bi-kansikin báà ŋma nìn cáá uŋmal ubɔ dibindi poon kí nyàab̀ tijin kí tīī ubɔti nì u-dicaŋku.

⁸Kɔmandambi gbanti yiŋŋi sɔ̀. Uur jipɔɔn di nìn kpèé Eefiraayiim jooŋŋi,

⁹ní Deekeeri jipɔɔn kpèé Makaasi nì Saalbiim nì Beeti-Seemeesi nì Eeloon-Beeti-Anaani,

¹⁰ní Eeseedi jipɔɔn kpèé Arubooti tiŋki. Úǹ di nìn kpèé ki kpáaǹ Sookoo nì Eefeer timmu kɔkɔ,

¹¹ní Abinadaab jipɔɔn kpèé Dɔɔr tiŋki kɔkɔ. Úǹ di nìn cáá Saloomɔn bisal Tafaati,

¹²ní Ayiiluudi jipɔɔn Baana kpèé Taanaki nì Meegiidoo nì Beeti-Seeyan timmu kɔkɔ - Beeti-Seeyan tiŋki nìn bí ki pìl̄ Saartan nì Jisirayeel ŋgan pú kí yòon̄ Abeel-Meewoola kí cáá sāā Yookimoowaam tiŋki.

¹³Geebeer jipɔɔn di nìn kpèé Ramooti tiŋki kin bí Galaadee nì Manasee jipɔɔn Yayiir timbilimmu mun bí Galaadi tiŋkpaaŋkinee nì Argoob tiŋki kin bí Baasan tiŋkpaaŋkinee. Kitiŋkpaaŋŋi gbanti nìn cáá ntimu imuŋku ita bi máń agun ki tú-mu. Mu nìn cáá punuubi bin bi cáá tasa kúti kpàlkaati ki kpàl̀ee,

¹⁴ní Idoo jipɔɔn Ayiinadaab kpèé Mayanayiim tiŋkpaaŋki,

¹⁵ní Ayiimaasi kpèé Neefitalii tiŋkpaaŋki. U mun nìn tí cáá Saloomɔn bisal ubɔ ní, bi yíì-u Basmaati.

¹⁶Usayii jipɔɔn Baana di nìn kpèé Aseer nì Beeyalooti timmu,

¹⁷ní Paruuya jipɔɔn Yeewoosafaati kpèé Isakaar tiŋkpaaŋki,

¹⁸ní Eela jipɔɔn Simeeyii kpèé Beenjameen tiŋkpaaŋki,

¹⁹ní Urii jipɔɔn Geebeer kpèé Galaadi tiŋki nì Amɔɔr yab bɔtiu Siiwɔn nì Baasan bɔtiu Ɔɔgi timmu. Kɔmandan ubɔ mun nìn gíti bí Juuda tiŋkin.

²⁰Juuda yab nì Isirayeel yab nìn wīikí kii tiŋku gbandi bulee ní. Bi nìn jīǹ ki nyù ní ki bí dipɔɔpindin.