Read Ntcham 1 Chroniques 2 Bible Online

1 Chroniques 2 - Ntcham bible

1 Chroniques 2

¹Jaakɔb ní bi gíti yíì yii Isirayeel. U-jipɔmbi di sá Rubeen nì Simeeyɔn nì Leefii nì Juuda nì Isakaar nì Sabulɔn,

²nì Daani nì Jooseefi nì Beenjameen nì Neefitalii nì Gaadi nì Aseer.

³Juuda jipɔmbi di sá Eer nì Oonan nì Seera. U-nimpuu, Suuwa bisal un sá Kanaan tiŋkinee di màl̄ u-jipɔmbi gbanti taatil. Ama ní u-jipɔŋkpiliu Eer nìn ŋá tin kaa fáatiǹ ti-Dindaanee ní úǹ yāntì u kpíì.

⁴Boonee ní Juuda coopu Taamaar dāa gíti màl̄-u Peereesi nì Seera. U-jipɔmbi kɔkɔ nìn nyáń biŋmoo dee.

⁵Peereesi jipɔmbi di sá Eesirɔn nì Amuul.

⁶Seera jipɔmbi di sá Simrii nì Eetan nì Eeman nì Kaalkool nì Daara. Bi mun nyáń binib biŋmoo dee.

⁷Kaarmii jipɔɔn di sá Akaar. Úǹ di nìn cáań nnaabu ki tɔ́ Isirayeel yab pu. Di sá yii u nìn yōoǹ tiwan tin bi jáń ki fōō kujaaun bi dūu sú Unimbɔtee.

⁸Eetan jipɔɔn di sá Asariya.

⁹Eesirɔn jipɔmbi di sá Yeerameeyeel nì Raam nì Kaleeb un bi gíti yíì yii Keelubaayee.

¹⁰Raam di màl̄ Amiinadaab ní Amiinadaab màl̄ Naasɔn un sá Juuda yab kpiliuee.

¹¹Naasɔn di màl̄ Salima ní Salima màl̄ Boowaasi.

¹²Boowaasi di màl̄ Oobeedi ní Oobeedi màl̄ Jeesee.

¹³Isayi jipɔŋkpiliu di sá Eeliyaab, uliliiti di sá Amiinadaab, utataati di sá Simeeya,

¹⁴unanaati di sá Neetaneeyeel, uŋmooŋmooti di sá Radayi,

¹⁵ululuuti di sá Ooseem ní Daafiidi sá ululuúti.

¹⁶Bi-niisalib di sá Seeruya nì Abiigayiil. Seeruya jipɔmbi di sá Abisayi nì Joowaab nì Asayeel. Bi nyáń bita dee.

¹⁷Abiigayiil di màl̄ Amaasa. Amaasa baa di sá Yeeteer un sá Isimaayeel maaliŋunee.

¹⁸Eesirɔn jipɔɔn Kaleeb[2] nimpoobi Asuuba nì Jeeriyɔɔti màl̄-u mbininjabiyaamu muta. Bíǹ di sá Jeeseer nì Soobaab nì Ardɔn.

¹⁹Asuuba kúm boonee ní Kaleeb cáá Eefiraati ní úǹ màl̄-u Uur.

²⁰Uur màl̄ Urii ní Urii màl̄ Beesaleel.

²¹Eesirɔn nín bàn̄ abin imuŋku itee ní u cáá Galaadi baa Makiir bisal ní ki màl̄ Seeguub.

²²Seeguub di màl̄ Yayiir un nìn ŋúb́ ntimu mmuŋku nì muta Galaadi tiŋkinee.

²³Ama Geesuur nì Aram bɔtiibi nìn jáń ki fōō Yayiir timbilimmu nì Keenaati tiŋki nì ntimbilimu mun bí mu-taapuee. Ntimu gbanti nìn nyáń ntimu imuŋku ita ní. Galaadi baa Makiir naantiibi di nìn kóò ntimu gbanti kɔkɔn.

²⁴Eesirɔn kúm boonee, Kaleeb nìn kpáfì nì u-baa Eesirɔn nimpuu Abiiya, Eefiraata tiŋkin ní ki màl̄ Aseekuur un náań Teekoowa tiŋkee.

²⁵Eesirɔn jipɔŋkpiliu Jeerameeyeel jipɔmpeekaau di sá Raam. Bin kíǹee di sá Buuna nì Ooreen nì Ooseem nì Akiya.

²⁶Jeerameeyeel gíti cáá unimpu ubɔ bi yíì-u yii Atara. Úǹ di sá Oonam na.

²⁷Jeerameeyeel jipɔmpeekaau Raam jipɔmbi di sá Maasi nì Yamiini nì Eekeer.

²⁸Oonam jipɔmbi di sá Samayii nì Yaada, ní Samayii jipɔmbi sá Nadaab nì Abiisuur.

²⁹Abiisuur nimpuu Abiyayiil màl̄-u Akiban nì Mooliidi.

³⁰Nadaab jipɔmbi di sá Seeleedi nì Apayiim. Ní Seeleedi kpíì kaa màl̄.

³¹Apayiim jipɔɔn di sá Yiseeyi. Yiseeyi jipɔɔn di sá Seesan. Seesan jipɔɔn di sá Alayi.

³²Samayii naal Yaada jipɔmbi di sá Yeeteer nì Joonatan. Yeeteer kaa màl̄ ní ki kpíì.

³³Joonatan jipɔmbi di sá Peeleeti nì Saasa. Yeerameel naantiibi dee.

³⁴Seesan kaa cáá mbininjabiyaamu, u màl̄ nnimpubiyaamu ŋma ní. Ama Seesan cáá uyumbunaacimpɔɔn ubɔ u sá Eejipiti tiŋkin ní bi yíì-u yii Yaara.

³⁵Ní Seesan lēē u-bisalib ubɔ ki tīī u-yumbuu gbanti u cáá, ní ki màl̄ Atayii.

³⁶Atayii di màl̄ Naatan ní Naatan màl̄ Sabaadi.

³⁷Sabaadi màl̄ Eefilaal ní Eefilaal màl̄ Oobeedi.

³⁸Oobeedi màl̄ Jeewuu ní Jeewuu màl̄ Asariya.

³⁹Asariya màl̄ Eeleesi ní Eeleesi màl̄ Eelaasa.

⁴⁰Eelaasa màl̄ Siismayi ní Siismayi màl̄ Saluum.

⁴¹Saluum màl̄ Jeekamiya ní Jeekamiya màl̄ Eeliisama.

⁴²Jeerameeyeel naal Kaleeb naantiibi di sá u-jipɔŋkpiliu Meesa, Siifi baa biyaamu nì Mareesa, Eebrɔn baa naantiibi.

⁴³Eebrɔn jipɔmbi di sá Koora nì Tapuuwa nì Reekeem nì Seema.

⁴⁴Seema di màl̄ Rakam ní Rakam màl̄ Jɔɔrkeeyam. Reekeem di màl̄ Samayii.

⁴⁵Samayii màl̄ Mawɔn ní Mawɔn màl̄ Beeti-Suur.

⁴⁶Kaleeb gíti cáá unimpu ubɔ bi yíì-u yii Eefa. Eefa di màl̄ Aran nì Moosa nì Gaseesi. Aran mun màl̄ kibininjabiki ní ki pú-kì diyindi yii Gaseesi.

⁴⁷Yaadayi jipɔmbi di sá Reegeem nì Jootam nì Geesan nì Peeleeti nì Eefa nì Saafi.

⁴⁸Kaleeb gíti cáá unimpu ubɔ bi yíì-u yii Maaka. Maaka di màl̄ Seebeer nì Tiirana.

⁴⁹Boonee ní Maaka dāa gíti màl̄ Madimana baa Saafi, ní ki kútì Makibeena nì Giibeeya baa Seefa. Kaleeb cáá bisal ubɔ, bi yíì-u yii Akisa.

⁵⁰Kaleeb dicaŋkun yab bin kíǹee sèé: U-nimpuu Eefiraata jipɔŋkpiliu Uur jipɔmbi nìn cáá mbininjabiyaamu muta. Múǹ di sá Soobaal un náań Kiiriyati-Yeeyariim tiŋkee,

⁵¹nì Salima un náań Beetileem tiŋkee, nì Areefi un náań Beeti-Geedeer tiŋkee.

⁵²Soobaal un náań Kiiriyati-Yeeyariim tiŋkee naantiibi di sá binib bin kóò Aroowee tiŋkinee nì bin kóò Meenuwɔti tiŋkinee dijandi,

⁵³nì Kiiriyati-Yeeyariim yab nín pēē pēē mmaal puee, an dàkà yii Yitirii yab nì Puuti yab nì Suuma yab nì Miisiraa yab. Binib gbanti kansikin biba di sá Soora tiŋki yab nì Eesitawool tiŋki yab.

⁵⁴Salima naantiibi di sá Beetileem tiŋki yab nì Neetoofa tiŋki yab nì Atarooti-Beeti-Joowaab tiŋki yab nì Manaati tiŋki yab dijandi nì Koora yab,

⁵⁵nì bigbannyiliibi bin kóò Jabeesi tiŋkin ki nóó nì bi nín pēē pēē mmaal puee, an dàkà yii Tiirati yab nì Simeeya yab nì Suuka yab. Bíǹ di sá Keen yab bin nyánní Amaati maaliŋun, ki sá Reekaab yab naanjee.