Read Ntcham 1 Chroniques 25 Bible Online

1 Chroniques 25 - Ntcham bible

1 Chroniques 25

¹Akiti ŋin tūǹ ditundi ti-Dindaan Diikunee kpilib nìn tútúǹ Daafiidi bi gāntì Asaafi nì Eeman nì Yeedutun naantiibi bí nīn kpèé dilaŋgaal tundi. Bi nìn bɔ̀ɔ́ tibati nì saŋgub, ki cákafí cancakantib ní ki gà ilan ki nàatī binib Unimbɔti bɔti. Binib bin tūǹ ditundi gbantee yiŋŋi sèé.

²Asaafi jipɔmbi di sá Sakuur nì Jooseefi nì Neetaniya nì Asaareela. Bi-baa un nìn gà ilan ki nàatī Unimbɔti bɔtee di nìn kpòotī-bi kii ubɔti nín tīī mara puee.

³Yeedutun jipɔmbi di sá Geedaliyawuu nì Seerii nì Yeesaya nì Simeeyii nì Aseebiyawuu nì Mataatiyawuu. Bi-baa un nìn cáá kubeeu ki gà ilan ki nyɔ́ŋkí ki pàkà ti-Dindaanee di nìn kpòotī bi-luutil.

⁴Eeman jipɔmbi di sá Buukiyawuu nì Mataatiyawuu nì Usiyeel nì Seebuyeel nì Yeereemooti nì Ananiya nì Ananii nì Eeliyata nì Giidalitii nì Roomamitii-Eeseer nì Yoosbeekasaa nì Malootii nì Ootiir nì Maasiyooti.

⁵Bin bí nee kɔkɔ sá Eeman un wāĺ ki nàatī ubɔti Unimbɔti bɔtee jipɔmbi ní. U nìn nāatì Daafiidi tin Unimbɔti sòon̄ kí mɔ̀tīí kūtì-u mpɔnee. Unimbɔti nìn pú Eeman mbininjabiyaamu kiba kpá saalku nì nnimpubiyaamu muta ní.

⁶Binib gbanti kɔkɔ nìn bí bi-baa taapu ní ki tūǹ ditundi ti-Dindaan diikun. Bi nìn cákafí cancakantib, ní ki bɔ̀ɔ́ saŋgub nì tibati. Bi nìn bí ubɔti tundin ní Asaafi nì Yeedutun nì Eeman kpòotī-bi.

⁷Bilaŋgaaliibi gbanti nì bi-kitiŋi yab bin bi nìn bífì bí nīn gà ilan ki nyɔ́ŋkí ti-Dindaanee nìn nyáń binib alaataa ali nì imuŋku inaa nì binib binii ní. Bi nìn bífì dilaŋgaal tundi tiŋan.

⁸Bi nìn tɔ́ kasi ní ki lēē bi nín làá nīn tūǹ ditundi ki fòol̄ tɔb puee. Digàntil kaa nìn bí kiwaayaaa, ukpil kansikin, àá un bífì ki nyí dilaŋgaal tiŋanee nì un dáá bíi bífée kansikin.

⁹Bi nín tɔ́ kasee, ukpipeepeekaa un an tāāyee di sá Asafi jipɔɔn Jooseefi. Unililiiti di sá Geedaliyawuu, u nì u-jipɔmbi nì u-nabiyaamu binib saalaa nì bili.

¹⁰Utataati di sá Sakuur, u nì u-jipɔmbi nì u-nabiyaamu binib saalaa nì bili.

¹¹Unanaati di sá Yiseerii, u nì u-jipɔmbi nì u-nabiyaamu binib saalaa nì bili.

¹²Uŋmooŋmooti di sá Neetaniyawuu, u nì u-jipɔmbi nì u-nabiyaamu binib saalaa nì bili.

¹³Ululuuti di sá Bukiyawuu, u nì u-jipɔmbi nì u-nabiyaamu binib saalaa nì bili.

¹⁴Ululuúti di sá Yeesareela, u nì u-jipɔmbi nì u-nabiyaamu binib saalaa nì bili.

¹⁵Uniniiti di sá Yeesaya, u nì u-jipɔmbi nì u-nabiyaamu binib saalaa nì bili.

¹⁶Uwawati di sá Mataniyawuu, u nì u-jipɔmbi nì u-nabiyaamu binib saalaa nì bili.

¹⁷Usaalaati di sá Simeeyii, u nì u-jipɔmbi nì u-nabiyaamu binib saalaa nì bili.

¹⁸Saalaa nì upeekaa di sá Asareeyeel, u nì u-jipɔmbi nì u-nabiyaamu binib saalaa nì bili.

¹⁹Saalaa nì uliliiti di sá Asafiya, u nì u-jipɔmbi nì u-nabiyaamu binib saalaa nì bili.

²⁰Saalaa nì utataati di sá Subayeel, u nì u-jipɔmbi nì u-nabiyaamu binib saalaa nì bili.

²¹Saalaa nì unanaati di sá Maatitiyawuu, u nì u-jipɔmbi nì u-nabiyaamu binib saalaa nì bili.

²²Saalaa nì uŋmooŋmooti di sá Yeereemooti, u nì u-jipɔmbi nì u-nabiyaamu binib saalaa nì bili.

²³Saalaa nì ululuuti di sá Ananiyawuu, u nì u-jipɔmbi nì u-nabiyaamu binib saalaa nì bili.

²⁴Saalaa nì ululuúti di sá Yoosbeekasaa, u nì u-jipɔmbi nì u-nabiyaamu binib saalaa nì bili.

²⁵Saalaa uniniiti di sá Ananii, u nì u-jipɔmbi nì u-nabiyaamu binib saalaa nì bili.

²⁶Saalaa nì uwawati di sá Malootii, u nì u-jipɔmbi nì u-nabiyaamu binib saalaa nì bili.

²⁷Un pá saalaa nì uwawati puee di sá Eeliyata, u nì u-jipɔmbi nì u-nabiyaamu binib saalaa nì bili.

²⁸Mmuŋku nì upeekaa di sá Ootiir, u nì u-jipɔmbi nì u-nabiyaamu binib saalaa nì bili.

²⁹Mmuŋku nì uliliiti di sá Giidalitii, u nì u-jipɔmbi nì u-nabiyaamu binib saalaa nì bili.

³⁰Mmuŋku nì utataati di sá Maasiyooti, u nì u-jipɔmbi nì u-nabiyaamu binib saalaa nì bili.

³¹Mmuŋku nì unanaati di sá Roomamitii-Eeseer, u nì u-jipɔmbi nì u-nabiyaamu binib saalaa nì bili.