Read Ntcham 1 Chroniques 5 Bible Online

1 Chroniques 5 - Ntcham bible

1 Chroniques 5

¹Jaakɔb biseebiki Rubeen jipɔmbi sèé. Rubeen di sá Jaakɔb jipɔŋkpiliu. Ama u nìn dōoǹ nì u-baa nimpoobi kansikin ubɔ. Míǹ boonee ní bi cúú tijipɔŋkpiti ki fōō u-cee ki dūu tīī Jooseefi jipɔmbi. Jooseefi mun nìn sá Isirayeel jipɔmbi kansikin ubɔ ní. Kí yòon̄ ŋyunti gbantee, baa nìn gíti dū Rubeen ki yíiń ujipɔŋkpil.

²Juuda di nìn sá u-mambi nì u-naalib kansikin un pɔ̄ɔ̄, ní u-dicaŋkun yab ubɔ dāa kpántì Isirayeel bɔtiuee[9]. Ama Jooseefi ní bi dū tikpiti ki tīī.

³Jaakɔb jipɔŋkpiliu Rubeen jipɔmbi di sá Anɔki nì Palu nì Eesirɔn nì Kaarmii.

⁴Jooweel naantiibi di sá Seemaya nì Jooweel nì Gɔɔgi nì Simeeyii,

⁵nì Miika nì Raaya nì Baal,

⁶nì Baal jipɔɔn Beera. Beera nìn sá Rubeen naakookun yab kpiliu ubɔ ní Asuur bɔtiu Tiigilaati-Piilneeseer nìn cúú ki cūnnì kuyuŋu[10].

⁷Beera nabiyaamu ki nóó nì bi nín pēē pēē mmaal pu nì adican pu bi ŋmàn̄ bi-yiŋŋi ki bíl̀ee, upeekaa di sá Jeeyeel, ní ki páaǹ Seekariyawuu,

⁸ní ki páaǹ Asaasi jipɔɔn Beela. Beela sá Seema naantiiu nì Jooweel naantitɔntɔkɔl ní. Rubeen yab nìn kóò kitiŋ kin dɔ̄ kí yòon̄ Arooweer tiŋki ŋgiil pú kí cáá sāā Neeboo jool nì Baal-Meeyɔn tiŋki ŋgan púee ní.

⁹Ŋwìiń nyalaŋki púee, bi nìn kóò kitiŋ kin dɔ̄ ki tin cáa sāā kuteeu kun yākatì bi nì Eefiraati mɔɔlee nín kífí púee ní, kun puee bi-waŋkuti nìn būtì Galaadi tiŋki pu tikpilku.

¹⁰Ubɔti Saayuul yuntiŋuee, bi nìn jáń ki pɔ́ɔkiǹ Agaar maaliŋun yab ní ki fōō mpaan ki kāl̀ Galaadi tiŋki kin dɔ̄ ŋgan púee kɔkɔ.

¹¹Gaadi naakookun yab nìn kóò Rubeen yab tiŋki ŋgan pú ní, Baasan tiŋki kí tin cáá sāā Salka tiŋki.

¹²Baasan tiŋkin niinee, bi-kpiliu upeepeekaa di nìn sá Jooweel, uliliiti di sá Safan, ní ki páaǹ Jaanayi nì Safaati.

¹³Ki nóó nì bi nín pēē pēē mmaal puee, bi-nabiyaamu mun kíǹee kpilib di sá Miikayeel nì Meesulam nì Seeba nì Jooraayi nì Jakan nì Siiya nì Eebeer. Bi nìn nyáń binib biluli ní.

¹⁴Urii jipɔɔn Abiikayiil niboolii di sá bikpilib gbanti. Abiikayiil naanjab di sá Jaroowa nì Galaadi nì Miikayeel nì Jeesisaayi nì Jaadoo nì Buusi.

¹⁵Abidiyeel jipɔɔn nì Guuni naantiiu Akii di nìn sá Gaadi naakookun yab gbanti kɔkɔ kpiliu.

¹⁶Gaadi dicaŋkun yab nìn kóò Galaadi nì Baasan tiŋkpaammun ní. Bi nìn gíti kóò ntimu mun bí mu-taapuee nì Saarɔn naakpaapɔɔkun kí tin cáá sāā mu-kpaanyɔmmu.

¹⁷Bi nìn kàan̄ binib gbanti kɔkɔ ki ŋmàn̄ bi-yiŋŋi ki ŋá dikàandi gbɔŋkun ŋyunti ŋun Jootam nìn sá Juuda bɔtiu ní Jeerooboowaam sá Isirayeel bɔtiuee ní.

¹⁸Rubeen nì Gaadi naakɔtin yab nì Manasee naakooku dijandi diba yab sá bibaatandambi kutukub imuŋku ili nì binaa nì binib alaataa aluli nì imuŋku ita. Bi nìn cíkitì ki ŋūǹ kí já kujaau, kí ŋúb́ digbampɔɔl nì kitàataajiki kí tɔ̄ butɔbu.

¹⁹Bi nìn jáń nì Agrii yab nì Jeetuur nì Nafiisi[11] nì Noodaab dicaŋŋi yab.

²⁰Kujaau gbanti poonee, bi nìn dū bi-mákal ki páaǹ Unimbɔti pu ní ki mēē-u yii ú tūtuǹ-bi. Unimbɔti nìn fōō bi-wimmeem ní ki tútuǹ-bi. Míǹ ní bi nìn jáń ki pɔ́ɔkiǹ Agrii yab nì bin nìn pá bi-boonee.

²¹Bi nìn cúú Agrii yab cee igutaamu kutukub imuŋku ili nì saalaa nì ipii nì iŋoobu kutukub alaataa ali nì imuŋku ili nì saalaa nì mmamu kutukub bili. Bi nìn cúú binib kutukub dilaataal mun kuyuŋu

²²ní ki kūū binannanliibi tikpil. Di sá yii Unimbɔti di nìn līī bi-nyɔkɔpu ní bi jáń kujaau gbanti. Niinee ní bi gbíntì Agrii yab tiŋki gbantin ki kāl̀ ki dāa sāā ŋyunti ŋun bi dāa cúú Isirayeel yab ki cūnnì kuyuŋuee.

²³Manasee naakooku dijandi diba yab nìn dɔ́miń ki kāl̀ kitiŋ kin dɔ̄ kí yòon̄ Baasan tiŋki ŋgiil pú kí cáá sāā Baal-Eermɔn tiŋki nì Seeniir nì Eermɔn jool ŋgan púee ní.

²⁴Bi nín pēē pēē mmaal puee, bi-kpilib yiŋŋi di sá Eefeer nì Iseeyii nì Eeliyeel nì Asiriyeel nì Irimeeya nì Oodafiya nì Yaadiyeel. Bíǹ gbanti kɔkɔ nìn sá bibaatandambi nì bin nyáń diyindee ní.

²⁵Ama Rubeen nì Gaadi naakɔtin yab nì Manasee naakooku dijandi din bí Jɔɔdan buŋŋu ŋwìiń nyalaŋki púee yab nìn fātì bi-boon ki tīī bi-naanjab Nimbɔtiu ní ki nìn bí ki tòotī atimbun ŋin nib Unimbɔti nìn jìn̄ ki nyántì ki wāatì-bi kitiŋee waaŋi.

²⁶Niinee ní Isirayeel Nimbɔtiu sāal̀ Asuur bɔtiibi Puul nì Tiigilaati-Piilneeseer ní bíǹ dɔ́miń ki cúú-bi ki cūnnì Alaa nì Abɔɔr nì Ara timmun nì Goosan mɔɔl caŋin timmun kuyuŋu. Bi dáá gbíntìi bí niin ki dāa sāā díǹ[12].

²⁷Leefii jipɔmbi[13] di sá Geersɔn nì Keeyaati nì Meerarii.

²⁸Keeyaati jipɔmbi di sá Amiiraam nì Isaar nì Eebrɔn nì Usiyeel.

²⁹Amiiraam jipɔmbi di sá Aarɔn nì Mooyiisi ní u-bisal sá Miiriyam. Aarɔn jipɔmbi di sá Nadaab nì Abiyuu nì Eeleeyasaar nì Itamaar.

³⁰Eeleeyasaar di màl̄ Piinaasi, ní Piinaasi màl̄ Abiisuwa,

³¹ní Abiisuwa màl̄ Bukii, ní Bukii màl̄ Usi,

³²ní Usi màl̄ Seeraya, ní Seeraya màl̄ Meerayooti,

³³ní Meerayooti màl̄ Amariya, ní Amariya màl̄ Ayiituub,

³⁴ní Ayiituub màl̄ Saadooki, ní Sadooki màl̄ Ayiimaasi,

³⁵ní Ayiimaasi màl̄ Asariya, ní Asariya màl̄ Yoowanan,

³⁶ní Yoowanan màl̄ Asariya. Asariya gbanti di dāa kpántì usaraaŋakpil kunimbɔtidii kun Saloomɔn nìn máń Jeerusaleem tiŋkinee poon.

³⁷Asariya di màl̄ Amariya, ní Amariya màl̄ Ayiituub,

³⁸ní Ayiituub màl̄ Saadooki, ní Saadooki màl̄ Saluum,

³⁹ní Saluum màl̄ Ilikiya, ní Ilikiya màl̄ Asariya,

⁴⁰ní Asariya màl̄ Seeraya, ní Seeraya màl̄ Joosadaaki.

⁴¹Neebukadineesaar nìn cúú Joosadaaki ki cūnnì kuyuŋu ŋyunti ŋun ní ti-Dindaan nìn yāntì bi cúú Juuda yab nì Jeerusaleem yab ki cūnnì kuyuŋuee.