Read Ntcham 1 Chroniques 7 Bible Online

1 Chroniques 7 - Ntcham bible

1 Chroniques 7

¹Isakaar nìn cáá jipɔmbi binaa ní. Bíǹ di sá Toola nì Puuwa nì Jasuub nì Simroon.

²Toola jipɔmbi di sá Usii nì Reefaya nì Jeeriyeel nì Yaamayi nì Yibisam nì Seemiyeel. Bíǹ di sá Toola maaliŋun dicaŋŋi kpilib, ní ki nìn sá bibaatandambi bi-dicaŋŋi poon. Ubɔti Daafiidi yuntiŋuee, Toola maaliŋun yab gbanti nìn sá binib kutukub mmuŋku nì bili nì binib alaataa aluu ní.

³Usii jipɔɔn di sá Isiraya ní Isiraya jipɔmbi sá Miikayeel nì Oobadiya nì Jooweel nì Isiya. Bi-ŋmootil nìn sá adican kpilib ní.

⁴Bi-dicaŋkun yab nìn cáá binimpoobi nì jipɔmbi tikpil. An puee, an nìn sá bí tīī binib kutukub mmuŋku nì saalaa nì biluu bin bàn̄ kí cù kujaauee.

⁵Bi nín kàan̄ Isakaar naakookun yab bin sá bibaatandambee, bi nìn nyáń binib kutukub imuŋku inaa nì biluli ní.

⁶Beenjameen nìn cáá jipɔmbi bita ní. Bíǹ di sá Beela nì Beekeer nì Yeediyeel.

⁷Beela naantiibi di sá Eesbɔn nì Usii nì Usiyeel nì Yeereemooti nì Irii. Bibaatandambi gbanti kɔkɔ nìn sá bi-dicaŋŋi kpilib ní. Bi nín kàan̄-bee, bi-kɔkɔ nìn nyáń binib kutukub mmuŋku nì bili nì binib mmuŋku nì saalaa nì binaa ní.

⁸Beekeer naantiibi di sá Seemiira nì Joowaasi nì Eeliyeeseer nì Eeliyooweenayi nì Oomirii nì Jeereemooti nì Abiiya nì Anatooti nì Aleemeeti. Beekeer dicaŋkun yab di sá bíǹ gbanti kɔkɔ.

⁹Bi sá bibaatandambi ní ki sá bi-dicaŋŋi kpilib mun. Bi nín kàan̄ bi-nibee, bi nìn nyáń binib kutukub mmuŋku nì binib alaataa ali ní.

¹⁰Yeediyeel jipɔɔn di sá Biilan ní Biilan jipɔmbi sá Jeewusi nì Beenjameen nì Eewuudi nì Keenaana nì Seetan nì Taarsiisi nì Ayiisakaar.

¹¹Yeediyeel maaliŋun yab gbanti kɔkɔ sá bibaatandambi ní ki sá bi-dicaŋŋi kpilib mun. Bi-dicaŋŋi nib bin nìn bàn̄ kí cù kujaauee nìn sá binib kutukub saalku nì bili nì binib alaataa ali ní.

¹²Iir jipɔmbi di sá Supiim nì Upiim, ní Ayeer jipɔɔn sá Usiim.

¹³Neefitalii jipɔmbi di sá Yaasiyeel nì Gunii nì Saluum. Bi-na di sá Biila[16].

¹⁴Manasee jipɔmbi di sá Asiriyeel nì Makiir bin u-nimpuwaaki kin sá Aram tiŋkinee nìn màl̄-uee. Makiir di màl̄ Galaadi.

¹⁵Makiir nìn cáá unimpu ki tīī Upiim nì Supiim. Makiir nìn cáá niisal ubɔ bi yíì-u Maaka. U nìn gíti cáá jipɔnliliiti bi yíì-u Seeloofaadi, ama úǹ nìn pée màl̄ mbinimpubiyaamu ŋma ní.

¹⁶Makiir nimpuu Maaka nìn màl̄ kibininjabiki ní ki pú-kì diyindi yii Peereesi. U nìn gíti màl̄ kibininjabiki ní ki pú kíǹ diyindi yii Seereesi. Seereesi di màl̄ Ulam nì Reekeem,

¹⁷ní Ulam màl̄ Beedan. Makiir jipɔɔn Manasee naantiiu Galaadi maaliŋun yab dee.

¹⁸Galaadi niisal Amɔleekeeti di màl̄ Isoodi nì Abiyeeseer nì Maala.

¹⁹Seemiida[17] jipɔmbi di sá Ayan nì Seekeem nì Liikii nì Aniiyam.

²⁰Eefiraayiim naakookun yab di sá u-jipɔɔn Suteela nì u-naantiibi Beereedi nì Taati nì Eelaada nì Taati,

²¹nì Sabaadi nì Suteela nì Eeseer nì Eelaadi. Eefiraayiim jipɔmbi Eeseer nì Eelaadi nìn cūtì kí gbìntī Gaati yab waŋkuti ní bíǹ kūuń-bi.

²²Bi-baa Eefiraayiim súń bi-kpool ki yúntì tikpil, ní u-nabiyaamu dɔ́miń ki sɔ̄ŋkì u-pɔbil.

²³Boonee ní Eefiraayiim nì u-nimpuu fātìi kpáfì ní u-nimpuu màl̄ kibininjabiki ní u pú-kì diyindi yii Beeriya, di sá yii «nnaabu nìn jéetì u-dicaŋku pu.»

²⁴U-bisal Seera di náań Beeti-Oorɔn yilpu tiŋki nì taapu tiŋki, ní ki náań Useen-Seera tiŋki mun.

²⁵U-naantiibi di gíti sá Reefa nì Reeseefi nì Teela nì Tayan,

²⁶nì Laadan nì Amiiwuudi nì Eeliisama,

²⁷nì Nuuni nì Joosuwa.

²⁸Ditinjandi din Eefiraayiim yab fōō kí nīn kóòyee di sá Beeteel tiŋki nì ntimbilimu mun māntìi tú-kèe, nì Naaran tiŋki kin bí ŋwìiń nyalaŋki púee, nì Geeseer tiŋki kin bí ŋwìiń jeetilaŋki púee nì ntimbilimu mun māntìi tú-kèe, nì Siikeem nì Aya timmu nì ntimbilimu mun māntìi tú-muee.

²⁹Manasee naakookun yab di yì Beeti-Seeyan nì Taanaki nì Meegiidoo nì Dɔɔr timmu, ki yì ki kpáaǹ ntimbilimu mun māntìi tú-muee kɔkɔ. Ntimu gbanti ní Jaakɔb jipɔɔn Jooseefi naantiibi nìn kóò.

³⁰Aseer jipɔmbi di sá Imina nì Isifa nì Isifii Beeriya, bi-niisal di sá Seera.

³¹Beeriya jipɔmbi di sá Eebeer nì Malkiyeel. Malkiyeel di sá Biirisayiiti baa.

³²Eebeer di màl̄ Jafileeti nì Soomeer nì Ootam nì bi-niisal Suuwa.

³³Jafileeti jipɔmbi di sá Pasaki nì Biimaal nì Asifaati.

³⁴Seemeer jipɔmbi di sá Ayii nì Rooga nì Uba nì Aram.

³⁵U-nabiki Eeleem jipɔmbi di sá Soofa nì Irima nì Seeleesii nì Amaal.

³⁶Soofa jipɔmbi di sá Suuwa nì Arineefeer nì Suwaal nì Beerii nì Imira,

³⁷nì Beeseer nì Oodi nì Sama nì Siileesa nì Itiran nì Beera.

³⁸Jeeteer jipɔmbi di sá Jeefunee nì Piispa nì Eera.

³⁹Ula jipɔmbi di sá Ara nì Aniiyeel nì Riisiya.

⁴⁰Aseer naantiibi di sá binib nee kɔkɔ. Bi nìn sá adican kpilib nì bibaatandambi bin nyáń diyindee. Bi nín kàan̄ bi-nib kɔkɔee, bin nìn bàn̄ kí cù kujaauee nìn sá binib kutukub mmuŋku nì biluu ní.