Read Ntcham Esdras 10 Bible Online

Esdras 10 - Ntcham bible

Esdras 10

¹Ŋyunti ŋun Eesiraasi gbāā ki sūǹ kunimbɔtidii nyɔkɔpu ki mèé Unimbɔti bi-kpitii pɔ̄tam puee, Isirayeel yab dinikitikpaandi, bininjab nì binimpoobi nì mbiyaamu dɔ́miń ki māntì tú-u ní ki bíi sūǹ tikpil.

²Niinee ní Yeeyiyeel jipɔɔn Seekaniya un sá Eelaam maaliŋunee bí Eesiraasi yii: «Taa yúliǹ ti-Nimbɔtiu deedee ki cáá binicannimpoobi bin sá kitiŋ nee poon nimpubiyaamuee. Ama nì míǹ kɔkɔee, dimákal diba gbíntìi dáá bí ki tīī Isirayeel yab.

³Tí lēēmaan ti-pɔbiliŋ poon kɔŋkɔnnee kí ŋá mpèé nì ti-Nimbɔtiu yii ti làá jà binicannimpoobi gbanti kɔkɔ ki kpáaǹ bi-biyaamu, kii sii ti-kpiliu nì bin kɔkɔ fàŋkí ti-Nimbɔtiu marabee nín sáŋkì-ti puee. Ti làá ŋá kí nóó nì mara.

⁴Yīkìm̄, kun puee sii di làá ŋāŋkì tibɔti nee. Timbi yú a-boon, ká kunyannyaau kí ŋá min máaǹee kí taa gùgufì.»

⁵Niinee Eesiraasi yíkì ní ki yāntì bisaraaŋaliibi nì Leefii yab[17] nì Isirayeel yab kɔkɔ pūtì yii bi làá ŋá kii Seekaniya nín sòon̄ puee, ní bi-kɔkɔ pūtì.

⁶Ní Eesiraasi nyáń kunimbɔtidii cindin ki cūtìi kɔ́ Eeliyasiib jipɔɔn Yoowanan diikun ki dōoǹ, ama waa nìn jíń báà tiba kaa nìn nyùn̄ mun. Di sá yii bin nìn nyánní kuyuŋuee nín nìn ŋá ikpitikpaan iŋyee nìn sá-u kii dikpoolee ní u kā.

⁷Bi nìn báakì Jeerusaleem nì Juuda timmu mun kíǹee poon yii bin kɔkɔ nìn nyánní kuyuŋuee ń kpāfì Jeerusaleem.

⁸Adican kpilib nì abɔtibil nìn sòon̄ ki yóoǹ yii nì iwiin ita poonee, un yaa kaa dɔ́mińee, bí fōō u-wanti tin kɔkɔ u cááyee, ní kí jà úǹ u-ba kí nyāntí bin nyánní kuyuŋuee kansikin.

⁹Niinee ní Juuda yab nì Beenjameen yab bininjab kɔkɔ kóoǹ ki kpáfì Jeerusaleem tiŋkin iwiin ita gbanti poon. An nìn sá uŋmawawati poon iwiin mmuŋku dal ní. Binib kɔkɔ nìn kpáfì kunimbɔtidii mɔŋkiŋu tiwun jìkì tin poon bi bée pu. Kí kūtèe utaa nín bíi nì.

¹⁰Usaraaŋal Eesiraasi nìn yáatìi yúl̀ ní ki bí-bi yii: «Ni nín cáá binicannimpoobee, naa yúliǹ Unimbɔti deedee, ní ki yāntì Isirayeel yab bɔkpil gíti nyāŋkì.

¹¹Kɔŋkɔnnee, ní tīīmaan ti-Dindaan ni-baabi Nimbɔtiu tinyool, kí ŋámaan min u lèe. Ni nì kitiŋ nee pu yab ń yàkatī tɔbin ní ní jà binicannimpoobi bin ni cááyee.»

¹²Bin kɔkɔ nìn kpáfì niinee nìn kíí mpɔn yii: «A cáá mbaamɔn! Án pée sá tí ŋá kii a nín lī pu nee ní.

¹³Ama ti wīikí ní an sá kuseeun mun. Taa ŋūǹ kí nīn yú mpaampiin pu míǹ. Kí wàatī muee taa ŋūǹ kí dū ŋwiin ŋubɔ àá ili gba kí ŋāŋkì tibɔti nee, kun puee ti-kansikin tikpil bí ki ŋá ikpiti tibɔti nee poon.

¹⁴Míǹ puee ti-kpilib ń gbíntí doo samaa kɔkɔ yil pu. Bí yóoń bin kɔkɔ cáá binicannimpoobee iyunti ní báà ŋma ń nīn dòoń ŋyunti ŋun bi yóoǹ-uee, u nì u-tiŋki kpilib nì ki-bɔsoonliibi, ní bí kpèè tibɔti gbanti kí tin sāā ŋyunti ŋun ní Unimbɔti ŋuul làá sɔ̀ŋkì timbi puee.»

¹⁵Asayeel jipɔɔn Joonatan nì Tiisfa jipɔɔn Yasiya baba di kaa nìn kíí ki tɔ́kɔǹ nlandɔkɔ ŋun bi cáańee pu. Meesulam nì uleefiija Sabeetayi mun nìn yú bi-boon.

¹⁶Ama Isirayeel yab bin nìn nyánní kuyuŋuee nìn fōō an bɔtee ki làá ŋá míǹ. Usaraaŋal Eesiraasi nìn sāā kudicaŋu kamaa poonee bininjab kansikin ubɔ diŋambil, ki lēē-u ú nīn sá kudicaŋu kpiliu. An nibee nìn kpáfì uŋmaliliiti wimpeekaaŋu dal ki kíĺ kí kpèè tibɔti gbanti.

¹⁷Bi dāa ŋáŋkì bininjab bin kɔkɔ cáá binicannimpoobee bɔti ki dóò dibindi poon uŋmapeepeekaa wimpeepeekaaŋu dal ní.

¹⁸Bisaraaŋaliibi kansikin bin nìn cáá binicannimpoobee yiŋŋi sɔ̀. Yoosadaaki jipɔɔn Joosuwa maaliŋun yab nì bi-nabiyaamu kansikinee, Maseeyawuu nì Eeliyeeseer nì Yaariiba nì Geedaliya.

¹⁹Bi nìn pūtì yii bi làá jà bi-nimpoobi ní kí dū upìja ki ŋá dibɔkpil saraau.

²⁰Imeer maaliŋun yab kansikinee, Ananii nì Seebadiya.

²¹Ariim maaliŋun yab kansikinee, Maseeyawuu nì Eeliya nì Seemaya nì Yeeyiyeel nì Usiyasi.

²²Pasuur maaliŋun yab kansikinee, Eeliyooweenayi nì Maseeyawuu nì Isimaayeel nì Neetaneeyeel nì Yoosabaadi nì Eeleeyasa.

²³Bi-kansikinee bin sá Leefii naakookun yabee di sá Yoosabaadi nì Simeeyii nì Keedaya, (bi gíti yíì-u yii Keeliita) nì Peetayia nì Yeewuda nì Eeliyeeseer.

²⁴Biwambɔɔliibi kansikinee, Eeliyasiib. Bipunyɔɔciitiliibi kansikinee, Saaluum nì Teeleem nì Uurii.

²⁵Isirayeel yab bin kíǹee kansikinee, Pareeyoosi maaliŋun yab di sá Ramiya nì Yiisiya nì Maalkiya nì Miiniyaamiini nì Eeleeyasaar nì Maalkiya nì Beenaya.

²⁶Eelaam maaliŋun yab di sá Mataniya nì Seekariya nì Yeeyiyeel nì Abidii nì Yeereemooti nì Eeliya.

²⁷Satu maaliŋun yab di sá Eeliyooweenayi nì Eeliyasiib nì Mataniya nì Yeereemooti nì Sabaadi nì Asiisa.

²⁸Beebaayi maaliŋun yab di sá Yoowanan nì Ananiya nì Sabaayi nì Atilayi.

²⁹Banii maaliŋun yab di sá Meesulam nì Maluuki nì Adaaya nì Akuub nì Seeyal nì Yeereemooti.

³⁰Paati-Moowaab maaliŋun yab di sá Adina nì Keelaal nì Beenaya nì Maseeyawuu nì Mataniya nì Beesaleel nì Binuyii nì Manasee.

³¹Ariim maaliŋun yab di sá Eeliyeeseer nì Yisiya nì Maalkiya nì Seemaya nì Simeeyɔn,

³²nì Beenjameen nì Maluuki nì Seemariya.

³³Asuum maaliŋun yab di sá Mateenayi nì Mataata nì Sabaadi nì Eeliifeeleeti nì Yeereemayi nì Manasee nì Simeeyii.

³⁴Banii maaliŋun yab di sá Maadayi nì Amiiraam nì Uyeel

³⁵nì Beenaya nì Beediya nì Keeluyii

³⁶nì Faniya nì Meereemooti nì Eeliyasiib

³⁷nì Mataniya nì Mateenayi nì Yaasayi

³⁸nì Banii nì Binuyii nì Simeeyii

³⁹nì Seeleemiya nì Naatan nì Adaaya

⁴⁰nì Makinaadibayi nì Saasayi nì Saarayi

⁴¹nì Asareeyeel nì Seeleemiyawuu nì Seemariya

⁴²nì Saaluum nì Amariya nì Jooseefi.

⁴³Neeboo maaliŋun yab di sá Yiyeel nì Matitiya nì Sabaadi nì Seebina nì Yadidayi nì Jooweel nì Beenaya.

⁴⁴Bininjab gbanti kɔkɔ di nìn cáá binicannimpoobi, ní bi-kansikin tikpil nìn màl̄ mbiyaamu.