Read Ntcham Néhémie 10 Bible Online

Néhémie 10 - Ntcham bible

Néhémie 10

¹Tin bāań-ti nee puee, ti lēē nì dipɔbil diba kí nóó marab. Ti làá ŋmà kí ŋá kugbɔŋu poon ní ti-kpootiliibi nì Leefii yab nì ti-saraaŋaliibi ń nyīī ŋŋal[33].

²Binib bin nìn nyīī ŋŋalee yiŋŋi sèé. - Akaliya jipɔɔn Neeyeemiya un sá gɔminee nì Sideekiya,

³nì Seeraya nì Asariya nì Yiirmeeya,

⁴nì Pasuur nì Amariya nì Maalkiya,

⁵nì Atuusi nì Seebaniya nì Maluuki

⁶nì Ariim nì Meereemooti nì Oobadiya,

⁷nì Daniyeel nì Giineetɔn nì Baruuki,

⁸nì Meesulam nì Abiiya nì Miiniyaamiini,

⁹nì Maasiya nì Biiligayi nì Seemaya. Bíǹ kɔkɔ nìn sá bisaraaŋaliibi ní. -

¹⁰Leefii yab yiŋŋi sèé. Asaniya jipɔɔn Yeesuwa nì Biinuyii un sá Eenadaadi maaliŋunee nì Kadimiyeel

¹¹nì bi-nabiyaamu Seebaniya nì Oodiya nì Keeliita nì Peelaya nì Anan,

¹²nì Miika nì Reewoob nì Asabiya,

¹³nì Sakuur nì Seereebiya nì Seebaniya,

¹⁴nì Oodiya nì Banii nì Beeniinuu.

¹⁵Adican kpilib bin nìn nyīī ŋŋalee sèé. Pareeyoosi nì Paati-Moowaab nì Eelaam nì Saatuu nì Banii,

¹⁶nì Buunii nì Asigaadi nì Beebaayi,

¹⁷nì Adooniya nì Biigifayi nì Adiini,

¹⁸nì Ateer nì Isikiya nì Asuur,

¹⁹nì Oodiya nì Asuum nì Beesayi,

²⁰nì Ariifi nì Anatooti nì Neebaayi,

²¹nì Magipiyaasi nì Meesulam nì Eesiir,

²²nì Meeseesaabeel nì Saadooki nì Yaduwa,

²³nì Peelatiya nì Anan nì Anaaya,

²⁴nì Ooseeya nì Ananiya nì Asuub,

²⁵nì Alooweesi nì Piileeya nì Soobeeki,

²⁶nì Reewum nì Asaabina nì Maseeyawuu

²⁷nì Ayiiya nì Anan nì Aanan

²⁸nì Maluuki nì Ariim nì Baana.

²⁹Isirayeel yab bin nìn kíǹee nì bisaraaŋaliibi nì Leefii yab nì bipunyɔɔciitiliibi nì bilaŋgaaliibi nì kunimbɔtidii poon tɔntɔnliibi, nì bin kɔkɔ nìn gāntì bi-ba nì ntimu mun kíǹee nib ki nóó Unimbɔti marabee, ki kpáaǹ bi-nimpoobi nì bi-jipɔmbi nì bi-bisalib nì bin kɔkɔ nìn ŋūǹ kí gbìl̄ tibɔti taapuee nìn kútì bi-pu.

³⁰Bi-kɔkɔ nìn kíí ki tɔ́kɔǹ bi-nabiyaamu mun pu bi máká tikpilee nín sòon̄ tiŋyee pu. Bi nìn lēē nì dipɔbil diba, ki pūtì ki pōoǹ yii bi làá nīn nóó marab bin Unimbɔti nìn tīī u-tɔntɔnliu Mooyiisee, án nín làá ŋá pu tí ŋmā kí ŋá kii ti-Dindaan ti-Nimbɔtiu marab kɔkɔ nì u-bɔkpaaŋi nì u-koobiliŋ nín bí yii tí ŋá puee.

³¹An puee taa ti làá dū ti-bisalib kí tīī kitiŋ nee nib ticati, míǹ ní kaa làá tí yòon̄ bi-bisalib kí tīī ti-jipɔmbi ticati[34].

³²Kitiŋ nee nib yaa cáań bi-nyampuwanti àá tijin tin an yaa pée sée ki nyáfí ŋwiŋŋuŋfikaa dal nì ti-jiŋaalib wiiŋyi dalee, taa làá dā. Abin aluli kamaayee, ti làá yàntī ti-kpaatanti ń dòon̄ kí ŋùŋfì, ní kí dū apɔɔn ŋin binib cáá-tee kí pɔ̄-bi[35].

³³Ti gíí ti-ba dipɔndi kí nīn tìì dibindi kamaa animbil graambi binaa bí nīn cáa tūǹ ti-Nimbɔtiu diiku poon tuuŋŋi[36].

³⁴Animbilee ní bi làá nīn cáa dāā kpɔnɔb bin bi pāantí ti-Dindaan nimbiinee, nì tijimpin saraabi bin bi ŋáań kutaa kamaayee, nì saraawɔkaa un bi ŋáań kutaa kamaayee, nì saraabi bin bi ŋáań ŋwiŋŋuŋfikaa dal nì uŋmapɔɔn nì jiŋaalib bin kíǹee wiiŋyee, nì tin kɔkɔ bi dūu sú ti-Dindaanee, nì Isirayeel yab kpitii pɔ̄tam saraabi, nì tin kɔkɔ pée sá bí nīn cáa kpèé ti-Nimbɔtiu diiku ŋāŋkitamee.

³⁵Timbi bisaraaŋaliibi nì Leefii yab nì samaa un kíǹee, ti tɔ́ kasi kí kpèè ŋyunti ŋun ní kudicaŋu kamaa máaǹ kí cáań idɔ ti-Nimbɔtiu diikunee. Di sá yii dibindi kamaa, ŋyunti ŋun bi síiǹee yaa bàn̄ee, ti làá cáań idɔ in an bàlifēe bí nīn cáa kpà ti-Dindaan ti-Nimbɔtiu saraafaŋŋu pu ŋŋmi, kii an nín ŋmàn̄ marab gbɔŋkun poon puee.

³⁶Míǹ ní ti làá nīn tí cāabìń ti-tiŋki jincɔ̀fikaati nì busubu kamaa nín lòoǹ abil ŋiŋyee apeekaa dibintil kamaa ti-Dindaan diikun[37].

³⁷Ti làá gíti cáań ti-biseebiyaamu nninjabiyaamu nì ti-waŋkuti biseemaliŋ, kii an nín ŋmàn̄ marab gbɔŋkun poon puee. Ti làá cáá ti-naai nì ti-piii nì ti-ŋoobui biseemaliŋ kí cùnnì ti-Nimbɔtiu diikun kí tīī bisaraaŋaliibi bin bí niin ki tūǹ ti-Dindaan tundee[38].

³⁸Kí kūtèe, ti làá cáań bukpɔnɔsaa bun ti péé péé ki nùkūee nì dijandi din ti lèekī ti-saraabi poon ki tìì Unimbɔtee nì ti-sufii kɔkɔ subiliŋ apeepeekaa nì ti-dapɔm nì ti-kpam ti-Nimbɔtiu Diiku dibiyaamu mun poon bi sīintí tijinee kí tīī bisaraaŋaliibi. Ti lēē ti-kpaajinti poon tisaalaatiil kí tīī Leefii yab. Bíǹ bi-ba làá dāan̄ ntimu mun kɔkɔ poon ti bí ki tūǹ ditundee kí fōō tisaalaatiil gbanti.

³⁹Leefii yab yaa cá kí fōoń tisaalaatiilee, usaraaŋal un sá Aarɔn maaliŋu poonee ń céeǹ-bi. Leefii yab làá lēē tisaalaatiil gbanti saalaatiiti kí tīī ti-Nimbɔtiu diiku bí cáań kí síiń kunimbɔtidii dibiyaamu mun poon bi yōontí tijinee[39].

⁴⁰Di sá yii ndibiyaamu gbanti poon ní Isirayeel yab nì Leefii yab làá nīn cāabìń bilee nì ndapɔm nì ŋkpam saraabi ki yōontí. Niin ní circir kɔŋkooŋŋu wanti nì bisaraaŋaliibi bin bí ditundinee nì bipunyɔɔciitiliibi nì bilaŋgaaliibi bí. Ti yaa ŋá mimmee, taa féeń ti-Nimbɔtiu diiku.