Read Ntcham Néhémie 11 Bible Online

Néhémie 11 - Ntcham bible

Néhémie 11

¹Samaa kpilib nìn kóò Jeerusaleem ní. Bi nìn tɔ́ kasi samaa un kíǹee pu kí lēē binib saalaa kamaa poonee, unil ubɔ ú cùú nīn kóò Jeerusaleem, circir tiŋkin, ní binib biwa bin kíǹee ń gbíntí kí nīn kóò ntimu mun kíǹee poon.

²Samaa nìn mēē ki bīiǹ bin kɔkɔ nìn lēē bi-pɔbilin yii bi làá cù kí nīn kóò Jeerusaleemee pu.

³Isirayeel yab nì bisaraaŋaliibi nì Leefii yab nì kunimbɔtidiin tɔntɔnliibi nì Saloomɔn tɔntɔnliibi naantiibi di nìn kóò Juuda tiŋkin. Báà ŋma nìn kóò u-tiŋkin laakin u nìn yèe ní. Juuda timmu mun kíǹee kpilib bin nìn dɔ́miń ki kóò Jeerusaleemee yiŋŋi sɔ̀.

⁴Juuda yab nì Beenjameen yab biba mun nìn dɔ́miń ki kóò Jeerusaleem. Juuda yab kansikinee, Peereesi maaliŋun yab di sá Usiyaa jipɔɔn Ataaya, u-naanjab sá Seekariya nì Amariya nì Seefatiya nì Maalaleeyeel.

⁵Maseeyawuu mun nìn bí, u-naanjab sá Kool-Ooseeya nì Asaaya nì Adaaya nì Yooyariib nì Seekariya nì Asiloonii.

⁶Peereesi maaliŋun yab bisaraaŋaliibi bin nìn dɔ́miń ki kóò Jeerusaleemee nìn nyáń binib alaataa anaa nì imuŋku ita nì binib binii.

⁷Beenjameen yab kansikin ubɔ di sá Meesulam jipɔɔn Saluu. U-naanjab di sá Yooweedi nì Peedaya nì Koolaya nì Maseeyawuu nì Itiyeel nì Yeesaya.

⁸Bin kíǹee di sá Gabayi nì Salayi. Bi-kɔkɔ nìn nyáń binib alaataa awa nì binib mmuŋku nì binii.

⁹Sikirii jipɔɔn Jooweel di nìn sá bi-kpiliu, ní Aseenuwa jipɔɔn Juuda sá kitiŋee kpiliu taapu yɔu.

¹⁰Bisaraaŋaliibi kansikinee, bin nìn bée di sá Yooyariib jipɔɔn Peedaya, nì Yakiin

¹¹nì Ilikiya jipɔɔn Seeraya. Seeraya gbanti naanjab di sá Meesulam nì Sadooki nì Meerayooti nì bin kpèé kunimbɔtidiiyee kpiliu Ayiituub,

¹²nì bi-nabiyaamu binib alaataa anii nì mmuŋku nì bili bin di bí kunimbɔtidiin ki tūǹ atuunee. Yeeroowaam jipɔɔn Adaaya mun nìn bí. U-naanjab di sá Peelaliya nì Amisii nì Seekariya nì Pasuur nì Maalkiya,

¹³nì u-nabiyaamu bin sá adican kpilibee binib alaataa ali nì imuŋku ili nì binib bili. Asaareeyeel jipɔɔn Amasaayi mun nìn bí. U-naanjab di sá Asayi nì Meesileemooti nì Imeer,

¹⁴nì bi-nabiyaamu bibaatandambi binib dilaataal nì binib mmuŋku nì binii. Ageedooliim jipɔɔn Sabidiyeel di nìn sá bi-kpiliu.

¹⁵Leefii yab kansikinee, bin nìn bée ubɔ di sá Asuub jipɔɔn Seemaya. U-naanjab di sá Asiirikam nì Asabiya nì Bunii

¹⁶nì Sabeetayi nì Yoosabaadi bin nìn sá Leefii yab kpilib kansikin biba ní ki nìn kpèé kunimbɔtidii boon tuuŋŋee mun nìn bí.

¹⁷Miika jipɔɔn Mataniya mun nìn bí. U-naanjab di sá Sabidii nì Asaafi un di nìn tōontí inyɔŋki laŋyi ŋwimmeem yuntiŋuee, nì u-nabiki Bakibukiya un nìn sá u-taapu yɔuee nì Samuwa jipɔɔn Abidaa. Úǹ naanjab di sá Galaal nì Yeedutun.

¹⁸Leefii yab bin nìn kóò Circir tiŋkinee nìn sá binib alaataa ali nì imuŋku inaa nì binib binaa.

¹⁹Bipunyɔɔciitiliibi kansikinee, bi nìn bée di sá Akuub nì Talmɔn nì bi-dicaŋŋin yab. Bi nìn sá binib dilaataal nì binib binii kpá imuŋku inaa.

²⁰Isirayeel yab bin kíǹee nì bisaraaŋaliibi nì Leefii yab nìn cūtìi kāl̀ bi-tinjaŋŋin Juuda timmu mun kíǹee poon.

²¹Kunimbɔtidii poon tɔntɔnliibi nìn kóò Oofeel, Jeerusaleem tiŋgbaŋkin ní. Siiya nì Giiseepa di nìn sá bi-kpilib.

²²Un nìn sá Leefii yab kpiliu Jeerusaleemee di sá Banii jipɔɔn Uusi. U-naanjab di sá Asabiya nì Mataniya nì Miika. U nìn sá kunimbɔtidiin laŋgaaliibi ubɔ ní Asaafi maaliŋun.

²³Ubɔti nìn yóoǹ bilaŋgaaliibi gbanti mara ní ki nìn bɔ́ntì bi nín làá nīn tūǹ dilaŋgaal tundi pu ŋwiin kamaa puee ki tīī-bi.

²⁴Meeseesaabeel jipɔɔn Peetaya un sá Juuda jipɔɔn, Seera maaliŋunee di nìn bí Peeriisi yab bɔtiu cee ki kpèé Isirayeel yab kɔkɔ bɔti.

²⁵Ntimbilimu mun bí tisatinee jaaŋŋu púee, Juuda yab biba nìn kóò Kiiriyati-Ariba nì ki-timbilimmun nì Diibɔn nì ki-timbilimmun nì Yeekabiseel nì ki-timbilimmun,

²⁶nì Yeesuwa nì Moolada nì Beeti-Peeleeti,

²⁷nì Asaar-Suwaal nì Beerseeba nì ki-timbilimmun,

²⁸nì Siikilaagi nì Meekoona nì ki-timbilimmun,

²⁹nì Eeni-Riimɔn nì Soora nì Yaarmuti,

³⁰nì Sanoowa nì Adulaam nì ki-timbilimmu nì Lakiisi nì ki-timbilimmun nì Aseeka nì ki-timbilimmun. Bi nìn kāl̀ kí yòon̄ Beerseeba kí cáá sāā Inoom tantakalin.

³¹Beenjameen naakookun yab nìn kāl̀ kí yòon̄ Geeba kí nīn cá doooo Miikimaasi nì Aya nì Beeteel nì ki-timbilimmun,

³²nì Anatooti nì Noob nì Ananiya

³³nì Asɔɔr nì Raama nì Giitayiim,

³⁴nì Adiidi nì Seebooyiim nì Neebalati,

³⁵nì Loodi nì Oonoo nì Iŋal pu tɔntɔnliibi tantakal.

³⁶Leefii yab kansikinee, biba nìn yíkì Juuda yab timmun ki cūtìi kóò Beenjameen yab cee.