Read Ntcham Néhémie 7 Bible Online

Néhémie 7 - Ntcham bible

Néhémie 7

¹Bi nín fātìi máń digundi ki dóòyee, ní m cóoǹ punuubi ní ki kāaǹ bipunyɔɔciitiliibi nì bi-laŋgaaliibi nì Leefii yab bi-tundin.

²M nìn kāaǹ m-nabiki Ananii ukàliŋkpil un làá nīn kpèé Jeerusaleem tiŋkee, ní ki nìn kāaǹ Ananiya un làá nīn kpèé sintil difɔkɔkuee. U nìn sá unil un pu bi cáá dimákalee, ki nìn fàŋkí Unimbɔti ki jítiǹ binib tikpil.

³M nìn yóoǹ-bi mara yii: «Kutaa yaa kaa wúntì ŋwìiń nyánnée, ní taa pìitī digundi punyɔmmu. Kujoouee, ní pìin̄ kí kpàl̄ mpunyɔmu kí wàatī ní bipunyɔɔciitiliibi ń nín búntí. Bin kóò Jeerusaleemee làá nīn yūlifí sintil, biba ń nīn yú ipaan in pu bi yóoǹ-bee, ní bin kíǹee ń nīn cí bi-diiŋŋi nyɔkɔpu.»

⁴Jeerusaleem nìn sá kitiŋkpaaŋŋi ki dɔ̄ ki cá ajan liitil pú, ní ki-nib kaa nìn náaǹ. Baa nìn dá láá fātìi máń adiin aba.

⁵Unimbɔti nìn dū nlandɔkɔ nee ki ŋá m-pɔbilin ḿ kpāfì abɔtibil nì bibɔsoonliibi nì samaa un kíǹee kí kàaǹ-bi. M nìn ká kugbɔŋu kun poon bi nìn ŋmàn̄ bin nìn nyánní kuyuŋu ki gítìń mpeepeekaaminee yiŋŋee, ní ki nìn ká an ŋmàn̄ ku-poon yii:

⁶«Juuda yab bin Babiloon bɔtiu Neebukadineesaar nìn cúú kuyuŋu ki cūnnì Babiloonee, bin nìn gítìń Jeerusaleem nì Juuda timmu mun kíǹee poon báà ŋma fātìi kāl̀ u-tiŋkinee sèé.

⁷Bin di nìn līiń bi-nyɔkɔpuee di sá Sooroobabeel nì Yeesuwa nì Neeyeemiya nì Asariya nì Ramiya nì Naaman nì Mɔɔrdookayi nì Biilisan nì Miisipeereeti nì Biigifayi nì Neewum nì Baana.» Isirayeel yab bininjab nyɔkɔm sɔ̀.

⁸Pareeyoosi maaliŋun yab nìn sá binib kutukub bili nì dilaataal nì binib binii kpá imuŋku inaa.

⁹Seefatiya maaliŋun yab nìn sá binib alaataa ata nì binib binii kpá imuŋku inaa.

¹⁰Araa maaliŋun yab nìn sá binib alaataa aluu nì binib binii kpá imuŋku ita.

¹¹Paati-Moowaab maaliŋun yab, an dàkà yii Joosuwa nì Joowaab nib nìn sá binib kutukub bili nì alaataa anii nì binib saalku nì bita.

¹²Eelaam maaliŋun yab nìn sá binib kutuku ubɔ nì alaataa ali nì binib biluu kpá imuŋku ita.

¹³Saatuu maaliŋun yab nìn sá binib alaataa anii nì imuŋku ili nì binib biŋmoo.

¹⁴Sakayi maaliŋun yab nìn sá binib alaataa aluli nì binib imuŋku ita.

¹⁵Banii maaliŋun yab nìn sá binib alaataa aluu nì binib imuŋku ili nì binii.

¹⁶Beebaayi maaliŋun yab nìn sá binib alaataa aluu nì binib mmuŋku nì binii.

¹⁷Asigaadi maaliŋun yab nìn sá binib kutukub bili nì alaataa ata nì binib mmuŋku nì bili.

¹⁸Adooniikam maaliŋun yab nìn sá binib alaataa aluu nì binib imuŋku ita nì biluli.

¹⁹Biigifayi maaliŋun yab nìn sá binib kutukub bili nì binib imuŋku ita nì biluli.

²⁰Adiini maaliŋun yab nìn sá binib alaataa aluu nì binib biŋmoo kpá imuŋku ita.

²¹Ateer maaliŋun yab, an dàkà yii Eeskiya yab nìn sá binib bili kpá dilaataal.

²²Asuum maaliŋun yab nìn sá binib alaataa ata nì binib mmuŋku nì binii.

²³Beesayi maaliŋun yab nìn sá binib alaataa ata nì binib mmuŋku nì binaa.

²⁴Ariifi maaliŋun yab nìn sá binib dilaataal nì binib saalaa nì bili.

²⁵Gabawɔn tiŋkin yab nìn sá binib biŋmoo kpá dilaataal.

²⁶Beetileem nì Neetoofa timmun yab nìn sá binib dilaataal nì imuŋku inaa nì binib binii.

²⁷Anatooti tiŋkin yab nìn sá binib dilaataal nì binib mmuŋku nì binii.

²⁸Beeti-Asmafeeti tiŋkin yab nìn sá binib imuŋku ili nì binib bili.

²⁹Kiiriyati-Yeeyariim nì Keefiira nì Beerooti timmun yab nìn sá binib alaataa aluli nì imuŋku ili nì binib bita.

³⁰Raama nì Geeba timmun yab nìn sá binib alaataa aluu nì binib mmuŋku nì ubɔ.

³¹Miikimaasi tiŋkin yab nìn sá binib dilaataal nì binib mmuŋku nì bili.

³²Beeteel nì Aayi timmun yab nìn sá binib dilaataal nì binib mmuŋku nì bita.

³³Neeboo tiŋkin yab nìn sá binib binii kpá imuŋku ita.

³⁴Eelaam ubɔ mun maaliŋun yab nìn sá binib kutuku ubɔ nì alaataa ali nì binaa kpá imuŋku ita.

³⁵Ariim maaliŋun yab nìn sá binib alaataa ata nì binib mmuŋku.

³⁶Jeeriikoo tiŋkin yab nìn sá binib alaataa ata nì imuŋku ili nì binib biŋmoo.

³⁷Loodi nì Adiidi nì Oonoo timmun yab nìn sá binib alaataa aluli nì binib mmuŋku nì ubɔ.

³⁸Seenaa tiŋkin yab nìn sá binib kutukub bita nì alaataa awa nì binib mmuŋku nì saalaa.

³⁹Bisaraaŋaliibi kitilinee, Yeedaya maaliŋun yab, an dàkà yii Yeesuwa maaliŋun yab nìn sá binib alaataa awa nì binib biluli kpá imuŋku inaa.

⁴⁰Imeer maaliŋun yab nìn sá binib kutuku ubɔ nì binib binii kpá imuŋku ita.

⁴¹Pasuur maaliŋun yab nìn sá binib kutuku ubɔ nì alaataa ali nì imuŋku ili nì binib biluli.

⁴²Ariim maaliŋun yab nìn sá binib kutuku ubɔ nì binib saalku nì bili.

⁴³Leefii yab kitilinee, Yeesuwa maaliŋun yab, an dàkà yii Oodeewa jipɔɔn Kadimiyeel yab nìn sá binib imuŋku ita nì unil ubɔ kpá saalku.

⁴⁴Bilaŋgaaliibi kitilinee, Asaafi maaliŋun yab nìn sá binib dilaataal nì imuŋku ili nì binib binii.

⁴⁵Bipunyɔɔciitiliibi kitilinee, Saaluum nì Ateer nì Talmɔn nì Akuub nì Atiita nì Soobayi maaliŋun yab nìn sá binib dilaataal nì binib bili kpá imuŋku ili.

⁴⁶kunimbɔtidii poon tɔntɔnliibi nín nìn pēē pēē mmaal puee di sá Siya nì Asufa nì Tabayooti nì

⁴⁷Keeroosi nì Siiya nì Padɔn,

⁴⁸nì Leebana nì Agaaba nì Salmayii,

⁴⁹nì Anaani nì Giideel nì Gayaar

⁵⁰nì Reeyaya nì Reesiin nì Neekooda

⁵¹nì Gaasaam nì Usa nì Paseeya

⁵²nì Beesayi nì Meewuniim nì Neefiiseesiim

⁵³nì Bakibuuki nì Akufa nì Aruuri,

⁵⁴nì Basliiti nì Meeyida nì Arisa,

⁵⁵nì Barkoosi nì Siseela nì Taama,

⁵⁶nì Neesiya nì Atiifa yab.

⁵⁷Saloomɔn tɔntɔnliibi[9] nín nìn pēē pēē mmaal puee di sá Sootayi nì Soofeereeti nì Peeriida,

⁵⁸nì Yaala nì Darkɔn nì Giideel,

⁵⁹nì Seefatiya nì Atiil nì Pookeereeti-Aseebayiim nì Amɔn maaliŋun yab.

⁶⁰Kunimbɔtidii poon tɔntɔnliibi nì Saloomɔn tɔntɔnliibi maaliŋun yab nìn kpáfì binib binii kpá alaataa anaa.

⁶¹Binib bin bí nee di nìn nyánní Teel-Meela nì Teel-Arisa nì Keerub-Adɔn nì Imeer timmun kaa nìn ŋúń ki béè yii bi-naanjab maaliŋun yab nì bi-nyeeŋŋu nìn baasii sá Isirayeel.

⁶²Bíǹ di nìn sá Deelaya nì Toobiya nì Neekooda maaliŋun yab. Bi nìn sá binib alaataa aluu nì imuŋku ili nì binib bili.

⁶³Bisaraaŋaliibi kansikinee, Yoobaya nì Akoosi nì Barsilayii maaliŋun yab mun nìn bí. Barsilayii gbanti di nìn cáá ugalaadija Barsilayii bisal ubɔ. An pu ní bi nìn dū diyindi gbanti ki pú-u.

⁶⁴Binibee nìn nyàab̄ bi-naanjab yiŋŋi gbɔntin kaa ká. An puee bi nìn dū-bi ki yíiń bijɔkɔnnib ní ki nyántì-bi disaraaŋal tundin.

⁶⁵Ní bi-gɔminau bí-bi yii bí taa ti jī tijin tin bi dūu ŋá saraa tì bí circir páaayee kí nīn cí usaraaŋakpil ubɔ ń dāá dū Uriim nì Tumiim[10] kí bàlifì dibalifilee.

⁶⁶Isirayeel yab bin kɔkɔ nìn nyánní kuyuŋu ki bāańee nìn sá binib kutukub imuŋku ili nì bili nì binib alaataa ata nì imuŋku ita ní.

⁶⁷Bi-tɔntɔnliibi bininjab nì binimpoobi kaa nìn kútì. Bíǹ nìn sá binib kutukub biluli nì alaataa ata nì binib bita kpá imuŋku ili. Biwambɔɔliibi nì bilaŋgaaliibi bininjab nì binimpoobi nìn sá binib alaataa ali nì imuŋku ili nì binib biŋmoo.

⁶⁸Bi nìn cáá igutaamu alaataa anaa nì iŋmoo kpá imuŋku ili nì mmamu kutukub biluu nì alaataa aluli nì mmuŋku.

⁶⁹Adican kpilib nìn tīī tiwampɔkaal bí dūú tɔ̄ kunimbɔtidii tuuŋŋi. Gɔmina nìn tīī asindaariyakún kutuku ubɔ nì asambil ŋin poon bi ŋáań fatiku ki yàantée imuŋku ili nì saalaa, nì bisaraaŋaliibi bɔkutiŋ alaataa aŋmoo nì mmuŋku nì saalaa.

⁷⁰Adican kpilib nín tīī tiwampɔkaal tin bí dūú tɔ̄ kunimbɔtidii tuuŋŋee kɔkɔ nyáń asindaariyakún kutukub mmuŋku nì animbil kúti kiiloobi kutuku ubɔ nì dilaataal.

⁷¹Isirayeel yab bin kíǹee mun tīī asindaariyakún kutukub mmuŋku nì animbil kúti kiiloobi kutuku ubɔ nì bisaraaŋaliibi bɔkutiŋ imuŋku ita nì aluli.

⁷²«Míǹ boonee ní bisaraaŋaliibi nì Leefii yab nì bipunyɔɔciitiliibi nì bilaŋgaaliibi nì kunimbɔtidii poon tɔntɔnliibi nì Isirayeel yab bin kíǹee kɔkɔ fātìi kāl̀ bi-timmun.» Dibindi poon ŋmaluluútiu bāańee, Isirayeel yab kɔkɔ nìn kāl̀ bi-timmun[11].