Read Ntcham Job 26 Bible Online

Job 26 - Ntcham bible

Job 26

¹Niinee ní Yoob kíí yii:

²A nyí bi nín tútúǹ un kaa ti cáá mpɔnee pueeyeeee! A nyí bi nín jòoń uwɔfi puee páaa!

³A nyí bi nín tìì un lóò iciinee isaŋki pueeyeeee! A nyí bi nín dàkà dinyil puee an kaa cáá bí lì!

⁴Ŋma ní a sòoǹ anyɔɔbun nee ní? Ŋma cee ní a ká tin a sòoǹ nee ní?

⁵Ditaŋkpiilin Inyiŋfi taapu nì bin kóò niinee, bin kpíìyee fam bíi jìkì.

⁶Ditaŋkpiilin dɔ̄ mpaampiin pu ní Unimbɔti nimbiin, tiba kaa ŋūǹ kí lìkin̄-u ú taa wāl̀ tin bí niinee.

⁷Unimbɔti di kpátì kutagbɔŋu ki dāntì ŋgan pú tiba kaa ŋúb́ ní ki dū kitiŋ ki dāntì laakin tiba kaa bí ki tíkée.

⁸U dū ntaanyim ki póob́ atagbanni, ní nnyimee nyiŋfiŋu kaa yàntī atagbanee ń pōō.

⁹U kpátí atagban ki bìintí u-beejal pu.

¹⁰U lūtì kulaguŋu ki tú inyiŋfi, laakin ní ŋwalifi kúntí dibɔmbɔndee.

¹¹Unimbɔti yaa tāā ki bíikèe, kutagbɔŋu jaantalkub fàŋkí ní ki cìŋkī.

¹²Unimbɔti dū u-pɔŋŋu ní ki jáń ki fōō tiŋku, ní ki dū u-nyil ki jáń ki pɔ́ɔkiǹ kupeebiliŋŋu kun bí nnyimin bi yíì Raabee.

¹³U-fooku ŋātì kutagbɔŋu, u dū u-ŋal ki sāā ki pūntì kukoowambiiu kun kóò nnyiminee[18].

¹⁴Tin kɔkɔ m sòon̄ní nee sá u-tuuŋŋi kijaŋ kiba ní, tin u ŋá ti nyée sá kii bi nín lɔ́kɔfí unil tafal poon puee ní, ŋma di ŋūǹ kí béé kí cíĺ Unimbɔti nín baasii sá ukpaan miŋyee?