Read Ntcham Psaumes 101 Bible Online

Psaumes 101 - Ntcham bible

Psaumes 101

¹Daafiidi di ŋmàn̄ nlan nee. M làá gāā ilan a-neeŋkpaandi nì a-deedeeu pu. Sii ti-Dindaan ní m làá gāā ilan kí nyɔ̄ŋkì.

²M làá nóó deedeedambi saŋŋu. Ŋyunti ŋulɔŋu ní a làá dāan̄ m-cee ní? - M làá nīn bí nì dipɔbil diba m-dicaŋkun.

³Maa là tiwan tin kaa bí tibanee. M ná bin fātì bi-boon ki tīī Unimbɔtee tuuŋŋi, atuun gbanti kpá kí dáb́-mi.

⁴Biibiidambi làá nīn dátiǹ-mi, maa là kí béé ukpitiŋal gba.

⁵Bin cāab̀ bi-jutiibi disambiil dibalinee, m làá nàan̄-bi. Bilambidambi nì bin yòontí bi-ba yilpuee, maa gèetíǹ-bi.

⁶M-nimbikpeeŋu làá nīn cɔ́ kitiŋ nee baamɔndambi pu, ní bí nīn kàal̀ ki kɔ́l̀-mi. Un còom̄ deedeedambi saŋkindee di làá nīn bí m-tundin.

⁷Un mùul̄ u-jutee kaa làá nīn cáá mpaan m-dicaŋkun. M-nimbil kaa là kí wāl̀ un sòoǹ tinyimɔmbɔtee.

⁸Kutaafaau kamaayee, m làá nīn nàantí binikpitib bin kɔkɔ bí kitiŋ nee puee, kí kúntí bikpitiŋaliibi kɔkɔ ti-Dindaan tiŋkin.