Read Ntcham Psaumes 111 Bible Online

Psaumes 111 - Ntcham bible

Psaumes 111

¹Aleeluya, nyɔ̄ŋkìmaan ti-Dindaan! M làá nyɔ̄ŋkì ti-Dindaan nì m-pɔbil kɔkɔ deedeedambi kpafil kansikin.

²Ti-Dindaan tuuŋŋi sá akpaan, bin kɔkɔ néeń-ŋee dàkafī ŋi-pu ní.

³U-tuuŋŋi sá tinyool nì jilma ní. U-deedeeu bí ní ki cá jaanjaan.

⁴U là yii tí nīn téetí u-maamaaci tuuŋŋi pu. Ti-Dindaan sá ulaŋŋaŋfiti ní u-poon mɔ̄.

⁵U tìì bin fàŋkí-uee tijin bi jīǹ, waa súntí u-poondi pu jaanjaan.

⁶U dàkā u-nibul u-tuuŋŋi pɔŋŋu ŋyunti ŋun ní u fōō atimbun aba timmu ki tīī-bee.

⁷Tin u ŋáańee sá ibaamɔn nì deedee ní. Unil ŋūǹ kí nīn máká u-bɔkpaaŋi pu.

⁸Ŋaa kpántí dalba dalba. Ibaamɔn nì deedee ní u dūu náań-ŋi.

⁹U fīī u-nibul ki líì ní ki pūtì ki pōoǹ-bi talku poondi. U-yindi bí circir ki cáá tifaandi.

¹⁰Á fàŋkì ti-Dindaanee di sá iciin kílilaŋki[201]. Bin fàŋkí-u mimmee wálifì ní. Ti-Dindaan nyɔŋkii bí ní ki cá jaanjaan.