Read Ntcham Psaumes 112 Bible Online

Psaumes 112 - Ntcham bible

Psaumes 112

¹Aleeluya, nyɔ̄ŋkìmaan ti-Dindaan! Unil un fàŋkí ti-Dindaan ní ki néeń u-marab tikpilee bí mmɔnneeee!

²U-naantiibi làá nīn sá bin cáá mpɔn kitiŋ puee ní. Ti-Dindaan bìintí bin pɔbiliŋ bí dibee maaliŋu pu ní.

³Tigaajawan nì tigaajati bí u-dumpu, ní u yú nì ti-Dindaan deedee kí nīn cá jaanjaan.

⁴Dibɔmbɔndi poonee, ŋwalifi nyēē ní ki ŋmíntí bin pɔbil bí dibee. Ti-Dindaan sá ulaŋŋaŋfiti ní u-poon mɔ̄ ní u sá deedeedaan.

⁵An ŋān̄ unil ń sɔ̄ isaa kí nīn pìntí, kí nīn tūǹ u-tuuŋŋi ki nóó nì marab!

⁶Tiba kaa pée ŋūǹ kí cìŋkì deedeedaan, u-kpátam boonee, binib làá nīn pée téetí u-pu ní.

⁷Waa fàŋkí kubɔbiiu, u máká ti-Dindaan pu ní u-pɔbil sɔ̀m̀.

⁸U-mákal bá ki pɔ̄ɔ̄ ní waa fàŋkí tiba, ní ki cí kí ká u-nannanliibi lítitam.

⁹U pūǹ bifalaadambi tiwan nì tiniti, ní u-deedeeu bí ki cá jaanjaan[202]. U-pɔŋŋu yíkí yilpu nì tinyool.

¹⁰Unikpiti yaa ká-uee ní ú gíí diŋuul, u ŋmóò u-nyiŋŋi ní u-wunti ń yɔ̀tī. Unikpiti nín dàkafī puee dāa kúntí fám ní.