Read Ntcham Psaumes 136 Bible Online

Psaumes 136 - Ntcham bible

Psaumes 136

¹Nyɔ̄ŋkìmaan ti-Dindaan, di sá yii u ŋān̄, u-neeŋkpaandi bí ní ki cá jaanjaan.

²Nyɔ̄ŋkìmaan inimbɔti kɔkɔ Nimbɔtiu, di sá yii u-neeŋkpaandi bí ní ki cá jaanjaan.

³Nyɔ̄ŋkìmaan bidindambi kɔkɔ Dindaan, di sá yii u-neeŋkpaandi bí ní ki cá jaanjaan.

⁴Úǹ baba di ŋá bimaamaacikpaambi, di sá yii u-neeŋkpaandi bí ní ki cá jaanjaan.

⁵U dū u-ciiŋyi ní ki náań yilpu[234], di sá yii u-neeŋkpaandi bí ní ki cá jaanjaan.

⁶U kpátì kitiŋ ki páaǹ inyiŋfi pu[235], di sá yii u-neeŋkpaandi bí ní ki cá jaanjaan.

⁷U ŋá iwalfi ikpaan: di sá yii u-neeŋkpaandi bí ní ki cá jaanjaan,

⁸ŋwìiń ŋú nīn bí ŋwiimpu ki ŋmíntí, di sá yii u-neeŋkpaandi bí ní ki cá jaanjaan,

⁹uŋmal nì iŋmalbijaa í nīn bí kunyeeu ki ŋmíntí[236], di sá yii u-neeŋkpaandi bí ní ki cá jaanjaan.

¹⁰U kūū Eejipiti yab biseebiyaamu nninjabiyaamu[237], di sá yii u-neeŋkpaandi bí ní ki cá jaanjaan.

¹¹U nìn nyántì Isirayeel yab kitiŋ gbantin[238], di sá yii u-neeŋkpaandi bí ní ki cá jaanjaan.

¹²Nì atuŋkpaan nì mpɔŋkpaan tuuŋŋi ní u nìn dūu ŋá míǹ, di sá yii u-neeŋkpaandi bí ní ki cá jaanjaan.

¹³U nìn cúú Tikati mɔɔl ki yākatì mili, di sá yii u-neeŋkpaandi bí ní ki cá jaanjaan,

¹⁴ki yāntì Isirayeel yab cōom̀ ki jítì, di sá yii u-neeŋkpaandi bí ní ki cá jaanjaan.

¹⁵Ama u nìn yāntì Faaroo nì u-janjaliibi gbíntì niin[239], di sá yii u-neeŋkpaandi bí ní ki cá jaanjaan.

¹⁶U nìn kpōotì u-nibul bi jítì kuteeu pu, di sá yii u-neeŋkpaandi bí ní ki cá jaanjaan.

¹⁷U nìn nāaǹ bibɔtikpaambi, di sá yii u-neeŋkpaandi bí ní ki cá jaanjaan,

¹⁸u nìn kūū bibɔtiibi bin cáá mpɔnee, di sá yii u-neeŋkpaandi bí ní ki cá jaanjaan.

¹⁹Bíǹ di sá Amɔɔr yab bɔtiu Siiwɔn[240], di sá yii u-neeŋkpaandi bí ní ki cá jaanjaan,

²⁰nì Baasan bɔtiu Ɔɔgi[241], di sá yii u-neeŋkpaandi bí ní ki cá jaanjaan.

²¹U nìn dū bi-timmu ki tīī difakal, di sá yii u-neeŋkpaandi bí ní ki cá jaanjaan,

²²ki tīī u-tɔntɔnliibi Isirayeel yab bí nīn yì, di sá yii u-neeŋkpaandi bí ní ki cá jaanjaan.

²³U nìn téetì ti-pu ŋyunti ŋun bi nìn sīntiǹ-ti taapuee, di sá yii u-neeŋkpaandi bí ní ki cá jaanjaan,

²⁴ní ki nyántì-ti ti-nannanliibi ŋaan, di sá yii u-neeŋkpaandi bí ní ki cá jaanjaan.

²⁵U tìì tiwan tin kɔkɔ cáá kufoouee tijin tì jīǹ, di sá yii u-neeŋkpaandi bí ní ki cá jaanjaan.

²⁶Tí nyɔ̄ŋkì yilpu Nimbɔtiu, di sá yii u-neeŋkpaandi bí ní ki cá jaanjaan!