Read Ntcham Psaumes 14 Bible Online

Psaumes 14 - Ntcham bible

Psaumes 14

¹Daafiidi di ŋmàn̄ nlan nee ki tīī bilaŋgaaliibi kpiliu. Ugbaan di lì u-ban yii: «Unimbɔti ubɔ kaa bí[18]!» Baa pée nyí tiba ní ki ŋáań ntimbiil tuuŋŋi, ubɔ kaa pée bí ki ŋáań tin kítèe.

²Doooo yilpu ní Unimbɔti gbóoń ki kpēē binib kí kpèè ubɔ yaa bí ki cáá iciin ki nyàab̀ Unimbɔti.

³Bi-kɔkɔ wáŋkì, ugàntil kpá ki ŋáań tin kítèe, baa ubɔ kaa bí ki ŋáań tin ŋān̄ee, baa uniseen, an kpá[19].

⁴«Bikpitiŋaliibi nee kɔkɔ kaa kalin nyí níii? Bi mùul̄ m-nibul ki jīǹ, ní kaa pée jáaḿ-mi jaanjaan.»

⁵Unimbɔti làá kɔ́ǹ-bi dinyoondin, di sá yii u bí u-nib bin yú nì u deedeeyee cee.

⁶«Ni gbáà ki kpìtī unandaan mákal, ama ti-Dindaan wúń u-pu.»

⁷Ŋma làá nyānní doooo Siiyɔn kí fīī Isirayeel ní? Unimbɔti yaa láa fātìi gíiǹní u-nib bin bi nìn cúú kuyuŋuee, Jaakɔb naantiibi làá dāá nīn fàal̀, Isirayeel yab làá dāá nīn bí mmɔnni.