Read Ntcham Psaumes 141 Bible Online

Psaumes 141 - Ntcham bible

Psaumes 141

¹Daafiidi di ŋmàn̄ nlan nee. Ti-Dindaan, m kúuǹ ki yíiń-si, dāá jòoń-mi malaa, m yaa yíì-see, á kpòon̄ a-tafal kí pīlifiǹ-mi.

²Yàntī m-wimmeem ń nīn sá kii talaalu tūukaayee a-nimbiin, ní m-ŋalii in m yōoǹ yilpuee ń nīn sá kii kujoou saraauee[243].

³Ti-Dindaan, ŋúb́ m-nyɔkɔ, nín̄ cí m-nyunculiŋ punyɔkɔ.

⁴Taa yàntī tibɔkpitil ń nyānní m-pɔbil poon, kí taa yàntī ḿ kūtì bikpitiŋaliibi pu kí ŋá atuŋkpiti. Maa làá dáká bi-jiŋaalib jinti.

⁵Dineendi poonee, deedeedaan ŋūǹ kí fáá-mi, kí dáaĺ m-tafal, ama m yíì binikpitib ń dàkà-mi dineendi. Min kamaa bi bíi ŋáań ikpitee, m làá nīn gbíntìi mèé.

⁶Bi yaa láa dū bi-kpilib ki lúkú ditaŋkpal puee, m-nannanliibi làá dāá béé yii tin m nìn sòoǹee sá mbaamɔn.

⁷Kii kitiŋ nín fátí ŋwèeń puee, míǹ ní ditaŋkpiil làá wàan̄ kinyɔkɔ kí dū bi-kpabiŋ ŋin yàl̄ee kí náĺ.

⁸Ti-Dindaan Unimbɔti, m-nimbikpeeŋu cɔ́ a-pu ní, sii ní m sáǹ ki kɔ́. Taa yàntī ḿ lántí dimaŋfal.

⁹Nyāntí-mi kutaliŋŋu kun ní bi píĺ-mee nì bikpitiŋaliibi laanti poon.

¹⁰Bikpitiŋaliibi talinti làá fàtīí sàl̄-bi, ama man làá yùkū kí lákatí.