Read Ntcham Psaumes 142 Bible Online

Psaumes 142 - Ntcham bible

Psaumes 142

¹Daafiidi di ŋmàn̄ nlan nee. U nín nìn bí ntaŋkpalɔkɔnee ní u nìn mēē míǹ.

²M fátí mbiil mpɔn ki yíì ti-Dindaan, m fátí mbiil mpɔn ki gbàam̄ ti-Dindaan.

³M dū m-yaliŋkii ki bíl̀ u-nimbiin, m dū m-nimbinaamandi ki bíl̀ u-nimbiin.

⁴M-wunti yaa yɔ̄tèe, sii nyí laakin m cée. Nsan ŋun poon m tàkēe, bi píĺ-mi kutaliŋŋu.

⁵Kpèè m-ŋaŋgiil pú, a làá ká yii, báà ubɔ kaa nyí-mi. Maa cáá laakin m làá sāǹ kí báĺee, m-bɔti kaa ká báà ubɔ.

⁶Ti-Dindaan, m fáá mbiil ki yíiń-si ki lī yii: «Sii di sá m-balilaŋki, kun m pée cáá binifoobi tiŋki nee puee.»

⁷Pīlifì m-biilii, di sá yii m gbí falaa! Fīī-mi kí nyāntí bin sàantí-mee ŋaan, di sá yii bi pɔ̄ɔ̄ ki jítiǹ-mi.

⁸Nyāntí-mi m-sarkaun ḿ ŋmā kí nyɔ̄ŋkì-si. A yaa ŋá-mi tiŋan, deedeedambi làá màntīí tū-mi.