Read Ntcham Psaumes 21 Bible Online

Psaumes 21 - Ntcham bible

Psaumes 21

¹Daafiidi di ŋmàn̄ nlan nee ki tīī bilaŋgaaliibi kpiliu.

²Ti-Dindaan, ubɔti bí dipɔɔpindin a-pɔŋŋu pu. U bí ki fàal̀ dijajil din ní a tīī-uee pu.

³A tīī-u kun fáatì-uee, aa fātì a-boon ki tīī tin u bālifì-see.

⁴Di sá a fōō-u ní ki bīiǹ u-pu, a dū sindaariya beefuuliiki ki cíkiǹ-u.

⁵U mēē-si yii á tīī-u dimaŋfal ní a tīī-u, a tīī-u dimaŋfal din kaa cáá dikúntilee.

⁶Binib nyɔ́ŋkí-u kun puee a tútuǹ-u, a tīī-u tinyool nì diyindi.

⁷A-biindi bí u-pu kí nīn cá jaanjaan, ní a nín bí u-cee puee tìì-u mmɔn.

⁸Di sá yii ubɔti máká ti-Dindaan pu ní, ní Yilpu Fɔ́ŋŋŋ Nimbɔtiu neeŋkpaandi ŋúb́-u waa cìŋkī.

⁹Ubɔti, a làá cúú a-nannanliibi kɔkɔ, a kpá kí lántí bin ná-see.

¹⁰A yaa pée páaǹnée, a làá nàan̄-bi kii kipaai ŋmiŋuee ní. Ti-Dindaan làá dū-bi kí náĺ u-ŋuul poon, ní ŋŋmi ń wà-bi múb.

¹¹A làá céetí bi-naantiibi kitiŋ pu, ní kí kúntí bi-niboolii binib kansikin.

¹²Báà bi yaa dākafì kí ŋá-si tikpitil, ní ki yaa bɔ́ntì kí já nì saaa, baa làá ŋmā kí ŋá-si tiba.

¹³A làá tɔ̄-bi a-piiŋyi, ní kí yàntī bí sāǹ.

¹⁴Ti-Dindaan, dàkà a-pɔŋkpaaŋŋu. Ti làá gāā ilan kí nyɔ̄ŋkì-si a-pɔŋŋu pu.