Read Ntcham Psaumes 24 Bible Online

Psaumes 24 - Ntcham bible

Psaumes 24

¹Daafiidi di ŋmàn̄ nlan nee. Ti-Dindaan di yì kitiŋ nì tin kɔkɔ bí ki-puee, úǹ di tí yì duulinya nì binib bin bí u-nee[34].

²Di sá yii úǹ di náań kitiŋ ki tɔ́kɔǹ tiŋkub pu, ní ki ŋúb́-kì gbīŋgbim inyiŋfi pu.

³- Ŋma di cáá nsan kí jɔ̄m̀ ti-Dindaan jool pu ní? Ŋma di cáá nsan kí kɔ́ u-circir diikun?

⁴- See un kaa cáá u-ŋalii ki tūǹ atuŋkpiti, kaa dàkafī ilandɔkɔkpiti u-pɔbilin[35], kaa dù u-ba kí líí nì awaa, ní kaa pùtī kí mɔ̄ntì u-jutee.

⁵Ti-Dindaan làá bìin̄ udaan boon. Unimbɔti u-fiiliu di làá lēē u-mɔ́ɔŋŋu.

⁶Binib bin nyàab̀ ti-Dindaan ki nóó Jaakɔb Nimbɔtiuee nín bí puee dee.

⁷Mpunyɔmu, pìitī kí wàam̄maan! Cannaaku punuubi, pìitī kí wàam̄maan tinyool bɔtiu ń kɔ́nní!

⁸- Ŋma di sá tinyool bɔtiu ní? An sá ti-Dindaan upɔɔl nì ubaatandaan, ti-Dindaan ujanjakpil.

⁹Mpunyɔmu, pìitī kí wàam̄maan! Cannaaku punuubi, pìitī kí wàam̄maan tinyool bɔtiu ń kɔ́nní!

¹⁰- Ŋma di sá tinyool bɔtiu ní? - Bijanjaliibi Dindaan, úǹ di sá tinyool bɔtiu.