Read Ntcham Psaumes 28 Bible Online

Psaumes 28 - Ntcham bible

Psaumes 28

¹Daafiidi di ŋmàn̄ nlan nee. Sii m-Dindaan ní m kūuntí ki yíì. M-taŋkpanaakooku, taa kpáá a-tafaliŋ! Di sá yii a yaa ŋmí kaa kíí-mee, m làá nīn náań nì un sìntī ditaŋkpiilinee dee.

²Á pīlifì m-gbaamii ŋyunti ŋun m yaa bíi kūuntí ki yíì-si, ki yòontí m-ŋalii yilpu ki túl̀ circir kɔŋkooŋŋu watil púee[38].

³Taa nàan̄-mi kii a nín làá nàan̄ binikpitib, àá bikpitiŋaliibi puee. Bi sòoǹ nì bi-jutiibi kinyɔɔmɔɔi, ama ní ikpiti gbí bi-pɔbiliŋ poon.

⁴Dáaĺ bi-tafal kí nóó nì tin bi ŋée, kí nóó nì bi-tuŋkpitiŋ. Dáaĺ bi-tafal bi-tuuŋŋi pu, pà-bi tipaal tin máaǹ-bee[39].

⁵Di sá yii baa fātìi tɔ́ ti-Dindaan tuuŋŋi, atuun ŋin u dū u-ŋalii ki túńee. An puee ti-Dindaan ń nàan̄-bi kí taa ti yàntī bí yīkì.

⁶Bí nyɔ̄ŋkì ti-Dindaan, di sá yii u pílifì m-gbaamii.

⁷Ti-Dindaan di sá m-balilaŋki nì m-gbampɔɔl. M dū m-mákal ki páaǹ u-pu, ní u tútuǹ-mi ní m bí dipɔɔpindin. M làá gāā ilan kí nyɔ̄ŋkì-u.

⁸Ti-Dindaan di sá u-nibul pɔŋŋu, úǹ di wúǹ ubɔti un u lēēyee pu ní ki fìil̄-u.

⁹Ti-Dindaan, fīī a-nib kí bìin̄ a-nibooliŋu boon. Nín̄ sá un kpàá-bee kí nīn kpèé-bi baabadal.