Read Ntcham Psaumes 3 Bible Online

Psaumes 3 - Ntcham bible

Psaumes 3

¹Daafiidi di ŋmàn̄ nlan nee ŋyunti ŋun u nìn sáǹ u-jipɔɔn un bi yíì Abisaloomee[5].

²M-Dindaan, m-nannanliibi múkú m-pu tikpil! Bin yíkìi jáà nì mee wīikéeee!

³Tikpil sòoǹ m-pu yii: «Unimbɔti kaa làá fīī-u!»

⁴Ama sii m-Dindaanee, sii di sá m-gbampɔɔl ki wúń m-pu. Sii di tīī-mi tinyool ní m yaa còom̄ee m-yil gáań.

⁵M kúuǹ ki yíiń ti-Dindaan ú jòoń-mi, ní u kíiń-mi doooo u-circir jool pu.

⁶M kɔ́ ki dōoǹ ki gèen̄ áli ki dāa fīntì, di sá yii ti-Dindaan di wúń m-pu.

⁷Maa fàŋkí binib kutukub kutukub bin māntìi tú-mi kí já nì mee.

⁸Yīkìm̄ m-Dindaan! Fīī-mi, m-Nimbɔtiu! Sii di yāŋkí m-nannanliibi itampa[6], ní ki gbáà ki fúkuĺ binikpitib nyiŋŋi.

⁹Ti-Dindaan, sii cee ní difiil nyēeń, bìin̄ a-nibul pu.