Read Ntcham Psaumes 32 Bible Online

Psaumes 32 - Ntcham bible

Psaumes 32

¹Daafiidi di ŋmàn̄ nlan nee. Unil un Unimbɔti dū u-yìntitam ki pú-u, ní ki pítì u-kpitiiyee bí mmɔnneeee!

²Unil un Unimbɔti kaa ti lì yii u ŋá ikpiti, ní udaan kaa cáá mili mili pɔbilee bí mmɔnneeee[43]!

³M nín nìn ŋmí kaa bīitì m-kpitii puee, m nìn sūǹ ní baabadal ní an ŋmɔ́ ki bíil̀ m-kpabiŋ.

⁴Di sá yii ŋwiimpu nì kunyeeuee, a-ŋal nìn nyīī m-pu ki dátí m-tafal, ní m kūń kii dipeel pu wiiŋŋu nín gbáà busubu pu bu-kpiimi ń fóotí puee.

⁵Niinee ní m bīitì m-kpitii pu ki tùkū-si, maa bál̀-si m-yìntitam. M lī m-ban yii: «M làá bìitī m-kpitii pu kí tùkù m-Dindaan», ní a cúú m-kpitii nyiŋfiŋu ki nyīkitì m-pu.

⁶An pu ní deedeedaan kamaa máaǹ kí mèè-si agìń yuntiŋu poon. Báà dinimbinaamandi yaa yíkì u-pu kii nnyiŋgbeenee, an kaa làá ŋá-u tiba.

⁷Sii di sá m-balilaŋki, sii di mɔ́tí m-pu agìń yuntiŋu poon. A yāntì binib bin māntìi tú-mee gà ifaal laŋyi a nín fīī-mee pu.

⁸M làá tīī-si dinyil ní kí dàkà-si nsan ŋun a máaǹ kí dēe. M làá sāŋkì-si, ní m-nimbiliŋ ń nīn bá a-pu.

⁹Taa nín̄ sá ugbaan kii utaamu àá umamboonee. Tiwaŋkuti gbantee, tikúti nì ŋŋmii ní bi dūú kpàl̄ ti-nyɔmmu kí ŋmā kí kpòotī-tì.

¹⁰Unikpiti làá jī falaa tikpil, ama ti-Dindaan ŋanti māntìi tú un máká u-puee ní.

¹¹Nimbi deedeedambee, an nīn mɔ̄ǹ-ni, ní nīn fàal̀ ti-Dindaan pu. Nimbi bin pɔbil bí diba nì Unimbɔtee, ní fáá ŋwiliili kí nīn fàal̀.