Read Ntcham Psaumes 4 Bible Online

Psaumes 4 - Ntcham bible

Psaumes 4

¹Daafiidi di ŋmàn̄ nlan nee ki tīī bilaŋgaaliibi kpiliu. Bi bɔ̀ɔ́ tibati ní ki gà-ŋu.

²M yaa kúuǹ ki yíiń-see, á fōō m-wimmeem, Unimbɔti, sii di sòoǹ ki pɔ̀-mi! Ŋyunti ŋun dinimbinaamandi jéetì m-puee, sii di nyántì-mi. Sɔ̄ m-saai kí fōō m-wimmeem.

³Oo, nimbi binib nee, ni làá nīn sòoǹ ki bíiĺ-mi yéè kí tin cáá sāā ŋyunti ŋulɔŋu ní? Nimbi bin néeń ki kɔ́kɔĺ-mi fám ki sòoǹ tinyimɔmbɔtee?

⁴Ama ní béémaan yii ti-Dindaan lēē bin bí deedeeyee bí nīn sá u-yab. M yaa kúuǹ ki yíiń ti-Dindaanee, u pílifíǹ-mi.

⁵Ni yaa gíí diŋuulee, ní taa ŋá ikpiti[7]. Ni yaa dɔ̄ ni-dooŋu pu kunyeeuee, ní dàkafì kí ŋmīĺ díkí diki.

⁶Ní ŋá saraabi min an máaǹee, ní kí nīn máká ti-Dindaan pu.

⁷Binib bí ki bàlifī bi-ba yii: «Ŋma di ŋūǹ kí yàntī tí ká nnaam dee? Ti-Dindaan, dàkà-ti a-laŋŋaŋfitiiku.»

⁸A gbéeǹ m-pɔbil mmɔn, mmɔn gbanti jítiǹ bi nín yaa cáń bi-kpaajinti ki nyùn̄ bi-dafii bi bí mmɔn ŋun poonee.

⁹Ŋgbansɔŋfi poon ní m dòontí ní kí pùtīí kpáàa gèeǹ, di sá yii sii m-Dindaan baba pu ní maa fàŋkí tiba.