Read Ntcham Psaumes 47 Bible Online

Psaumes 47 - Ntcham bible

Psaumes 47

¹Koora dicaŋkun yab di gāā nlan nee.

²Anibul kɔkɔ nib, kpāafìmaan abaal, fáámaan ŋwiliili kí nyɔ̄ŋkì Unimbɔti nì ifaal.

³Di sá yii ti-Dindaan, Yilpu Fɔ́ŋŋŋ Nimbɔtiu sá kuwambiiu ní. U sá ubɔtikpaan ní kitiŋ kɔkɔ pu.

⁴U sīntì anibul ki ŋá ti-taapu, u dū atimbun ki ŋá ti-taaŋi taapu.

⁵U lēē ti-fakal ki tīī-ti[56], kun tìì Jaakɔb un u néeńee mmɔnee.

⁶Bi nìn bí ki fátí iwiliili ní Unimbɔti nín jɔ́ḿ Siiyɔn jool pu, bi bí ki búǹ iyin ní ti-Dindaan nín jɔ́ḿ.

⁷Gāāmaan ilan kí nyɔ̄ŋkì Unimbɔti, nyɔ̄ŋkìmaan-u! Gāāmaan ilan kí nyɔ̄ŋkì ti-bɔtiu, nyɔ̄ŋkìmaan-u!

⁸Di sá yii Unimbɔti di sá kitiŋ kɔkɔ bɔtiu. Gāāmaan ilan in mɔ̄ee kí nyɔ̄ŋkì-u.

⁹Unimbɔti di jīǹ atimbun pu dibeel, Unimbɔti kā u-circir beejal pu.

¹⁰Anibul bɔtibiliŋ kpáfì nì Abraam Nimbɔtiu nibul. Di sá yii Unimbɔti di cáá bibɔtiibi bin wúń kitiŋ puee pu mpɔn. Úǹ di tɔ́kɔ́ tikɔkɔ pu.