Read Ntcham Psaumes 53 Bible Online

Psaumes 53 - Ntcham bible

Psaumes 53

¹Daafiidi di ŋmàn̄ nlan nee ki tīī bilaŋgaaliibi kpiliu.

²Bigbaambi lì bi-ban yii: «Unimbɔti kpá!» Bi gáatì ní ki ŋáań ntimbiil tuuŋŋi, bi-kansikin ubɔ kaa pée ŋáań tin kítèe.

³Doooo yilpu ní Unimbɔti gbóoń ki kpēē binib, kí kpèè ubɔ yaa bí ki cáá iciin ki nyàab̀ Unimbɔti.

⁴Bi-kɔkɔ wáŋkì, ugàntil kpá ki ŋáań tin kítèe, báà ubɔ kaa bí ki ŋáań tin ŋān̄ee, báà uniseen, an kpá ní[64].

⁵«Bikpitiŋaliibi nee kalin sá bigbaambi níii? Bi mùul̄ m-nibul ki jīǹ, ní kaa pée jáaḿ-mi dalba dalba.»

⁶Niinee ní bi fāŋkì bi-wunti bíi jìkì, bíǹ bin kaa nìn fāŋkì ki kée, di sá yii Unimbɔti làá yàaǹ u-nibul nannanliibi kpabiŋ. Bi làá kɔ́ icoon, di sá yii Unimbɔti dū-bi ki fá.

⁷Ŋma làá nyānní doooo Siiyɔn kí fīī Isirayeel ní? Unimbɔti yaa láa fātìi gíiǹní u-nib bin bi nìn cúú kuyuŋuee, Jaakɔb naantiibi làá dāá nīn fàal̀, Isirayeel yab làá dāá nīn bí mmɔnni.