Read Ntcham Psaumes 54 Bible Online

Psaumes 54 - Ntcham bible

Psaumes 54

¹Daafiidi di ŋmàn̄ nlan nee ki tīī bilaŋgaaliibi kpiliu. Bi bɔ̀ɔ́ tibati ní ki gà-ŋu.

²Siifi yab nìn cūtìi tùkū Sayuul yii Daafiidi cūtìi bál̀ bi-cee[65].»

³Unimbɔti, a-yindi puee, fīī-mi. Dū a-pɔŋŋu kí sòoǹ m-bɔti kí pɔ̀-mi.

⁴Unimbɔti, pīlifì m-wimmeem, kpòon̄ a-tafal kí pīlifì tibɔti tin nyēeń m-nyɔkɔnee.

⁵Binicambi bíi jáà nì mi ní bin néeń tipɔmbɔtee bíi nyàab̀ kí kpɔ̀-mi. An nibee kaa dū Unimbɔti ki yíiń tiba.

⁶Kpèè, Unimbɔti di sá m-jòońliu, ti-Dindaan di sá un tíkí-mee.

⁷Yàntī bin cɔ́ŋkí-mee kpitii ń gítí bi-pu! A-baamɔŋyi puee, nàan̄-bi.

⁸Ti-Dindaan, m làá ŋá saraabi kí tīī-si nì dipɔbil diba. M làá nyɔ̄ŋkì a-yindi, di sá yii a ŋān̄.

⁹A fīī-mi ki nyántì dinimbinaamandi kamaa poon, ní m-nimbil ká m-nannanliibi lítitam.