Read Ntcham Psaumes 79 Bible Online

Psaumes 79 - Ntcham bible

Psaumes 79

¹Asaafi di ŋmàn̄ nlan nee. Unimbɔti, binicambi dɔ́miń ki gbáb́ ki bīiǹ a-tiŋki pu, bi kɔ́ǹ a-circir diiku tijɔkɔndi, bi yāntì Jeerusaleem kpántì adigbuŋkati ŋma[118].

²Bi dū a-tɔntɔnliibi bin bi kūūyee wunti ki tīī inoon in ŋàaǹ kutaa puee í jī, bin sí nì si deedeeyee di kpántì ipeel jinti.

³Bi kpáatì bin bi kūūyee fatikuu ki fá kii nnyimee, ki māntìi tú Jeerusaleem tiŋki, ní baa ti kpáàa cáá ubɔ ń síb́-bi[119].

⁴A yāntì ti-kɔŋkɔnaatɔb sìí-ti, ní bin māntìi tú-tee bèel̄-ti ki lāā.

⁵Ti-Dindaan, kí cáá sāā ŋyunti ŋulɔŋu ní diŋuul din a gíí jaanjaan nee làá gbèen̄, a-bum min fòol̄ lìblib kii ŋŋmi nee làá gbèen̄ ní?

⁶Kpáatí a-bum kí sìtī atimbun ŋin kaa nyí-see pu, abee ŋin poon baa jáaḿ-see pu.

⁷Di sá yii, ŋi tɔ̄ntì Jaakɔb naantiibi, ki bíil̀ bi-tiŋki.

⁸Taa téetí ti-baabi kpitii pu kí dáaĺ ti-tafal, á yàntī a-saasɔl ń lìntī ti-nyɔkɔpu malaa, di sá yii ti-wunti kɔkɔ kpíì.

⁹Unimbɔti ti-fiiliu, a-yindi nyooti puee, dāá jòoń-ti. Fīī-ti kí dū ti-kpitii kí pɔ̄-ti a-yindi pu.

¹⁰Ba pu ní a làá yàntī atimbun ń lì yii: «Bi-Nimbɔtiuee bí la ní[120]?» Yàntī atimbun ń béé a nín làá tɔ̀ a-tɔntɔnliibi kúm pɔntooŋyi puee ti-nimbil ń ká!

¹¹Yàntī bisarkadambi timinsii ń bàń-si. Dū a-ŋal pɔŋŋu kí fīī binib bin an sá yii bi lēē kí kpɔ̀ee.

¹²Ti-Dindaan, téeǹ anibul ŋin māntìi tú-tee, asiibil ŋin ní bi sīī-see ŋfunyɔm miluli pu.

¹³Ama timbi bin sá a-nibulee, kupicaŋkpuŋu kun ní a kpàáyee, ti làá nīn pée gà ilan ní ki nyɔ́ŋkí-si, kí nīn jáaḿ-si abin abin.