Read Ntcham Psaumes 86 Bible Online

Psaumes 86 - Ntcham bible

Psaumes 86

¹Daafiidi wimmeem. Ti-Dindaan, kpòon̄ a-tafal kí pīlifiǹ-mi, fōō m-wimmeem, di sá yii m sá unandaan nì ufalaadaan ní.

²Wúń m-pu di sá yii m sá deedeedaan, sii m-Nimbɔtiu, fīī man a-tɔntɔnliu un di máká a-puee.

³Ti-Dindaan, sɔ̄ m-saai, di sá yii sii ní m kūuntí ki yíì baabadal.

⁴Ti-Dindaan, sii ní m fātì m-ba ki túĺ, m gbàam̄-si ní, fàtīí tīī man a-tɔntɔnliu mmɔn.

⁵Di sá yii sii ti-Dindaan ŋān̄ ní ki pūǹ ikpiti, a-neendi wīikí ki tīī bin yíì-see.

⁶Ti-Dindaan, kpòon̄ a-tafal kí pīlifì m-wimmeem! Pīlifì m-gbaamii.

⁷M-nimbinaamandi poonee, m kūuntí ki yíì-si, kun puee a fòol̄ m-wimmeem.

⁸Ti-Dindaan, inimbɔti kansikinee, ubɔ kaa bí kii siiyee, ubɔ kaa ŋúń ki ŋá tin a ŋá nee.

⁹Atimbun ŋin kɔkɔ a náańee làá dāan̄ kí gbàan̄ sii ti-Dindaan nimbiin, ní kí nyɔ̄ŋkì a-yindi[130].

¹⁰Di sá yii a sá ukpaan ní ki ŋáań maamaaci tuuŋŋi, sii baba di sá Unimbɔti!

¹¹Ti-Dindaan, dàkà-mi a-saŋŋu, ní ḿ còom̀ a-baamɔŋŋu poon. Yàntī ḿ nīn fàŋkí-si nì m-pɔbil kɔkɔ.

¹²Ti-Dindaan m-Nimbɔtiu, m làá nīn nyɔ́ŋkí-si nì m-pɔbil kɔkɔ, ní kí nīn pée tìì-si tinyool baabadal.

¹³Di sá yii a-neendi wīikí m-pu, a fīī m-naŋki ki nyántìń ditaŋkpiilin.

¹⁴Unimbɔti, bilambidambi jáà nì mi, bin néeń tipɔmbɔtee dikitil nyàab̀ kí kpɔ̀-mi, baa pée dū-si ki yíiń tiba.

¹⁵Ama sii ti-Dindaanee, a sá Unimbɔti un poon mɔ̄ ki cáá kulaŋŋaŋfitiiuee ní, aa gífí diŋuul malaa, ní a-neendi wīikí tikpilku ní a sá deedeedaan.

¹⁶Fàtī a-ba kí túĺ-mi kí sɔ̄ m-saai, tīī man a-tɔntɔnliu a-pɔŋŋu, fīī man un sá a-tɔntɔnliu jipɔɔnee.

¹⁷Tīī-mi a-ŋanti daaŋku bin ná-mee ń ká ní icoo ń cúú-bi. Di sá yii sii ti-Dindaan di jòoń-mi ki ŋmēentí-mi.