Read Ntcham Psaumes 95 Bible Online

Psaumes 95 - Ntcham bible

Psaumes 95

¹Dāam̄maan tí cùú nyɔ̄ŋkì ti-Dindaan, tí fáámaan iwiliili kí dàntì kutaŋkpanaakoou kun fìil̄-tee.

²Tí cùmaan u-nimbiin kí jāam̀-u, tí gāāmaan ilan nì dipɔɔpindi kí nyɔ̄ŋkì-u.

³Di sá yii ti-Dindaan di sá Unimbɔtikpaan, úǹ di sá ubɔtikpaan un tɔ́kɔ́ inimbɔti kɔkɔ puee.

⁴Kitiŋ taapu taapu kā u-ŋaan ní, úǹ di tí yì ajoon yilpu kúnti kunti.

⁵Úǹ di tí yì tiŋku, di sá yii úǹ di náań-u, ní ki yì kitiŋ kin ní u dū u-ŋal ki máńee.

⁶Dāam̄maan, tí bòom̄maan kí gbàan̄ kí jāam̀-u, tí gbàam̄maan ti-tabiŋyiliŋ pu ti-Dindaan un náań-tee nimbiin.

⁷Di sá yii úǹ di sá ti-Nimbɔtiu, ní timbi sá dinibul din u kpàáyee, kupicaŋkpuŋu kun u kpòotēe. Díǹ nee, ni yaa gbìl̄ tin u sòon̄ee,

⁸ní taa ŋá mpɔɔgbifin kii ni nín nìn ŋá pu Meeriibayee, a lì kii tin nìn jítì Maasa, kuteeunee[144].

⁹Ni-naanjab nìn kpákáǹ-mi ki nìn cɔ́ŋkì-mi niin, min kamaa bin nìn ká tin m ŋée.

¹⁰Abin imuŋku ilee, binib gbanti nìn yāntì m-naŋki nyáń nì bi, ní m nìn bí yii: «An sá dinibul din yiliŋ gáatèe ní, baa nyí kun m lèe.»

¹¹Niinee, m-ŋuul poonee ní m pūtì ki lī yii: «Bi kpá kí kɔ́ m-ŋuŋfil laŋki[145]!»