Read Ntcham Psaumes 98 Bible Online

Psaumes 98 - Ntcham bible

Psaumes 98

¹Inyɔŋki laŋŋu. Gāāmaan nlampɔɔn kí pàkà ti-Dindaan, di sá yii u ŋáań maamaacib. U-ŋaŋgiil, u-ŋal ŋun bí circiree yāntì u jáń ki jíń.

²Ti-Dindaan dàkā yii u sá u-fiil, u lēē u nín bí deedee puee ki dàkā atimbun kɔkɔ.

³U téetì u-neeŋkpaandi nì u-deedeeu un u cáá Isirayeel yab puee pu. Kí cáá sāā kitiŋ gbeennyɔkɔee, bi ká ti-Nimbɔtiu fiil.

⁴Kitiŋ pu nib kɔkɔ, fáámaan iwiliili kí dàntì ti-Dindaan, gāāmaan ilan mpɔn nì dipɔɔpindi kí nyɔ̄ŋkì-u.

⁵Bɔ̀ɔ̀maan kubeeu kí nyɔ̄ŋkì ti-Dindaan, bɔ̀ɔ̀maan kubeeu kí gāā ilan kí kìntī.

⁶Ní búḿmaan akantán nì iyin kí nyɔ̄ŋkì-u, ní fáámaan iwiliili kí dàntì ti-Dindaan, ubɔti.

⁷Tiŋku ń nīn gà kuwoou, ki kpáaǹ tin kɔkɔ bí u-poonee! Kitiŋ nì tin kɔkɔ bí ki-puee mun ń gāā kuwoou.

⁸Ibun ń kpāafì abaal, ajoon ń kpāfì dicilpuee kí gāā ilan nì dipɔɔpindi

⁹ti-Dindaan nimbiin. Di sá yii u dòoń kí sòoǹ kitiŋ pu nib bɔti. U làá sòoǹ duulinya bɔti nì ibaamɔn, ní kí sòoǹ anibul bɔti deedee.