Read Ntcham Esaïe 20 Bible Online

Esaïe 20 - Ntcham bible

Esaïe 20

¹An nìn sá dibindi din ní Asuur bɔtiu Saargɔn nìn tú u-janjakpiliu u cūtì ki jáń nì Asidoodi tiŋki ki fōō-kèe ní.

²Ŋyunti gbanti ní ti-Dindaan nìn tùkū Amɔtisi jipɔɔn Yeesaya yii: «Nín̄ cá, á gbìntī kutuku un a gbìn̄ a-caŋee, kí cúú a-naatakaŋ mun kí tákatí.» Ní Yeesaya ŋá míǹ, ki kíǹ ki còom̄ kaa lōō tiba, kaa táká anaataka mun.

³Ní ti-Dindaan bí yii: «M-tɔntɔnliu Yeesaya nín cōom̀ kaa lōō tiba, kaa táká anaataka mun abin ata nee, an sá kudaaŋŋu nì tibɔkpaafikaal ní kí tīī Eejipiti nì Kuusi timmu yab.

⁴Míǹ ní Asuur bɔtiu làá dāá cúú Eejipiti yab sarka ní kí cúú Kuusi yab, binipɔmbi nì bitikpilib kí cùnnì kuyuŋu. Bi làá dāá nīn còom̄ kaa lōō tiba, kaa táká anaataka ní bi-kpiliŋ ń nīn dɔ̄ fám. Án dāa sá icoo ní ki tīī Eejipiti yab.

⁵Binib bin nìn máká Kuusi yab pu, ki nìn fàal̀ Eejipiti yab puee wunti làá dāá yɔ̀tī ní icoo ń dāá cúú-bi.»

⁶Ŋwiin gbantee, binib bin kóò ditiŋkugbandee làá dāá lì yii: «Kpèèmaan tin bāań bin pu timbi mákée! Ti bàà nìn cɔ́tí yii ti làá sāǹ kí kɔ́-bi ní bí jòoń-ti kí fīī-ti Asuur bɔtiu ŋaan. Mimmee ti làá nín ŋá mana ní kí ŋmátí dee?»