Read Ntcham Esaïe 38 Bible Online

Esaïe 38 - Ntcham bible

Esaïe 38

¹Ŋyunti gbantee Eeseekiyaasi nìn búŋkì ki làá kpú. Ní Unimbɔti bɔnaatiliu Yeesaya, Amɔtisi jipɔɔn cūtìi māntì u-pu ní ki bí-u yii: «Ti-Dindaan bí yii á bɔ́ntí a-dicaŋku, di sá yii a làá kpú ní, saa làá ŋmátí.»

²Niinee ní Eeseekiyaasi fātì u-nimbiin ki túĺ digundi ní ki mēē ti-Dindaan yii:

³«M-Dindaan, m gbāam̀-si ní. Téetí yii m nóó-si nì ibaamɔn nì dipɔbil diba ní ki ŋá tin fáatiǹ-see.» U mēē mimmee ní ki súń tikpil.

⁴Ní ti-Dindaan sòon̄ nì Yeesaya ki bí-u yii

⁵ú gítí kí tùkù Eeseekiyaasi yii: «Ti-Dindaan, a-naanja Nimbɔtiu di lī yii: <M gbìl̄ a-wimmeem, ki ká a-nyinnyim. M làá fɔ̀kɔǹ a-maŋfal wiiŋyi abin saalku kí kūtì.

⁶M làá fīī sii nì kitiŋ nee kí nyāntí Asuur bɔtiu ŋaan. M làá wúń kitiŋ nee pu>.»

²¹Ní Yeesaya bí yii: «Nàmaan fiigi subiliŋ kí cáań kí nákań ubɔti naliŋ pu, u làá pɔ̄ɔkì!»

²²Ní Eeseekiyaasi bí yii: «Ba daaŋku ní m làá dūú béé yii m làá gíti ŋmā kí cù ti-Dindaan diikun?» Ní Yeesaya bí Eeseekiyaasi yii: «Kpèè, kudaaŋŋu kun ti-Dindaan tīī-si kí dàkà yii u nín pōoǹ puee, u làá ŋá mimmee sɔ̀. Too, ti-Dindaan làá yàntī mboon ŋun lítì Akaasi kɔliŋ puee ń fàtīí sútí kí jɔ̄m̀ akɔl saalaa pu.» Ní mboon lafun fātìi sútì ki jɔ́m̀ Akaasi kɔliŋ pu, akɔl saalaa ŋin pu ŋu bàà lítèe pu. Eeseekiyaasi mēē ŋwimmeem u nín ká dicáaǹdee Inyɔŋki laŋŋu ŋun Juuda bɔtiu Eeseekiyaasi gāā u nín nìn búŋkì ki dāa ká dicáaǹdee sèé: M nìn lī m-ban yii m-maŋfal wiiŋyi dijandi ní m dūu kāl̀ kitiŋ nee pu ní ki làá kpáàa fàtīí nīn gítí nee. Ditaŋkpiilin ní m làá púntí m-maŋfal wiiŋyi in kíǹee. M nìn gíti lī m-ban yii: maa làá ti ká ti-Dindaan binifoobi tiŋki pu doo deeyaa! Maa làá ti wāl̀ báà uniseen nimbiin duulinya nee poon deeyaa! Bi dáaĺ ki fōō m-maŋfal, ki cáá-dì ki búntì ndandati ki wāatì-mi,<(...)