Read Ntcham Nombres 26 Bible Online

Nombres 26 - Ntcham bible

Nombres 26

¹ní ti-Dindaan bí Mooyiisi nì usaraaŋakpil Aarɔn jipɔɔn Eeleeyasaar yii:

²«Ní kàaǹ Isirayeel yab kɔkɔ, kí nóó nì adican nib kí kíĺ bin cáá abin mmuŋku kí nín cáa cée, bin kɔkɔ ŋūǹ kí bàl̄ tijanjawanee.»

³Ní Mooyiisi nì usaraaŋakpil Eeleeyasaar sòon̄ nì samaa Moowaab tantakal din pìlīǹ Jɔɔdan ki túĺ Jeeriikoo tiŋkee, ní ki bí-bi yii:

⁴«Tí kàaǹ Isirayeel yab kɔkɔ, kí yòon̄ bin cáá abin mmuŋku kí nīn cáa cée kii ti-Dindaan nín bí Mooyiisi yii ú ŋá puee.» Isirayeel yab naakɔti tin nìn nyáń Eejipiti tiŋkinee nyɔkɔm sɔ̀.

⁵Jaakɔb jipɔŋkpiliu Rubeen naakooku nì u-dicaŋŋi yab nín bí puee sèé. Eenɔki dicaŋŋi yab naanja di sá Eenɔki, Palu dicaŋŋi yab naanja di sá Palu.

⁶Eesirɔn dicaŋŋi yab naanja di sá Eesirɔn, Kaarmii dicaŋŋi yab naanja di sá Kaarmii.

⁷Rubeen naakooku dicaŋŋi yab nín sá puee dee. Bi nín kàan̄-bee bi-wíiŋŋu sá binib kutukub imuŋku ili nì bita nì alaataa aluli nì mmuŋku nì binib saalaa.

⁸Palu jipɔɔn di sá Eeliyaab,

⁹ní Eeliyaab jipɔmbi sá Neemuyeel nì Daatan nì Abiiram. Daatan nì Abiiram gbanti di nìn sá samaa kansikin bikpilib bin nìn yíkìi bíi kpākantí Mooyiisi nì Aarɔŋyee. Bi nìn dū Kooree yab ki kútì bi-ba pu bí jáǹ ti-Dindaan.

¹⁰Kitiŋ nìn wāaǹ ki-nyɔkɔ ki dū-bi ki náĺ ki kpáaǹ Kooree. Ŋwiin gbantee, ŋŋmi nìn wùn̄ binib kulaafaau nì imuŋku ili nì saalaa, bi nì bi-nimbiliŋ án nīn sá kudaaŋŋu ki tīī samaa.

¹¹Ama Kooree jipɔmbi kaa nìn kpíì yaadal.

¹²Simeeyɔn naakooku nì u-dicaŋŋi nín sá puee sèé. Neemuyeel dicaŋŋi yab naanja di sá Neemuyeel, Yamiini dicaŋŋi yab naanja di sá Yamiini. Yakiin dicaŋŋi yab naanja di sá Yakiin.

¹³Seera dicaŋŋi yab naanja di sá Seera. Kawul dicaŋŋi yab naanja di sá Kawul,

¹⁴Simeeyɔn naakooku dicaŋŋi nín nìn sá puee dee. Bi nín nìn kàan̄-bee, bi-wíiŋŋu nìn nyáń binib kutukub mmuŋku nì bili nì binib kulaafaau.

¹⁵Gaadi naakooku nì u-dicaŋŋi nín sá puee sèé. Seefaniya dicaŋŋi yab naanja di sá Seefaniya, Agii dicaŋŋi yab naanja di sá Agii. Suuni dicaŋŋi yab naanja di sá Suuni.

¹⁶Oosinii dicaŋŋi yab naanja di sá Oosinii, Eerii dicaŋŋi yab naanja di sá Eerii.

¹⁷Aroodi dicaŋŋi yab naanja di sá Aroodi, Areel dicaŋŋi yab naanja di sá Areel.

¹⁸Gaadi naakooku dicaŋŋi nín nìn sá puee dee. Bi nín nìn kàan̄-bee bi nìn nyáń binib kutukub imuŋku ili nì alaataa aŋmoo.

¹⁹Juuda naakooku nì u-dicaŋŋi nín sá puee sèé. Juuda jipɔmbi di sá Eer nì Oonan, ama bi-liitil nìn kpíì Kanaan tiŋkin.

²⁰Juuda naakooku dicaŋŋi ŋin kíǹee sèé. Seela dicaŋŋi yab naanja di sá Seela, Peereeki dicaŋŋi yab naanja di sá Peereeki ní Seera dicaŋŋi yab naanja sá Seera.

²¹Peereeki nìn cáá jipɔmbi bili. Bi nìn yíì ubɔ Eesirɔn. Úǹ di sá Eesirɔn dicaŋŋi yab naanja. Bi nìn yíì un kíǹee Amuul, u mun di sá Amuul dicaŋŋi yab naanja.

²²Juuda naakooku dicaŋŋi yab nín nìn sá puee dee. Bi nín nìn kàan̄-bee, bi nìn nyáń binib kutukub binaa kpá imuŋku inaa nì binib alaataa aŋmoo.

²³Isakaar naakooku nì u-dicaŋŋi nín nìn sá puee sèé. Toola dicaŋŋi yab naanja di sá Toola, ní Pufa dicaŋŋi yab naanja sá Pufa.

²⁴Yasuub dicaŋŋi yab naanja di sá Yasuub ní Simroon dicaŋŋi yab naanja sá Simroon.

²⁵Isakaar naakooku dicaŋŋi yab nín nìn sá puee dee. Bi nín kàan̄-bee, bi nìn nyáń binib kutukub imuŋku ita nì binaa nì binib alaataa ata.

²⁶Sabulɔn naakooku nì u-dicaŋŋi yab nín nìn sá puee sèé. Seereedi dicaŋŋi yab naanja di sá Seereedi. Eelɔn dicaŋŋi yab naanja sá Eelɔn, ní Yaleel dicaŋŋi yab naanja sá Yaleel.

²⁷Sabulɔn naakooku dicaŋŋi yab nín nìn sá puee dee. Bi nín nìn kàan̄-bee, bi nìn nyáń binib kutukub imuŋku ita nì binib alaataa aŋmoo.

²⁸Jooseefi jipɔmbi Manasee nì Eefiraayiim yab nín nìn pēē pēē mmaal puee sɔ̀.

²⁹Manasee naakooku nì u-dicaŋŋi nín nìn sá puee sɔ̀. Makiir dicaŋŋi yab naanja di sá Makiir ní Makiir màl̄ Galaadi. Galaadi dicaŋŋi yab naanja di sá Galaadi.

³⁰Galaadi dicaŋŋi nín nìn sá puee sɔ̀. Yeeseer dicaŋŋi yab naanja di sá Yeeseer. Eeleeki dicaŋŋi yab naanja di sá Eeleeki.

³¹Asiriyeel dicaŋŋi yab naanja di sá Asiriyeel, Siikeem dicaŋŋi yab naanja di sá Siikeem.

³²Seemiida dicaŋŋi yab naanja di sá Seemiida ní Eefeer dicaŋŋi yab naanja sá Eefeer.

³³Eefeer jipɔɔn Seeloofaadi kaa nìn màl̄ kibininjabiki, mbinimpubiyaamu ŋma ní u nìn màl̄. Bi-yiŋŋi di sá Maala nì Nɔɔwa nì Ɔgila nì Miilka nì Tiirsa.

³⁴Manasee naakooku dicaŋŋi yab nín nìn sá puee dee. Bi nín nìn kàan̄-bee, bi nìn nyáń binib kutukub imuŋku ili nì saalaa nì bili nì alaataa aluli.

³⁵Eefiraayiim naakooku dicaŋŋi yab nín nìn sá puee sɔ̀. Suteela dicaŋŋi yab naanja di sá Suteela. Beekeer dicaŋŋi yab naanja di sá Beekeer, Tayan dicaŋŋi yab naanja di sá Tayan.

³⁶Eeran dicaŋŋi yab naanja di sá Eeran, Suteela jipɔɔn.

³⁷Eefiraayiim naakooku dicaŋŋi yab nín nìn sá puee dee. Bi nín nìn kàan̄-bee, bi nìn nyáń binib kutukub mmuŋku nì saalaa nì bili nì binib alaataa aŋmoo. Jooseefi jipɔmbi naakɔti dicaŋŋi yab nín nìn sá puee dee.

³⁸Beenjameen naakooku dicaŋŋi yab nín nìn sá puee sɔ̀. Beela dicaŋŋi yab naanja di sá Beela. Aseebeel dicaŋŋi yab naanja di sá Aseebeel. Ayiiram dicaŋŋi yab naanja di sá Ayiiram.

³⁹Sufam dicaŋŋi yab naanja di sá Sufam. Ufam dicaŋŋi yab naanja di sá Ufam.

⁴⁰Beela nìn cáá jipɔmbi bili ní: Ardi nì Naaman. Ardi dicaŋŋi yab naanja di sá Ardi, ní Naaman dicaŋŋi yab naanja sá Naaman.

⁴¹Beenjameen naakooku dicaŋŋi yab nín nìn sá puee dee. Bi nín nìn kàan̄-bee, bi nìn nyáń binib kutukub imuŋku ili nì biŋmoo nì binib alaataa aluu.

⁴²Daani naakooku dicaŋku pée sá kubɔ ní. Kúǹ di sá Suyam, ní u-dicaŋku yab naanja sá Suyam.

⁴³Daani naakooku dicaŋku yab nín nìn sá puee dee. Bi nín nìn kàan̄-bee, bi nìn nyáń binib kutukub imuŋku ita nì binaa nì binib alaataa anaa.

⁴⁴Aseer naakooku dicaŋŋi nín nìn sá puee sɔ̀. Yiimina dicaŋŋi yab naanja di sá Yiimina, Yisfii dicaŋŋi yab naanja di sá Yisfii ní Beeriya dicaŋŋi yab naanja sá Beeriya.

⁴⁵Beeriya nìn cáá jipɔmbi bili: Eebeer nì Malkiyeel. Eebeer dicaŋŋi yab naanja di sá Eebeer, ní Malkiyeel dicaŋŋi yab naanja sá Malkiyeel.

⁴⁶Aseer nìn màl̄ kibinimpubiki, bi yíì-kì Seera.

⁴⁷Aseer naakooku dicaŋŋi yab nín nìn sá puee dee. Bi nín nìn kàan̄-bee, bi nìn nyáń binib kutukub imuŋku ili nì saalaa nì bita nì binib alaataa anaa.

⁴⁸Neefitalii naakooku dicaŋŋi nín nìn sá puee sɔ̀. Yasiyeel dicaŋŋi yab naanja di sá Yasiyeel ní Gunii dicaŋŋi yab naanja sá Gunii.

⁴⁹Yeeseer dicaŋŋi yab naanja di sá Yeeseer ní Siileem dicaŋŋi yab naanja sá Siileem.

⁵⁰Neefitalii naakooku dicaŋŋi yab nín nìn sá puee dee. Bi nín nìn kàan̄-bee, bi nìn nyáń binib kutukub imuŋku ili nì biŋmoo nì binib alaataa anaa.

⁵¹Bi nín kàan̄ Isirayeel yab kɔkɔee, bi nìn nyáń binib kutukub alaataa aluu nì kutuku ubɔ, nì binib alaataa aluli nì mmuŋku nì saalaa.

⁵²Ti-Dindaan bí Mooyiisi yii:

⁵³«Á yàkatī ntimu kí tīī tinaakɔti tin a kàan̄ee nib kí táá nì bi-wíiŋŋu nyɔkɔm.

⁵⁴Á tīī kunaakoou kamaa kitiŋ kí táá nì ku-nib bin bi kàan̄ee wíiŋŋu. Kun nib yaa wīikée, á tīī-bi kitiŋ ń nīn wīikí. Bin kaa náaǹee, á tīī-bi án ŋmàntī-bi.

⁵⁵Kitiŋ gbanti yàkatitamee, an sá yii ní tɔ̄ tinaakɔti saalaa nì tilee pu kasi ní kunaakoou kun yab yaa jíń laakiŋyee ń yòon̄ niin.

⁵⁶An tí sá ní tɔ̄ kasi ní án lēē laakin sá ní tīī bin nib wīikée nì bin yab kaa náaǹee[61].»

⁵⁷Leefii naakooku dicaŋŋi ŋin bi nìn kàan̄ee sɔ̀. Geersɔn dicaŋŋi yab naanja di sá Geersɔn ní Keeyaati dicaŋŋi yab naanja di sá Keeyaati ní Meemaar dicaŋŋi yab naanja sá Meemaar.

⁵⁸Leefii naakooku yab biba mun sɔ̀. Liibinii naakooku yab nì Eebrɔn yab nì Maalii yab nì Musii yab nì Kooree yab. Keeyaati di màl̄ Amiiraam,

⁵⁹ní u cáá Yookeebeedi, Leefii bisal un bi màl̄ Eejipiti tiŋkinee, ní úǹ màl̄ Amiiraam mbiyaamu muta: Aarɔn nì Mooyiisi nì bi-niisal Miiriyam.

⁶⁰Ní Aarɔn màl̄ mbininjabiyaamu munaa: Nadaab nì Abiyuu nì Eeleeyasaar nì Itamaar[62].

⁶¹Ama Nadaab nì Abiyuu kpíì, kun puee bi nìn mɔ́fìń ŋŋmi laaba ki cáań kí ŋá ti-Dindaan nimbiin saraa[63].

⁶²Bi nín nìn kàan̄ mbininjabiyaamu, kí kíĺ bin cáá uŋmal ubɔ kí nīn cáa cée, bi nìn nyáń binib kutukub mmuŋku nì bita ní. Ŋyunti ŋun bi nìn kàan̄ Isirayeel yabee, baa nìn kàan̄ bíǹ, kun puee baa làá tīī bíǹ kitiŋ kii bi nín làá tīī Isirayeel yab bin kíǹee ntimu puee.

⁶³Mooyiisi nì usaraaŋakpil Eeleeyasaar nín nìn kàan̄ Isirayeel yab Moowaab tantakal din pìlīǹ Jɔɔdan ki túĺ Jeeriikooyee, bi nín nìn nyáń puee dee.

⁶⁴Isirayeel yab gbanti kansikinee, baa nìn gíti ká bin ní Mooyiisi nì usaraaŋakpil Aarɔn nìn kàan̄ Siinaayi teekunee báà ubɔ[64].

⁶⁵Di sá ti-Dindaan nìn tùkū-bi yii bi làá kpú kuteeun. Míǹ puee bi-kansikin báà ubɔ kaa nìn gíti kíǹ, see Yeefunee jipɔɔn Kaaleeb nì Nuuni jipɔɔn Joosuwa di nìn kíǹ.