Read Ntcham Nombres 33 Bible Online

Nombres 33 - Ntcham bible

Nombres 33

¹Isirayeel yab nín nyáń Eejipiti tiŋkin, Mooyiisi nì Aarɔn kpòotī-bi bi nóó tɔb akiti akiti pu ki kàal̀ ki yíkí puee sɔ̀.

²Bi-saŋkindi poonee, ti-Dindaan yaa nìn dàkā-bi yii bí kàl̄ laakin kí ŋùŋfì kí nín nìkēe, Mooyiisi nìn ŋmà niin yindi ní. Bi nín nìn kāl̀ kāl̀ laakiŋyee yiŋŋi sèé.

³Isirayeel yab nìn yíkì Ramseesi, Eejipiti tiŋkin dibindi ŋmapeepeekaau iwiin saalku dal ní. Bi nìn jíń Dilákatil jiŋaaliu kutaa wúntì ní bi tɔ́ bi-ba ki nyáń Eejipiti yab ŋaan ki búntì ní bi kā ki kpèé-bi.

⁴Ŋyunti gbantee, Eejipiti yab bíǹ nìn bíi síb̀ bi-biseebiyaamu nninjabiyaamu mun ti-Dindaan nìn kūūyee dee. Ti-Dindaan nìn ŋá míǹ kí dáaĺ bi-waaŋi tafal ní.

⁵Isirayeel yab yíkì Ramseesee, ní ki cūtìi kāl̀ Sukooti.

⁶Bi yíkì Sukootee, ní ki cūtìi kāl̀ Eetaam, kuteeu kpaanyɔkɔ.

⁷Bi yíkì Eetaamee ní ki túlifì bi-boon ki dī Pii-Ayirooti, kitiŋ kin nì Baal-Seefɔn túĺ tɔbee, ní ki cūtìi kāl̀ Miigidool nyɔkɔpu.

⁸Bi yíkì Pii-Ayirooti ní ki dūtì dimɔɔl, ki cōom̀ iwiin ita Eetaam teekun ní ki dūu nyáń Maara tiŋki pu ní ki kāl̀ niin.

⁹Bi yíkì Maaree ní ki dūu bàn̄ Eeliim tiŋkin. Niin ní bi ká inyimbul saalaa nì ili nì ibafi imuŋku ita nì saalaa, ní ki gbíntì niin ki kāl̀.

¹⁰Bi yíkì Eeliimee ní ki cūtìi kāl̀ ki pìlīǹ Tikati mɔɔl.

¹¹Bi yíkì Tikati mɔɔl ceeyee ní ki cūtìi kāl̀ Siini teekun.

¹²Bi yíkì Siini teekunee ní ki cūtìi kāl̀ Doofika tiŋkin.

¹³Bi yíkì Doofikee ní ki cūtìi kāl̀ Aluusi tiŋkin.

¹⁴Bi yíkì Aluusee ní ki cūtìi kāl̀ Reefiidiim tiŋkin, laakin Isirayeel yab nìn bàn̄ nnyim kpá bí nyɔ̀ee.

¹⁵Bi yíkì Reefiidiimee ní ki cūtìi kāl̀ Siinaayi teekun.

¹⁶Bi yíkì Siinaayi teekunee ní ki cūtìi kāl̀ Kiibirooti-Taafa tiŋkin.

¹⁷Bi yíkì Kiibirooti-Taafee ní ki cūtìi kāl̀ Aseerooti tiŋkin.

¹⁸Bi yíkì Aseerootee ní ki cūtìi kāl̀ Riitima tiŋkin.

¹⁹Bi yíkì Riitimee ní ki cūtìi kāl̀ Riimɔn-Peereesi tiŋkin.

²⁰Bi yíkì Riimɔn-Peereesee ní ki cūtìi kāl̀ Liibina tiŋkin.

²¹Bi yíkì Liibinayee ní ki cūtìi kāl̀ Riisa tiŋkin.

²²Bi yíkì Riisayee ní ki cūtìi kāl̀ Keeyeelata tiŋkin.

²³Bi yíkì Keeyeelatayee ní ki cūtìi kāl̀ Seefeer jool pu.

²⁴Bi yíkì Seefeer jool puee ní ki cūtìi kāl̀ Arada tiŋkin.

²⁵Bi yíkì Aradayee ní ki cūtìi kāl̀ Makeelooti tiŋkin.

²⁶Bi yíkì Makeelootee ní ki cūtìi kāl̀ Tayati tiŋkin.

²⁷Bi yíkì Tayatee ní ki cūtìi kāl̀ Teera tiŋkin.

²⁸Bi yíkì Teerayee ní ki cūtìi kāl̀ Miitika tiŋkin.

²⁹Bi yíkì Miitikayee ní ki cūtìi kāl̀ Yasimoona tiŋkin.

³⁰Bi yíkì Yasimoonayee ní ki cūtìi kāl̀ Mooseerooti tiŋkin.

³¹Bi yíkì Mooseerootee ní ki cūtìi kāl̀ Beenee-Yaakan tiŋkin.

³²Bi yíkì Beenee-Yaakanee ní ki cūtìi kāl̀ Yɔɔr-Giidigaadi tiŋkin.

³³Bi yíkì Yɔɔr-Giidigaadee ní ki cūtìi kāl̀ Yootibata tiŋkin.

³⁴Bi yíkì Yootibatayee ní ki cūtìi kāl̀ Abiroona tiŋkin.

³⁵Bi yíkì Abiroonayee ní ki cūtìi kāl̀ Eesiyɔn-Geebeer tiŋkin.

³⁶Bi yíkì Eesiyɔn-Geebeeree ní ki cūtìi kāl̀ Kadeesi tiŋkin, Siini teekun.

³⁷Bi yíkì Kadeesee ní ki cūtìi kāl̀ Yɔɔr jool pu, ki pìlīǹ Eedoom tiŋki kpaanyɔkɔ.

³⁸Niinee ní usaraaŋakpil Aarɔn jɔ́m̀ Yɔɔr jool pu kii ti-Dindaan nín nìn tùkū-u puee, ní ki kpíì niin. Isirayeel yab nín nyáń kuyuŋu Eejipiti tiŋkinee, abin imuŋku ili, uŋmaŋmooŋmooti wimpeepeekaaŋu dal ní u kpíì.

³⁹U nìn cáá abin dilaataal nì mmuŋku nì ata ní ki nín kpíì[81].

⁴⁰Niinee ní ukanaanja, Araadi yab bɔtiu un nìn kóò Neegeeb, Kanaan tiŋkinee, gbìl̄ yii Isirayeel yab tóobiń-u.

⁴¹Bi yíkì Yɔɔr jool puee ní ki cūtìi kāl̀ Salmoona tiŋkin.

⁴²Bi yíkì Salmoonayee ní ki cūtìi kāl̀ Puunɔn tiŋkin.

⁴³Bi yíkì Puunɔŋyee ní ki cūtìi kāl̀ Oobooti tiŋkin.

⁴⁴Bi yíkì Oobootee ní ki cūtìi kāl̀ Yee-Abariim, Moowaab yab tiŋki kpaanyɔkɔ.

⁴⁵Bi yíkì Yee-Abariimee ní ki cūtìi kāl̀ Diibɔn-Gaadi tiŋkin.

⁴⁶Bi yíkì Diibɔn-Gaadee ní ki cūtìi kāl̀ Almɔn-Diibilatayiim tiŋkin.

⁴⁷Bi yíkì Almɔn-Diibilatayiimee ní ki cūtìi kāl̀ Abariim jooŋŋi pu, ki túĺ Neeboo.

⁴⁸Bi yíkì Abariim jooŋŋi puee ní ki cūtìi kāl̀ Moowaab tantakalin, an pìlīǹ Jɔɔdan buŋŋu ki túĺ Jeeriikoo tiŋki.

⁴⁹Ní bi kāl̀ Jɔɔdan buŋgbandi ki yōoǹ Beeti-Yeesimooti ki tin cáa sāā Afeel-Siitiim, Moowaab tantakalin.

⁵⁰Ti-Dindaan sòon̄ nì Mooyiisi, Moowaab tantakal din túĺ Jeeriikooyee yii

⁵¹ú tùkù Isirayeel yab yii: «Ni yaa dūtì Jɔɔdan buŋŋu ki kɔ́ Kanaan tiŋkinee,

⁵²ní jà binib bin kóò kitiŋ gbanti poonee kɔkɔ kí cùnnì ndan kí wàatī ni-ba, kí gbá kí kpìtī bi-waaŋi ŋin sá ataŋkpeeyee kɔkɔ, kí gbá kí wìil̀ tikúti tin bi dūu mɔ́ɔ́ ki nántiǹ awaayee, ní kí bīil̀ ipaan in pu bi cá ki jáaḿ awaayee.

⁵³Ní fōō kitiŋ gbanti kí nīn kíǹ ki kóò, di sá nimbi ní m dū kitiŋ gbanti ki tīī ní nīn kíǹ ki yì.

⁵⁴Ní dāá tɔ̄ kasi ní an lēē kunaakoou kamaa nín máaǹ dijandi diŋyee. Kunaakoou kun nib yaa wīikée, ní tīī-bi kitiŋ ń nīn wīikí, kun nib yaa kaa náaǹee, ní tīī-bi án taa nín̄ náaǹ. Ní kunaakoou kamaa ń nīn yì dijandi din bi tɔ́ kasi ku jíńee. Ní yàkatīmaan kí nóó nì ni-baabi naakɔti nín sá puee[82].

⁵⁵Ama ni yaa kaa jìn̄ binib bin kóò kitiŋ gbantinee ki cūnnì ndan kí wàatī ni-bee, bin ni kíǹee di dāa kpántí ikuŋkum ki sàatī ni-nimbiliŋ, ní ki dāa sá akuŋkunjal ki sàatī ni-takakalii. Bi làá dāá nīn páb̀-ni kitiŋ kin ni làá cùú kàl̄ nee poon.

⁵⁶Ní man nín bàà yóoǹ kí dáaĺ bi-tafal miŋyee, ḿ dāá dūú dáaĺ nimbi tafal.»