Read Ntcham Nombres 7 Bible Online

Nombres 7 - Ntcham bible

Nombres 7

¹Mooyiisi nín nìn cóoǹ circir kɔŋkooŋŋu ki dóòyee, u nìn bātì ŋkpam ki sītì ŋu nì ŋu-wanti kɔkɔ pu ki ŋá-tì circir, ní ki bātìi sītì nsaraafan nì tiwan tin bi cáa tūǹ ŋu-pu ditundee ki ŋá-tì circir.

²Niinee ní Isirayeel naakɔti kpilib cáań bi-wampɔkaati ki tīī-u. Bíǹ di sá tinaakɔti kpilib bin nìn tútuǹ bi kàan̄ binibee.

³Tiwampɔkaal tin bi nìn cáań ti-Dindaan nimbiinee di sá tɔrɔkub bin pu bi kpáá ki bīiǹee biluu nì inaa saalaa nì ili. Bikpilib bili nìn kpáfì ki tīī tɔrɔku ubɔ ní ukpil kamaa tīī unaa unaa. Ní bi cáań tiwan gbanti kɔkɔ circir kɔŋkooŋŋu nyɔkɔpu.

⁴Ní ti-Dindaan bí Mooyiisi yii:

⁵«Fōō tiwampɔkaal tin bi cáańee bí nīn cáa tūǹ circir kɔŋkooŋŋu tuuŋŋi. Á yàkatī-tì kí tīī Leefii yab kí táá nì báà ŋma tundi nín sá puee.»

⁶Ní Mooyiisi fōō tɔrɔkub nì inaayee ki dūu yākatì ki tīī Leefii yab.

⁷U nìn dū tɔrɔkub bili nì inaa inaa ki tīī Geersɔn jipɔmbi ki táá nì bi-tuuŋŋi nín sá puee,

⁸ki dū tɔrɔkub binaa nì inaa inii ki tīī Meerarii jipɔmbi bin tundi usaraaŋakpil Aarɔn jipɔɔn Itamaar nìn kpèéyee. U nìn tīī bi mun ki nóó nì bi-tundi nín sá puee.

⁹Ama waa nìn tīī Keeyaati jipɔmbi tiba, kun puee bíǹ nìn kpèé circir wanti ní, ní an sá bí nīn bùkuntí-tì bi-gbigbipati pu.

¹⁰Ŋwiin ŋun bi làá sìtī nsaraafan pu ŋkpam kí ŋá-ŋu circiree, tinaakɔti kpilib nìn cáań tiwampɔkaal nsaraafanee nimbiin bí dūú pɔ̀ntī-ŋu.

¹¹Ti-Dindaan nìn bí Mooyiisi yii: «Yàntī bikpilibee, báà ŋma ń nīn cáá ŋwiin ŋubɔ ŋubɔ kí cáań bi-wampɔkaati tin bi làá dūú pɔ̀ntī nsaraafanee.»

¹²Un nìn péé péé ki cáań u-wampɔkaati ŋwimpeekaa dalee di sá Amiinadaab jipɔɔn Naakɔn, u sá Juuda Naakookun.

¹³Tiwampɔkaal tin u nìn cáańee di sá animbil kúti sambil, di-nyiŋfiŋu sá kiiloo ubɔ nì graambi alaataa ata, nì tikúti sambiki ki-nyiŋfiŋu sá graambi alaataa aluli, ki nóó nì circir kɔŋkooŋŋun ŋmàntitam, ní ŋyim min bi búuń ŋkpaminee gbí disambilee nì kisambikee poon bí dūú ŋá tijimpin saraau.

¹⁴U nìn gíti cáań sindaariya sambiki, ki-nyiŋfiŋu sá graambi dilaataal, talaalutuukaa gbí poon,

¹⁵nì unaja nì upìja nì dipibil din cáá dibindi dibee, bí dūú ŋá saraawɔkaa,

¹⁶nì uŋɔja bí dūú ŋá ikpiti pɔ̄tam saraau,

¹⁷nì inaa ili nì ipijaa iŋmoo nì iŋɔjaa iŋmoo nì apibil ŋin cáá dibindi dibee aŋmoo bí dūú ŋá mpèé saraau. Tiwampɔkaal tin Amiinadaab jipɔɔn Naakɔn nìn cáańee dee.

¹⁸Ŋwinliliiti dalee, un nìn cáań u-wampɔkaatee di sá Suwaar jipɔɔn Neetaneeyeel, Isakaar naakookun yab kpiliu.

¹⁹Tiwampɔkaal tin u nìn cáańee di sá tikúti sambil, di-nyiŋfiŋu sá kiiloo ubɔ nì graambi alaataa ata, nì tikúti sambiki ki-nyiŋfiŋu sá graambi alaataa aluli, ki nóó nì circir kɔŋkooŋŋun ŋmàntitam, ní ŋyim min bi búuń ŋkpaminee gbí disambilee nì kisambikee poon bí dūú ŋá tijimpin saraau.

²⁰U nìn gíti cáań sindaariya sambiki, ki-nyiŋfiŋu sá graambi dilaataal, talaalutuukaa gbí poon,

²¹nì unaja ubɔ nì upìja ubɔ nì dipibil din cáá dibindi dibee, bí dūú ŋá saraawɔkaa,

²²nì uŋɔja ubɔ bí dūú ŋá ikpiti pɔ̄tam saraau,

²³nì inaa ili nì ipijaa iŋmoo nì iŋɔjaa iŋmoo nì apibil ŋin cáá dibindi dibee aŋmoo bí dūú ŋá mpèé saraau. Tiwampɔkaal tin Suwaar jipɔɔn Neetaneeyeel nìn cáańee dee.

²⁴Ŋwintataati dalee, un nìn cáań u-wampɔkaatee di sá Sabulɔn naakookun yab kpiliu Yeelɔn jipɔɔn Yeeliyab.

²⁵Tiwampɔkaal tin u nìn cáańee di sá tikúti sambil, di-nyiŋfiŋu sá kiiloo ubɔ nì graambi alaataa ata nì tikúti sambiki, ki-nyiŋfiŋu sá graambi alaataa aluli, ki nóó nì circir kɔŋkooŋŋun ŋmàntitam ní ŋyim min bi búuń ŋkpaminee gbí disambilee nì kisambikee poon bí dūu ŋá tijimpin saraau.

²⁶U nìn gíti cáań sindaariya sambiki, ki-nyiŋfiŋu sá graambi dilaataal, talaalutuukaa gbí poon,

²⁷nì unaja ubɔ nì upìja ubɔ, nì dipibil din cáá dibindi dibee, bí dūú ŋá saraawɔkaa,

²⁸nì uŋɔja ubɔ bí dūú ŋá ikpiti pɔ̄tam saraau,

²⁹nì inaa ili nì ipijaa iŋmoo nì iŋɔjaa iŋmoo nì apibil ŋin cáá dibindi dibee aŋmoo bí dūú ŋá mpèé saraau. Tiwampɔkaal tin Yeelɔn jipɔɔn Yeeliyab nìn cáańee dee.

³⁰Ŋwinnanaati dalee, un nìn cáań u-wampɔkaatee di sá Seedeeyuur jipɔɔn Eelsuur, Rubeen naakookun yab kpiliu.

³¹Tiwampɔkaal tin u nìn cáańee di sá tikúti sambil, di-nyiŋfiŋu sá kiiloo ubɔ nì graambi alaataa ata, nì tikúti sambiki ki-nyiŋfiŋu sá graambi alaataa ata, ki nóó nì circir kɔŋkooŋŋun ŋmàntitam, ní ŋyim min bi búuń ŋkpaminee gbí disambilee nì kisambikee poon, bí dūú ŋá tijimpin saraau,

³²U nìn gíti cáań sindaariya sambiki, ki-nyiŋfiŋu sá graambi dilaataal, talaalutuukaa gbí poon,

³³nì unaja ubɔ nì upìja ubɔ nì dipibil din cáá dibindi dibee, bí dūú ŋá saraawɔkaa,

³⁴nì uŋɔja ubɔ bí dūú ŋá ikpiti pɔ̄tam saraau,

³⁵nì inaa ili nì ipijaa iŋmoo nì apibil ŋin cáá dibindi dibee aŋmoo, bí dūú ŋá mpèé saraau. Tiwampɔkaal tin Seedeeyuur jipɔɔn Eelsuur nìn cáańee dee.

³⁶Ŋwiŋŋmooŋmooti dalee, un nìn cáań u-wampɔkaatee di sá Suriisadaayi jipɔɔn Seelumiyeel, Simeeyɔn naakookun yab kpiliu.

³⁷Tiwampɔkaal tin u nìn cáańee di sá tikúti sambil, di-nyiŋfiŋu sá kiiloo ubɔ nì graambi alaataa ata, nì tikúti sambiki, ki-nyiŋfiŋu sá graambi alaataa aluli, ki nóó nì circir kɔŋkooŋŋun ŋmàntitam, ní ŋyim min bi búuń ŋkpaminee gbí disambilee nì kisambikee poon, bí dūú ŋá tijimpin saraau.

³⁸U nìn gíti cáań sindaariya sambiki, ki-nyiŋfiŋu sá graambi dilaataal, talaalutuukaa gbí poon,

³⁹nì unaja ubɔ nì upìja ubɔ nì dipibil din cáá dibindi dibee, bí dūú ŋá saraawɔkaa,

⁴⁰nì uŋɔja ubɔ bí dūú ŋá ikpiti pɔ̄tam saraau,

⁴¹nì inaa ili nì ipijaa iŋmoo nì apibil ŋin cáá dibindi dibee aŋmoo bí dūú ŋá mpèé saraau. Tiwampɔkaal tin Suriisadaayi jipɔɔn Seelumiyeel nìn cáańee dee.

⁴²Ŋwinluluuti dalee, un nìn cáań u-wampɔkaatee di sá Deewuyeel jipɔɔn Eeliyasaafi, Gaadi naakookun yab kpiliu.

⁴³Tiwampɔkaal tin u nìn cáańee di sá tikúti sambil, di-nyiŋfiŋu sá kiiloo ubɔ nì graambi alaataa ata, nì tikúti sambiki, ki-nyiŋfiŋu sá graambi alaataa aluli, ki nóó nì circir kɔŋkooŋŋun ŋmàntitam, ní ŋyim min bi búuń ŋkpaminee gbí disambilee nì kisambikee poon bí dūu ŋá tijimpin saraau.

⁴⁴U nìn gíti cáań sindaariya sambiki, ki-nyiŋfiŋu sá graambi dilaataal, talaalutuukaa gbí poon,

⁴⁵nì unaja ubɔ nì upìja ubɔ nì dipibil din cáá dibindi dibee bí dūú ŋá saraawɔkaa,

⁴⁶nì uŋɔja ubɔ bí dūu ŋá ikpiti pɔ̄tam saraau,

⁴⁷nì inaa ili nì ipijaa iŋmoo nì iŋɔjaa iŋmoo nì apibil ŋin cáá dibindi dibee aŋmoo, bí dūú ŋá mpèé saraau. Tiwampɔkaal tin Deewuyeel jipɔɔn Eeliyasaafi nìn cáańee dee.

⁴⁸Ŋwinluluúti dalee, un nìn cáań u-wampɔkaatee di sá Amiiyuudi jipɔɔn Eeliisama, Eefiraayiim naakookun yab kpiliu.

⁴⁹Tiwampɔkaal tin u nìn cáańee di sá tikúti sambil di-nyiŋfiŋu sá kiiloo ubɔ nì graambi alaataa ata, nì tikúti sambiki, ki-nyiŋfiŋu sá graambi alaataa aluli, ki nóó nì circir kɔŋkooŋŋun ŋmàntitam, ní ŋyim min bi búuń ŋkpaminee gbí disambilee nì kisambikee poon bí dūú ŋá tijimpin saraau,

⁵⁰nì sindaariya sambiki, ki-nyiŋfiŋu sá graambi dilaataal, talaalutuukaa gbí poon,

⁵¹nì unaja ubɔ nì upìja ubɔ nì dipibil din cáá dibindi dibee, bí dūú ŋá saraawɔkaa,

⁵²nì uŋɔja ubɔ bí dūú ŋá ikpiti pɔ̄tam saraau,

⁵³nì inaa ili nì ipijaa iŋmoo nì iŋɔjaa iŋmoo nì apibil ŋin cáá dibindi dibee aŋmoo, bí dūú ŋá mpèé saraau. Tiwampɔkaal tin Amiiyuudi jipɔɔn Eeliisama nìn cáańee dee.

⁵⁴Ŋwinniniiti dalee, un nìn cáań u-wampɔkaatee di sá Peedasuur jipɔɔn Gamaliyeel, Manasee naakookun yab kpiliu.

⁵⁵Tiwampɔkaal tin u nìn cáańee di sá tikúti sambil, di-nyiŋfiŋu sá kiiloo ubɔ nì graambi alaataa ata, nì tikúti sambiki, ki-nyiŋfiŋu sá graambi alaataa aluli, ki nóó nì circir kɔŋkooŋŋun ŋmàntitam, ní ŋyim min bi búuń ŋkpaminee gbí disambilee nì kisambikee poon bí dūú ŋá tijimpin saraau.

⁵⁶U nìn gíti cáań sindaariya sambiki, ki-nyiŋfiŋu sá graambi dilaataal talaalutuukaa gbí poon,

⁵⁷nì unaja ubɔ nì upìja ubɔ nì dipibil din cáá dibindi dibee bí dūú ŋá saraawɔkaa,

⁵⁸nì uŋɔja ubɔ bí dūú ŋá ikpiti pɔ̄tam saraau,

⁵⁹nì inaa ili nì ipijaa iŋmoo nì iŋɔjaa iŋmoo nì apibil ŋin cáá dibindi dibee aŋmoo, bí dūú ŋá mpèé saraau. Tiwampɔkaal tin Peedasuur jipɔɔn Gamaliyeel nìn cáańee dee.

⁶⁰Ŋwiŋwawaati dalee, un nìn cáań u-wampɔkaatee di sá Giideewoonii jipɔɔn Abidan, Beenjameen naakookun yab kpiliu.

⁶¹Tiwampɔkaal tin u nìn cáańee di sá tikúti sambil di-nyiŋfiŋu sá kiiloo ubɔ nì graambi alaataa ata, nì tikúti sambiki ki-nyiŋfiŋu sá graambi alaataa aluli, ki nóó nì circir kɔŋkooŋŋun ŋmàntitam, ní ŋyim min bi búuń ŋkpaminee gbí disambilee nì kisambikee poon bí dūú ŋá tijimpin saraau.

⁶²U nìn gíti cáań sindaariya sambiki, ki-nyiŋfiŋu sá graambi dilaataal, talaalutuukaa gbí poon,

⁶³nì unaja ubɔ nì upìja ubɔ nì dipibil din cáá dibindi dibee, kí dūú ŋá saraawɔkaa,

⁶⁴nì uŋɔja ubɔ bí dūú ŋá ikpiti pɔ̄tam saraau,

⁶⁵nì inaa ili nì ipijaa iŋmoo nì iŋɔjaa iŋmoo nì apibil ŋin cáá dibindi dibee aŋmoo, bí dūú ŋá mpèé saraau. Tiwampɔkaal tin Giideewoonii jipɔɔn Abidan nìn cáańee dee.

⁶⁶Ŋwinsaalaati dalee, un nìn cáań u-wampɔkaatee di sá Amiisadaayi jipɔɔn Ayeeseer, Daani naakookun yab kpiliu.

⁶⁷Tiwampɔkaal tin u nìn cáańee di sá tikúti sambil, di-nyiŋfiŋu sá kiiloo ubɔ nì graambi alaataa ata, nì tikúti sambiki, ki-nyiŋfiŋu sá graambi alaataa aluli, ki nóó nì circir kɔŋkooŋŋun ŋmàntitam, ní ŋyim min bi búuń ŋkpaminee gbí disambilee nì kisambikee poon bí dūú ŋá tijimpin saraau.

⁶⁸U nìn gíti cáań sindaariya sambiki, ki-nyiŋfiŋu sá graambi dilaataal, talaalutuukaa gbí poon,

⁶⁹nì unaja ubɔ nì upìja ubɔ nì dipibil din cáá dibindi dibee bí dūú ŋá saraawɔkaa,

⁷⁰nì uŋɔja ubɔ, bí dūú ŋá ikpiti pɔ̄tam saraau,

⁷¹nì inaa ili nì ipijaa iŋmoo nì iŋɔjaa iŋmoo nì apibil ŋin cáá dibindi dibee aŋmoo, bí dūú ŋá mpèé saraau. Tiwampɔkaal tin Amiisadaayi jipɔɔn Ayeeseer nìn cáańee dee.

⁷²Iwiin saalaa nì ŋubɔ dalee, un nìn cáań u-wampɔkaatee di sá Yookiran jipɔɔn Pagiyeel, Aseer naakookun yab kpiliu.

⁷³Tiwampɔkaal tin u nìn cáańee di sá tikúti sambil, di-nyiŋfiŋu sá kiiloo ubɔ nì graambi alaataa ata, nì tikúti sambiki, ki-nyiŋfiŋu sá graambi alaataa aluli, ki nóó nì circir kɔŋkooŋŋun ŋmàntitam, ní ŋyim min bi búuń ŋkpaminee gbí disambilee nì kisambikee poon bí dūú ŋá tijimpin saraau.

⁷⁴U nìn gíti cáań sindaariya sambiki, ki-nyiŋfiŋu sá graambi dilaataal, talaalutuukaa gbí poon,

⁷⁵nì unaja ubɔ nì upìja ubɔ nì dipibil din cáá dibindi dibee, bí dūú ŋá saraawɔkaa,

⁷⁶nì uŋɔja ubɔ bí dūú ŋá ikpiti pɔ̄tam saraau,

⁷⁷nì inaa ili nì ipijaa iŋmoo nì iŋɔjaa iŋmoo nì apibil ŋin cáá dibindi dibee aŋmoo, bí dūú ŋá mpèé saraau. Tiwampɔkaal tin Yookiran jipɔɔn Pagiyeel nìn cáańee dee.

⁷⁸Iwiin saalaa nì ili dalee, un nìn cáań u-wampɔkaatee di sá Eenan jipɔɔn Ayiira, Neefitalii naakookun yab kpiliu.

⁷⁹Tiwampɔkaal tin u nìn cáańee di sá tikúti sambil, di-nyiŋfiŋu sá kiiloo ubɔ nì graambi alaataa ata, nì tikúti sambiki, ki-nyiŋfiŋu sá graambi alaataa aluli, ki nóó nì circir kɔŋkooŋŋun ŋmàntitam, ní ŋyim min bi búuń ŋkpaminee gbí disambilee nì kisambikee poon bí dūú ŋá tijimpin saraau.

⁸⁰U nìn gíti cáań sindaariya sambiki, ki-nyiŋfiŋu sá graambi dilaataal, talaalutuukaa gbí poon,

⁸¹nì unaja ubɔ nì upìja ubɔ nì dipibil din cáá dibindee bí dūú ŋá saraawɔkaa,

⁸²nì uŋɔja ubɔ, bí dūú ŋá ikpiti pɔ̄tam saraau,

⁸³nì inaa ili nì ipijaa iŋmoo nì iŋɔjaa iŋmoo nì apibil ŋin cáá dibindi dibee aŋmoo, bí dūú ŋá mpèé saraau. Tiwampɔkaal tin Eenan jipɔɔn Ayiira nìn cáańee dee.

⁸⁴Tiwampɔkaal tin Isirayeel yab kpilib nìn cáań bí dūú pɔ̀ntī nsaraafanee kɔkɔ nín nìn kpáfì puee sɔ̀. Tikúti sambiliŋ saalaa nì ali, sindaariya sambiyaamu saalaa nì muli.

⁸⁵Disambil kamaa nyiŋfiŋu nìn sá kiiloo ubɔ nì graambi alaataa ata, ní kisambiki kamaa nyiŋfiŋu nìn sá graambi alaataa aluli. Tikúti sambiliŋ nì nsambiyaamu kɔkɔ nyiŋfiŋu nìn nyáń kiiloobi mmuŋku nì binaa ki nóó nì circir kɔŋkooŋŋun ŋmàntitam.

⁸⁶Sindaariya sambiki kamaa nyiŋfiŋu nìn sá graambi dilaataal. Nsambiyaamu saalaa nì mulee nyiŋfiŋu nìn kpáfì kiiloo ubɔ nì graambi alaataa ali, ní talaalutuukaa gbí poon.

⁸⁷Bi nìn cáań inajaa saalaa nì ili nì ipijaa saalaa nì ili nì apibil saalaa nì ali ŋin cáá dibindi dibee bí dūú ŋá saraawɔkaa. Tin bi nìn cáań bí dūú ŋá ikpiti pɔ̄tam saraauee nìn sá iŋɔjaa saalaa nì ili,

⁸⁸inajaa mmuŋku nì inaa, ipijaa imuŋku ita nì iŋɔjaa imuŋku ita nì apibil ŋin cáá dibindi dibee imuŋku ita bí dūú ŋá mpèé saraau. Tiwampɔkaal tin bi nìn cáań bí dūú pɔ̀ntī nsaraafanee nín nìn nyáń puee dee.

⁸⁹Ŋyunti ŋun ní Mooyiisi kɔ́ dikpafindi tantiun kí sòoǹ nì ti-Dindaanee, u nìn gbìl̄ ti-Dindaan neen pu. Nneenee nìn nyánní keerubimbi bin tɔ́kɔ́ Dipoondi dakaau bìil puee watil pú ki bíi sòoǹ nì u.