Read Ntcham Zacharie 3 Bible Online

Zacharie 3 - Ntcham bible

Zacharie 3

¹Boonee ní ti-Dindaan yāntì m wál̀ Joosuwa usaraaŋakpil, u yú ti-Dindaan tuuŋŋu nimbiin. Sitaan nìn yú Joosuwa ŋaŋgiil pú ki kúŋfí u-boon.

²Ní ti-Dindaan tuuŋŋu bí Sitaan yii: «Ti-Dindaan di làá kpìin̄-si, Sitaan. Tiŋman ti-Dindaan un di lēē Jeerusaleemee di làá kpìin̄-si. Joosuwa kaa sá kii kisanteei kin bi lēeńeeee?»

³Joosuwa nìn yú ntuun nimbiin ki pēē tiwan tin cáá tijɔkɔndee.

⁴Ní ntuun bí bin yú ŋu-nimbiinee yii: «Pèetīmaan-u tiwan tin u pēē tì cáá tijɔkɔndee.» Boonee ní ŋu bí Joosuwa yii: «Kpèè, m cúú a-kpitii ki lēē a-pu, m làá dū jiŋaal bɔkutiŋ ní kí pèen̄-si.»

⁵Ní ŋu bí yii: «Bí dū ŋŋaabu ŋun ŋān̄ dándanee kí fìn̄ u-yil. Ní bi dū ŋŋaabu ŋun ŋān̄ dándanee ki fìn̄ u-yil, ní ki pēeǹ-u abɔkutimɔnti ti-Dindaan tuuŋŋuee nimbiin niin.»

⁶Boonee ntuunee nín sòon̄ nì Joosuwa puee sɔ̀.

⁷Ti-Dindaan Mpɔŋkɔdaan nín sòon̄ puee sèé: «A yaa nóó m-saŋŋu, ki ŋúb́ m-marabee, sii di làá nīn kpòotī m-diiku poon tuuŋŋi, ní kí nīn cí m-cindi. M làá dū-si kí kūtì bin bí m-cee doo m-tundinee pu.»

⁸«Pīlifì Joosuwa, sii un sá usaraaŋakpilee. Ni mun pīlifìmaan, nimbi bin sá u-tɔntɔnjutiibee. Di sá yii ni sá difiil din dòońee daaŋku ní. M làá yàntī m-tɔntɔnliu un bi yíì <Nnaantee[4]> ń dāan̄.

⁹Di sá yii m dū ditaŋkpal diba ki bíl̀ Joosuwa nimbiin, ditaŋkpabaabil gbanti cáá animbil aluli ní. Man m-ba làá ŋmà di-pu tiŋmaŋmabiti. M làá dāá lēē kitiŋ gbanti kpitii ŋwimbaanti ní. Man ni-Dindaan Mpɔŋkɔdaan di lī míǹ.

¹⁰Ŋwiin gbanti yaa láa bāańee, ni dāa yíì tɔb fiinyi nì fiigi subooŋyi taapu ní ki fàal̀ dibatɔl pu.»