Read Ntcham Josué 12 Bible Online

Josué 12 - Ntcham bible

Josué 12

¹Isirayeel yab nìn jáń ki pɔ́ɔkiǹ bibɔtiibi bili ki fōō bi-timmu Jɔɔdan buŋŋu ŋwìiń nyalaŋki pú, kí yòon̄ Arinɔn buŋŋu kí tin cáá sāā Eermɔn jool, ki kpáaǹ ditantakal din bí ŋwìiń nyalaŋki jandi púee kɔkɔ.

²Upeepeekaa di nìn sá Amɔɔr yab bɔtiu Siiwɔn un nìn kóò Eesbɔn tiŋkinee. U-beel nìn kífí kí yòon̄ Arooweer tiŋki kin nákáǹ Arinɔn buŋŋuee, nì ntimu mun kɔkɔ bí ki pìlīǹ mbun gbantee, nì Galaadi tiŋki dijandi diba, kí tin cáá sāā Yaabɔki buŋŋu ŋun sá Amɔn yab tiŋki kpaanyɔkɔee.

³Ŋwìiń nyalaŋki púee, u-tiŋki di sá kí yòon̄ ditantakal kí cáá bà Kiineereeti mɔɔl din bí ŋgan púee. Kí yòon̄ míǹ kí cáá bà Ditantakal mɔɔl din bi gíti yíì yii Ŋyaam mɔɔlee jandi din bí ŋwìiń nyalaŋki púee, Beeti-Yeesimooti tiŋki watil pú, ní kí yòon̄ ŋgiil pú kí tin bà Piisga jooŋŋi nín wúntí puee taapu.

⁴Uliliiti di nìn sá Baasan tiŋki bɔtiu Ɔɔgi un nìn sá Reefa[22] yab bin pée kíǹ kitiŋ puee ubɔee. U nìn kóò Asitarooti nì Eedreeyii timmun ní.

⁵U-beel nìn jīǹ kí yòon̄ Eermɔn jool nì Saleeka tiŋki nì Baasan tiŋki kɔkɔ kí tin cáá sāā Geesuur yab nì Maaka[23] yab kpaanyɔkɔ nì Galaadi tiŋki dijandi diba kí cáá sāā Eesbɔn bɔtiu Siiwɔn tiŋki kpaanyɔkɔ.

⁶Ti-Dindaan tɔntɔnliu Mooyiisi nì Isirayeel yab nìn jáń ki pɔ́ɔkiǹ bibɔtiibi gbanti liitil ní Mooyiisi nìn dū bi-tiŋki kɔkɔ ki tīī Rubeen nì Gaadi naakɔti nì Manasee naakookun yab dijandi diba bí nīn kíǹ ki yì.

⁷Joosuwa nì Isirayeel yab nìn jáń ki pɔ́ɔkiǹ bibɔtiibi bin timmu bí Jɔɔdan buŋŋu ŋwìiń jeetilaŋki jaaŋŋi púee. Bi-timmu gbanti nìn dɔ̄ kí yòon̄ Baal-Gaadi tiŋki kin bíń Leebanɔn tantakalinee, kí dāá sāā Alaaki jool din bí ki cá Seeyiir tiŋki watil púee. Ntimu gbanti ní Joosuwa nìn dūu yākatì ki tīī Isirayeel yab bí nīn kíǹ ki yì, ki nóó nì bi-naakɔti nín sá puee.

⁸Múǹ di sá ntimu mun bí ajoon pu nì Seefeelaa paal puee, nì Arabaa teekunee, nì ajoon tikiŋŋi pu nì kuteeunee nì Neegeeb teekunee. Ntimu gbantin ní Amɔɔr yab nì Kanaan yab nì Peeriisi yab nì Eefi yab nì Jeebusi yab nìn kóò.

⁹Bibɔtiibi bin bi nìn jáń ki pɔ́ɔkiǹee sèé. Jeeriikoo bɔtiu, Aayi tiŋki kin pìlīǹ Beeteelee bɔtiu,

¹⁰Jeerusaleem bɔtiu, Eebrɔn bɔtiu,

¹¹Yaarmuti bɔtiu, Lakiisi bɔtiu,

¹²Eeglɔn bɔtiu, Geeseer bɔtiu,

¹³Deebiir bɔtiu, Geedeer bɔtiu,

¹⁴Ɔrima bɔtiu, Araadi bɔtiu,

¹⁵Liibina bɔtiu, Adulaam bɔtiu,

¹⁶Makeeda bɔtiu, Beeteel bɔtiu,

¹⁷Tapuuwa bɔtiu, Eefeer bɔtiu,

¹⁸Afeeki bɔtiu, Lasarɔn bɔtiu,

¹⁹Maadoon bɔtiu, Asɔɔr bɔtiu,

²⁰Simroon-Meeroon bɔtiu, Akisaafi bɔtiu,

²¹Taanaki bɔtiu, Meegiidoo bɔtiu,

²²Kadeesi bɔtiu, Yɔkineeyam tiŋki kin bí Kaarmeel jool puee bɔtiu,

²³Dɔɔr tiŋki kin bí Dɔɔr tantakalinee bɔtiu, Gooyiim tiŋki kin bí Giilgaalee[24] bɔtiu,

²⁴Tiirsa bɔtiu. Bibɔtiibi gbanti kɔkɔ nìn kpáfì binib mmuŋku nì saalaa nì ubɔ ní.