Read Ntcham Josué 19 Bible Online

Josué 19 - Ntcham bible

Josué 19

¹Bi nín nìn tɔ́ kasi nliliitiimee, an nìn lēē Simeeyɔn naakookun yab tinjandi ní ki tīī-bi ki nóó nì bi nín nìn pēē pēē mmaal puee. Bi-tinjandi gbanti nìn sáká Juuda naakookun yab timmu kansikin ní.

²Simeeyɔn naakookun yab gbanti timmu di nìn sá Beerseeba nì Seeba nì Moolada,

³nì Asaar-Suwaal nì Baala nì Eeseem,

⁴nì Eeltoolaadi nì Beetuul nì Ɔrima,

⁵nì Siikilaagi nì Beeti-Markabooti nì Asaar-Suusa,

⁶nì Beeti-Leebawɔti nì Seeruyeen. Mu nìn nyáń ntimu saalaa nì muta ní, mu nì mu-timbilimmu.

⁷Bi-timmu di nìn gíti sá Ayiin nì Riimɔn nì Eeteer nì Asaar. Mu nìn kpáfì ntimu munaa ní, mu nì mu-timbilimmu.

⁸Kí yòon̄ ntimbilimu mun māntìi tú-muee kɔkɔ, kí tin cáá bà Balaati-Beer àá Ramati-Neegeeb tiŋkee, Simeeyɔn naakookun yab di nìn yì kɔkɔ, ki nóó nì bi nín nìn pēē pēē mmaal puee.

⁹Juuda naakookun yab tinjandi ní bi nìn gíí ki tīī Simeeyɔn naakookun yab. Di sá yii bi nín nìn ŋmāntì ditinjandi din ki tīī Juuda naakookun yabee nìn wīikí tikpil ki jítiǹ-bi, an pu ní bi nìn gíí ki bātì ki dūu tīī Simeeyɔn naakookun yab.

¹⁰Bi nín nìn tɔ́ kasi ntataatiimee, an nìn lēē Sabulɔn naakookun yab tinjandi ní ki tīī-bi ki nóó nì bi nín nìn pēē pēē mmaal puee. Bi-tinjandi kpaanyɔkɔ nìn gbēeǹ Sariidi tiŋki ní.

¹¹Ki yōoǹ niinee ní ki nín jɔ́ḿ ŋwìiń jeetilaŋki pú ki tin sāā Mareeyala tiŋki nì Deebaseeti tiŋki nì mbun ŋun jītí Yɔkineeyam tiŋki nyɔkɔpuee.

¹²Ki yōoǹ Sariidi tiŋki ŋwìiń nyalaŋki púee ní ki dūu pɔ́ĺ ki cūtì Kiisilɔti-Tabɔɔr tiŋki kpaanyɔkɔ, ki dūu dī Dabeerati tiŋki ní ki nín jɔ́ḿ Yafiya tiŋkin.

¹³Niinee ní ki nìkī ki nín cá ŋwìiń nyalaŋki pú, Gaati-Eefeer nì Ita-Kasiin timmu watil pú ki tin nyáń Riimɔn tiŋki pu, ní ki pɔ́ĺ ki nín cá Neeya tiŋki watil pú.

¹⁴Kikpaanyɔkɔ māntì Neeya tiŋki ŋgan pú ní ki tin bàn̄ Yiifita-Eel tantakalin.

¹⁵Ditinjandi gbanti timmu di nìn sá Kataati nì Naalal nì Simroon nì Yideeyala nì Beetileem. Mu nìn nyáń ntimu saalaa nì muli ní, mu nì mu-timbilimmu[32].

¹⁶Sabulɔn naakookun yab timmu nì mu-timbilimmu mun bi nìn tīī-bi bi yākatì ki nóó nì bi nín pēē pēē mmaal puee dee.

¹⁷Bi nín nìn tɔ́ kasi nnanaatiimee, an nìn lēē Isakaar naakookun yab tinjandi ki tīī-bi ki nóó nì bi nín nìn pēē pēē mmaal puee.

¹⁸Ntimu mun nìn bí bi-tinjandi poonee di sá Jisirayeel nì Keesulooti nì Suneem,

¹⁹nì Afarayiim nì Siiyoon nì Anaarati,

²⁰nì Rabiiti nì Kiisiyɔn nì Eebeesi,

²¹nì Reemeeti nì Eeni-Ganiim nì Eeni-Ada nì Beeti-Paseesi.

²²Bi-tinjandi gbanti poon ní Tabɔɔr nì Saasiim nì Beeti-Seemeesi timmu mun nìn gíti bí. Bi-kpaanyɔkɔ nìn sá Jɔɔdan buŋŋu ní. Mu nìn nyáń ntimu saalku nì kiba ní, mu nì mu-timbilimmu.

²³Isakaar naakookun yab timmu nì mu-timbilimmu mun bi nìn tīī-bi bi yākatì ki nóó nì bi nín nìn pēē pēē mmaal puee dee.

²⁴Bi nín nìn tɔ́ kasi ŋŋmooŋmootiimee, an nìn lēē Aseer naakookun yab tinjandi ní ki tīī-bi ki nóó nì bi nín nìn pēē pēē mmaal puee.

²⁵Ntimu mun nìn bí bi-tinjandi poonee di nìn sá Eelkaati nì Alii nì Beeteen nì Akisaafi,

²⁶nì Alameeleeki nì Amaadi nì Miiseeyaal ki tin cáa sāā Kaarmeel jool ŋwìiń jeetilaŋki pú, nì Siikɔɔr-Liibinati tiŋki.

²⁷Ŋwìiń nyalaŋki púee, kikpaanyɔkɔ nìn dūu túĺ Beeti-Daagɔn tiŋki watil pú ní ki tin sāā Sabulɔn naakookun yab tinjandi kpaanyɔkɔ nì Yiifita-Eel tantakal. Niinee ní kì nìkī ŋgan pú ki tin sāā Beeteemeeki nì Neeyeel. Kì yíkì niinee ní ki nín cá Kabuul,

²⁸nì Abidɔn nì Reewoob nì Amoon nì Kana ní ki tin sāā Siidɔn, kitiŋkpaaŋŋi.

²⁹Niinee ní kikpaanyɔkɔ fātìi pɔ́ĺ ki cūtìi jítì Raama tiŋki ki nín cá Tiir, kitiŋ kin bi máń digundi ki māntìi túee, ní ki nìkī ki nín cá Oosa tiŋki watil pú ki tin sāā Meediiteeranee tiŋkuu. Kì nìn dūu dī Maaleeb tiŋki nì Akisiib tiŋki,

³⁰nì Uma nì Afeeki nì Reewoob timmu. Mu nìn nyáń ntimu mmuŋku nì muli ní, mu nì mu-timbilimmu.

³¹Aseer naakookun yab timmu nì mu-timbilimmu mun bi nìn tīī-bi bi yākatì ki nóó nì bi nín pēē pēē mmaal puee dee.

³²Bi nín nìn tɔ́ kasi nluluutiimee, an nìn lēē Neefitalii naakookun yab tinjandi ní ki tīī-bi ki nóó nì bi nín nìn pēē pēē mmaal puee.

³³Bi-kpaanyɔkɔ nìn kíĺ Eeleefi tiŋki ní, ki yōoǹ seeni subu bun yú Saananiim tiŋkinee ki nín cá Adamii-Neekeeb nì Yabineeyeel timmu ki bàn̄ Lakuum tiŋki, ní ki tin sāā Jɔɔdan buŋŋu.

³⁴Ŋwìiń jeetilaŋki púee, kì nìn fātìi dūu dī Asinɔti-Tabɔɔr tiŋki watil pú, ki cāatì ki nín cá Ukooki tiŋki watil pú. Kì nìn gūū Sabulɔn yab kpaanyɔkɔ ŋgan pú, ní ki gūū Aseer yab kpaanyɔkɔ ŋwìiń jeetilaŋki pú, Yeewuuda tiŋkin. Ŋwìiń nyalaŋki púee, Jɔɔdan buŋŋu di nìn sá kikpaanyɔkɔ.

³⁵Ntimu mun bi nìn máń agun ki māntìi túee di sá Siidiim nì Seer nì Amaati nì Rakaati nì Kiineereeti,

³⁶nì Adama nì Raama nì Asɔɔr,

³⁷ní Keedeesi nì Eedreeyii nì Eeni-Asɔɔr,

³⁸nì Yirɔn nì Miigidaal-Eel nì Ooreem nì Beeti-Anaati nì Beeti-Seemeesi. Mu nìn nyáń ntimu kiba kpá mmuŋku ní, mu nì mu-timbilimmu.

³⁹Neefitalii naakookun yab timmu nì mu-timbilimmu mun bi nìn tīī-bi bi yākatì ki nóó nì bi nín nìn pēē pēē mmaal puee dee.

⁴⁰Bi nín nìn tɔ́ kasi nluluútiimee, an nìn lēē Daani naakookun yab tinjandi ní ki tīī-bi ki nóó nì bi nín nìn pēē pēē mmaal puee.

⁴¹Ntimu mun nìn bí bi-tinjandi poonee di nìn sá Sooreeya nì Eesitawool nì Iir-Seemeesi,

⁴²nì Saalabiin nì Ayalɔn nì Yiitila,

⁴³nì Eelɔn nì Tiimina nì Eekrɔn,

⁴⁴nì Eelteekee nì Giibeetɔn nì Balaati,

⁴⁵nì Yeewuudi nì Beenee-Beeraki nì Gaati-Riimɔn,

⁴⁶nì Yaarkɔn buŋŋu nì Raakɔn, ní kí kūtì kitiŋ kin dɔ̄ Yaafoo tiŋki nyɔkɔpuee kɔkɔ.

⁴⁷Ama Daani naakookun yab nìn fá bi-tinjandi ní ki cūtìi jáń nì Leeseem tiŋki yab. Bi nìn jáń ki fōō bi-tiŋki ki kūū bi-kɔkɔ ní ki kāl̀ bi-tiŋki pu. Bi nìn pú kitiŋ gbanti diyindi yii Daani kii bi nín nìn yíì bi-naanja puee.

⁴⁸Daani naakookun yab timmu nì mu-timbilimmu mun bi nìn tīī-bi bi yākatì ki nóó nì bi nín nìn pēē pēē mmaal puee dee.

⁴⁹Isirayeel yab nín nìn yākatì kitiŋ ki nóó nì kunaakoou kamaa nì ku-kpaanyɔkɔ ki dóòyee, bi nìn lēē bi-tinjaŋŋi poon ditinjandi diba ki tīī Nuuni jipɔɔn Joosuwa.

⁵⁰Kii ti-Dindaan nín nìn lī puee, bi nìn tīī-u kitiŋ kin u nìn bālifèe ní. Kitiŋ gbanti di nìn sá Tiiminati-Seera tiŋki kin bí Eefiraayiim jool puee. Joosuwa nìn fātìi máń kitiŋ gbanti ní ki nìn kíǹ ki kóò niin.

⁵¹Usaraaŋakpil Eeleeyasaar nì Nuuni jipɔɔn Joosuwa nì Isirayeel yab naakɔti poon adican kpilib di nìn tɔ́ kasi ki yākatì ntimu gbanti. Siiloo tiŋkin, ti-Dindaan nimbiin, circir kɔŋkooŋŋu nyɔkɔpu ní bi nìn tɔ́ kasi gbanti. Bi nìn ŋá míǹ ní ki yākatì Kanaan tiŋki kɔkɔ ki dāa dóò.