Read Nyamwezi Mateo 11 Bible Online

Mateo 11 - Nyamwezi bible

Mateo 11

¹Na yakwilaga aho Yesu wamalaga kuvalagila vahemba vakwe ikumi na vavili, wafumaga kwenuko na wajaga kukahembeka na kukatanizya mu makaya gavo.

²Alisi aho Yohana waliwayigwa mu jela milimo yamwa Kristo wavatumizaja vahemba vavili kukamuvuzya:

³Veve uli mwenuyu homwene aliza, ninga tumulindile ungi?

⁴Na Yesu witavukaga na wavawilaga, Jagi mukamuwile Yohana genaya muligwa na muligavona:

⁵vahofu valivona, valema valiyumba, va mbizi valipiziwa, vakiva matwi valigwa, vafwile valihembuka, na vapina valitaniziwa Mhola ya Chelu.

⁶Na welukilwa homwene akangayilizizye nene.

⁷Na aho venavo vajaga, Yesu wavukizaja kuyiwila mbuto ya vanhu kunguno yamwa Yohana: Mwajaga kwibalangu kukilolelaki? Idete holyene lilihungeziwa

⁸na muyaga? Ninga mwajaga kukavonaki? Munhu azwalile myenda mikondu? Lolagi, venava vazwalile myenda mikondu valimo mu manumba ga vatemi.

⁹Ninga kuki mwajaga? kukamuvona mufumbuzi?

¹⁰Ahene, ndimuwila inwe, kukila mufumbuzi! Ali mwenuyu kunguno yakwe yatonilwe, Lolaga, nene ndimutumizya mutumwa hambele na vusyu wako, Homwene akuyivezelezya nzila yako hambele naʼho.

¹¹Yalole ndimuwila inwe, mugati na venavo vavyalilwe na vakima akavukile umo muhanya kukila Yohana Moja; alisi mudomudo mu vutemi wa mwilunde ali muhanya kukila uyu.

¹²Alisi kufuma nsiku zyamwa Yohana Moja kusika lelo vutemi wa mwilunde vulikowa

¹³na nguzu, na va nguzu valivusampuzya. Kwisi vafumbuzi vose na ngʼhama zyafumbulaga kusika hʼitungo lyamwa Yohana.

¹⁴Na ulu mulikova kuyisanizya, mwenuyu ali Elia homwene alakiza.

¹⁵Homwene ali na

¹⁶matwi ga kwigwa, adegeleke. Alisi nawikolanizye naki vuvyalwa wenuvu? Vulivikola vayanda hovene valikala hʼigulilo na valivahamukila vichavo, vuhaya,

¹⁷Twamufulilaga inwe filimbi na mukanegulile; twalilaga makungwi na inwe mukalilile kililo.

¹⁸Kwisi Yohana wizaga, akalyaga na akanwaga, na vanhu vayombaga, Ali na mugavo.

¹⁹Mwana wa Munhu wizaga, akulyaga na akunwaga, na valiyomba, Munhu wa kalya na kanwa, munwani wa vʼihongo na vakenaguzi! Alisi ngelo yagololagwa na milimo yayo.

²⁰Haho wavukizaja kugasemelela makaya genayo mugati nago milimo yakwe mingi ya nguzu yitagwa, kunguno gakapilukile moyo.

²¹Musyolo kuwako Korazini, musyolo kuwako Betsaida, kwisi ulu migaka hoyene yitagwa mugati ninwe mbe yitagwa mu Tiro na Sidoni mbe vapilukile moyo kale na kuzwala magunila na kwikala mu mavu.

²²Alisi ndimuwila: Ago galakwilile Tiro na Sidoni ha kitanga galave mabuhu kukila ginwe.

²³Na veve Kapernaumu, ukalihilizivilwe kusika mwilunde? Ukukandamiziwa kusika hamizimu; kwisi ulu migaka yavezivagwa mu Sodoma hoyene yavezivagwa muwako,

²⁴mbe yavagiho kusika lelo. Alisi ndimuwila inwe: Ago galayikwilile Sodoma ha kitanga galave mabuhu kukila gako.

²⁵Hʼitungo lyenilo Yesu witavukaga, uhaya, Ndikulumbila Vava, Guku wʼilunde na wa liwelelo, kwisi wagavisaga genayo hambele na va ngelo na va masala, na wagafumbulaga hambele na vana vado.

²⁶Ahene Vava, kwisi hosyene yakutogezaja veve.

²⁷Gose gatavulilwe hawane na Vava, na kuduhu ungi alimumanicha Mwana sumbwa Vava; ninga kuduhu ungi alimumanicha Vava sumbwa Mwana na mwenuyo homwene Mwana akumufumbulila.

²⁸Mwize hawane inwe vose muliduka na mwidwikile miligo, na nene nkumupa inwe kisuho.

²⁹Muvagalage mudala gwane na muhembekwe na nene, kwisi nene ndi mudekanu na mukondu wa moyo, na mukuvona kisuho ku myuye yinwe.

³⁰Kwisi mudala gwane guli mukondu na muligo gwane mubuhu.