Read Nyamwezi Mateo 12 Bible Online

Mateo 12 - Nyamwezi bible

Mateo 12

¹Hʼitungo lyenilo Yesu wavitaga mu migunda ha lusiku lwa sabato, alisi vahemba vakwe vavagi na nzala na vavukizaja kugakolola mangala na kulya.

²Alisi aho Vafarisayo vavonaga, vamuwila, Lolaga, vahemba vako valita yeniyi mwiko kwita ha lusiku lwa sabato.

³Alisi wavawilaga, Mukasomile yeniyo Davidi

⁴waliwita aho wavagi na nzala na viye? isyo waliwingila mu numba ya Mulungu na wayilyaga mikate ya kolecha, hoyene mwiko kuwakwe kulya na ku viye, sumbwa ku vahozya duhu.

⁵Ninga mukasomile mu ngʼhama ati, ha lusiku lwa sabato vahozya mwisengelo valigilula mwiko gwa lusiku lwa sabato na vali vuduhu musango?

⁶Alisi ndimuwila inwe ati, henaha kiliho kihanya kukila isengelo.

⁷Alisi ulu mbe mwagumanikaja muhayo gwenugu, Ndikova kigongo, ngʼo kitambo,

⁸mbe mukavalomelile kavi avo vakavile na musango. Kwisi Mwana wa munhu ali Guku wa sabato.

⁹Na aho wafumaga kwenuko wafikagamo mu sinagogo yavo.

¹⁰Na wavagimo munhu wagwa kukono, na vamuvuzaja, vuhaya, Guli mwiko kupizya ha lusiku lwa sabato? kigele vave na muhayo gwa kumuvulila.

¹¹Alisi wavawilaga, Nani mugati ninwe, ulu ali nayo ngʼholo yimo duhu, nayo yagwila mwikandilo ha lusiku

¹²lwa sabato, akuleka kuyidima na kuyifumya? Kinahe, munhu akavile na mupango muhanya muno kukila ngʼholo? Kunguno yeniyi gukavile mwiko kuvezya tusoga ha lusiku lwa sabato.

¹³Haho wamuwilaga munhu, Ugolole kukono kwako; nawe wakugololaga na kwapilaga hangi kitisi kwiye.

¹⁴Alisi Vafarisayo vafumaga na valomaga ndaka ya kumuzimangucha.

¹⁵Alisi aho Yesu wayimanikaja yeniyi wafumagaho, na vingi vamulondaga na wavapizaja vose.

¹⁶Na wavadakilaga valeke kumukumucha,

¹⁷kigele yifikile kitisi yayombilwe na mufumbuzi Yesaya, homwene alihaya,

¹⁸Lolagi mutumami wane homwene namusogolaga, Mutoneke wane, moyo gwane gulitogeziwa nawe, Nkumufulila myuye yane higulya nawe, Na akuvatanizya vapagani vugololoku.

¹⁹Uyu kwiyanilizya ngʼo ninga kububuzya ngʼo ninga munhu kwigwa ngʼo muzwi gwakwe mu nzila.

²⁰Idete lyademivilwe uyu kulivinza ngʼo, Ninga kavutambi kalizinzila uyu kukazimya ngʼo kusika alileta vugololoku ha vukinde.

²¹Na vapagani vakulisigizya lina lyakwe.

²²Haho waletagwa hawakwe munhu wa migavo homwene wavagi muhofu na kameme; na wamupizaja, na kameme wayombaga na wavonaga.

²³Na vanhu vose vakumaja na vayombaga, Kinahe, mwenuyu akavile

²⁴Mwana wamwa Davidi? Alisi aho Vafarisayo vayigagwa yeniyi, vayombaga, Mwenuyu akavile kuyifumya migavo sumbwa mu nguzu zyamwa Beelzebul, muhanya wa migavo.

²⁵Alisi Yesu wagamanikaja miganiko gavo na wavawilaga, Kila vutemi vuligogana muwavo wenekili vukuvi matongo; na kila kaya ninga numba yiligogana muwayo yenekili yikuleka kwima.

²⁶Na ulu Shetani alimupezya Shetani, haho wagoganaga mwenekili, haho vutemi wakwe vukujama na lumehoki?

²⁷Na ulu nene ndiyifumya migavo mu nguzu yamwa Beelzebul, vana vinwe valiyifumya mu nguzu yamwa nani? kunguno yeniyi venavo vakuvi vayanguzi vinwe.

²⁸Alisi ulu ndiyifumya migavo na Roho ya Mulungu, haho vutemi wa Mulungu wafikaga mugati ninwe.

²⁹Ninga lumehoki munhu alikovola kwingila mu numba ya munhu wa nguzu na kusonza fiseme fyakwe? sumbwa amutunge hambele wa nguzu, na haho akuyisonza numba yakwe.

³⁰Homwene akavile hamohene na nene ali mukandi wane; na homwene akavile kukuminga hamohene na nene alisambazya.

³¹Kunguno yeniyi ndimuwila inwe, vanhu vakutondolwa mavukenaguzi gose na mafusano gose, alisi kuyifusa Roho

³²vanhu kutondolwa ngʼo. Na homwene aliyomba muhayo kwigulya na Roho Nsondo, mwenuyu kutondolwa ngʼo mu liwelelo lyenili ninga ngʼo mu lyenilo lilakiza.

³³Mukane! muti musoga na fisumo fyago fisoga; ninga mukane! muti muvi na fisumo fyago fivi; kwisi muti gulimanikiwa ku fisumo.

³⁴Inwe vuvyalwa wa nzoka, lumehoki mulikovola kuyomba mihayo misoga kungi muli vavi? Kwisi mulomo guliyomba ku genaya galigokazya moyo.

³⁵Munhu musoga alifumya tusoga ku mbika yakwe nsoga ya moyo; na munhu muvi alifumya tuvi ku mbika yakwe mbi ya moyo.

³⁶Alisi ndimuwila inwe ati vanhu vakuvuziwa ha lusiku lwa kitanga kunguno ya mihayo yose mivi iyo hoyene vayombaga.

³⁷Kwisi ku mihayo yako ukugololwa, na ku mihayo yako ukutemelwa kitanga.

³⁸Haho vamwitavukaga vamanicha fitabu vamo na Vafasarisayo, vuhaya, Muhembeki, tulikova kuvona mugaka kuwako.

³⁹Alisi witavukaga na alivawila, Vuvyalwa vuvi na wa vusihya vulikova mugaka, alisi vukavile kupiwa sumbwa mugaka gwa mufumbuzi Yona.

⁴⁰Kwisi kitisi Yona wavage mu nda ya nyamugumi nsiku idatu na mavuziku adatu, sisyo na Mwana wa Munhu akuvi mugati na nsi nsiku idatu na mavuziku adatu.

⁴¹Vagosya va Ninive vakuvuka ha vuyanguzi hamohene na vuvyalwa wenuvu na vakuvuyangula, kwisi venavo vapilukile moyo ku mhola yamwa Yona; na lolagi, henaha aliho muhanya kukila Yona.

⁴²Mutemi mukima wa Dakama akuvuka ha vuyanguzi hamohene na vuvyalwa wenuvu na akuvuyangula, kwisi wizaga kufuma ku mhelo zya liwelelo, kigele igwe ngelo yamwa Salomo; na lolagi, henaha aliho muhanya kukila Salomo.

⁴³Alisi ulu mugavo gwa zoma gwamufumile munhu, gulivita mu fikalama, gulikova hakwisuhizya, na gukahawine.

⁴⁴Haho guliyomba, Nkusyoka mu numba yane mwenumo namufumaga; na aho guliza guliyivona

⁴⁵numba duhu, yapyagulilwe na yavezelezivilwe. Haho gulija na gulileta migavo yingi mpungati hoyene yili mivi kukila gwenekili, yilingila na yilikalamo, na mheleleko ya munhu mwenuyo yikuvi mbi kukila hambele; na sisyo yikuvukwilila vuvyalwa wenuvu vuvi.

⁴⁶Aho wavagi atali aliyomba na mbuto ya vanhu, nina na vaduguye vimaga hibala valikova kuyomba nawe.

⁴⁷Alisi umo wamuwilaga, Lolaga, noko na vaduguyo

⁴⁸valima hanze valikova kuyomba naʼho. Alisi witavukaga na alimuwila mwenuyo wamupozezaja, Nani ali

⁴⁹mayu, na va nani vali vadugu vane? Na haho wavagololelaga vahemba vakwe kukono kwakwe, uhaya,

⁵⁰Lolagi, mayu na vadugu vane! Kwisi homwene alikimazya kikowa chamwa Vava wane homwene ali mwilunde, mwenuyu ali mudugu wane na ilumbu lyane na mayu.