Read Nyamwezi Mateo 24 Bible Online

Mateo 24 - Nyamwezi bible

Mateo 24

¹Na Yesu wafumaga kwisengelo na wajaga; na vahemba vakwe vamwegelaga kumolecha vuzenguzi

²wʼisengelo. Nawe witavukaga na wavawilaga, Mukagawine gose genaya? Yalole ndimuwila inwe, ninga iwe limo kulekwa ngʼo kwigulya na lingi holyene kuhomolwa ngʼo.

³Na aho wikalaga ku Lugulu lwa Maguta vahemba vakwe vamwegelaga kumhelo, vuhaya, Utuwile nanali genaya gakuviho, na lumeho lwa kwiza kwako na

⁴kusila kwa liwelelo lukuvi kinahe? Yesu witavukaga na wavawilaga, Mwikomye kuduhu umo amupuvye inwe.

⁵Kwisi vingi vakwiza mu lina lyane vuyomba,

⁶Nene ndi Kristo, na vakuvapuvya vingi. Hangi mukwigwa mavulugu na mhola zya mavulugu, mwikomye, muleke kukangwa! Kolaga genaya gakwile, alisi mhelo yitali.

⁷Kwisi va chalo kimo vakuvagomela va chalo kingi, na vutemi vumo ku vutemi vungi, na gakuviho mayala na manyamuditimya uko na uko.

⁸Gose genaya gali mbuki ya mavusatu. Haho vakumufumya inwe kigele mudukiwe na vakumuvulaga, na mukugaywa na va machalo gose kunguno ya lina lyane.

⁹

¹⁰Na haho vingi vakugayilizya na vakugambana na kwigaya hamohene.

¹¹Na vafumbuzi vingi va vulamba vakuvuka na vakuvapuvya vingi.

¹²Na kunguno ya vukwile wa wigomu kutogwa kukudoha mugati na vingi.

¹³Alisi homwene alijama kusika ha mhelo akupiziwa.

¹⁴Na Mhola ya Chelu ya vutemi yikutaniziwa mu liwelelo lyose kuvi vusangilwa ku va mafyalo gose; na haho isilo likwiza.

¹⁵Na ulu mulilivona Ivipyo Ivi lilimilaho hasondo kunguno yalyo mufumbuzi Danieli wayombaga, (mwenuyu alisoma ikomye),

¹⁶haho venavo vali mu Uyahudi

¹⁷vapelele ku malugulu, na homwene ali ku numba aleke

¹⁸kwika kukisola kinhu mu numba yakwe; na homwene ali ku mugunda aleke kusyoka kusola mwenda gwakwe.

¹⁹Alisi musyolo muhanya ku venavo vali na mwitungo

²⁰na valongʼhya mu nsiku zyenizyo! Alisi mulombe ati vupezi winwe vuleke kukwila mwitungo lya mbeho ninga ha sabato.

²¹Kwisi haho yikuviho misyolo mihanya hoyene yavagi yikavileho kufuma mbuki ya liwelelo kusika lelo, na kuviho ngʼo hangi sisyo. Na

²²ulu mbe nsiku zyenizyo kudoheleziwa ngʼo, mbe kuduhu umo wa kupiziwa. Alisi kunguno ya venavo vasogolilwe nsiku zyenizyo zikudoheleziwa.

²³Haho ulu umo alimuwila inwe, Lolagi, henaha aliho Kristo,

²⁴ninga, Kwenuko, mukasanizye ngʼo. Kwisi Makristo ga vulamba na vafumbuzi va vulamba vakuvuka na vakuvezya malumeho na migaka mihanya, kigele, ulu yakovolwa, vavapuvye ninga venavo vasogolilwe.

²⁵Lolagi, namufumbulilaga yeniyi hambele. Kunguno

²⁶yeniyi ulu vakumuwila inwe, Lolagi, aliko kwibalangu, muleke kufuma kujako; ninga, Alimo mu numba, muleke kusanizya.

²⁷Kwisi kitisi lukuva lulifuma ku kiya na lulikema kusika ku mweli, sisyo kukuviho kwiza kwa Mwana wa Munhu.

²⁸Uko mulambo guliko, kwenuko kwene mavesi gakwisumbyako.

²⁹Alisi itungo lili hanuma na misyolo ya nsiku zyenizyo limi likwilavula na mwezi kufumya ngʼo mwanga gwago na masonda gakugwa kufuma kwilunde na nguzu zya ilunde zikutinginiwa.

³⁰Na haho lukwigela hʼilunde lumeho lwa Mwana wa Munhu, na va magongo gose ga liwelelo vakwanaguka, na vakumuvona Mwana wa Munhu kwiza kwigulya na malunde gʼilunde na nguzu na lukumo luhanya.

³¹Na akuvatumizya vamalaika vakwe na matulumbete mahanya, na vakuvavilinga vasogolwa vakwe ku mafilunga anne, kufuma lwande lumo lwʼilunde kusika lwande lungi.

³²Ha mukuyu muhembekwe mukolani, Ulu itambi lyago lyakondaga na lilifulumya madutu, mulimanicha ati itungo lya nembo lili bihi.

³³Sisyo ninwe ulu mulivona genaya gose galikwila, mumaniche ati ali bihi ha muzigo.

³⁴Yalole ndimuwila inwe, vuvyalwa wenuvu kusila ngʼo kusika gose genaya gamalaga kukwila.

³⁵Ilunde na liwelelo gakuzimanguka, alisi mihayo yane

³⁶kuzimanguka ngʼo. Alisi kunguno ya lusiku lwenulo ninga itungo kuduhu umo alimanicha, ninga ngʼo vamalaika, ninga ngʼo Mwana, sumbwa Vava inene.

³⁷Kwisi kitisi nsiku zyamwa Noa sisyo kukuviho kwiza kwa Mwana wa Munhu.

³⁸Kitisi mu nsiku zyenizyo hambele na likamilamasenga, valyage, vanwage, vatolage, vatolagwe kusika lusiku lwenulo Noa wingilaga

³⁹mu lyato, na vavage vakamanikizye kusika likamilamasenga lizaga na lyavasolaga vose, sisyo kukuviho kwiza kwa Mwana wa Munhu.

⁴⁰Haho vavili vakuviko ku mugunda, umo akwanukulwa na mwiye akulekwa;

⁴¹vakima vavili vakuvi valisya hʼisyelo, umo akwanukulwa na mwiye akulekwa.

⁴²Sisyo muve minso kunguno mukamanikizye lusiku lwenulo Guku winwe akwiza.

⁴³Alisi yeniyi mumaniche, mbe mwene numba wamanikaja itungo ki lya vuziku mwivi akwiza mbe wakeyulaga na kuzumya ngʼo numba yakwe yidulwe.

⁴⁴Kunguno yeniyi inwe vene muve tayari, kwisi Mwana wa Munhu akwiza hʼitungo lyenilo inwe mukiganikile.

⁴⁵Nani ali mukumba mujamu na muvalaganu homwene gukuye wamutulaga kwigulya na va numba yakwe

⁴⁶kuvapa chakulya hʼitungo lyacho. Welukilwa mukumba mwenuyu homwene gukuye ulu aliza akumusanga aliwita syenisyo.

⁴⁷Loleyene ndimuwila inwe ati, akumutula uyu kwigulya na nsavo zyakwe zyose.

⁴⁸Alisi ulu mukumba muvi aliyomba mu moyo gwakwe, Guku wane alikendela, na alivukizya kuvatula vakumba

⁴⁹viye, na kulya na kunwa na vakozya, Guku wa mukumba mwenuyu akwiza lusiku ulo akalulindilile na

⁵⁰

⁵¹itungo akalimanikizye, na akumutulagula muno, na akumupa ifungu lyakwe hamohene na vagulumi; kwenuko kukuviko kulila na kusya mino.