Read Nyamwezi Mateo 25 Bible Online

Mateo 25 - Nyamwezi bible

Mateo 25

¹Haho vutemi wʼilunde vulivikola vahala ikumi hovene vasolaga tala zyavo na vafumaga kumusanganila mutozi.

²Alisi mugati navo vatano vavagi vahumbu na vatano vavalaganu.

³Kwisi vahumbu vasolaga tala

⁴zyavo duhu, alisi vakajanile maguta. Alisi vavalaganu vajanaga maguta mu nsupa hamohene na tala zyavo.

⁵Na aho mutozi wakendelaga vose vapunilaga na valalaga tulo.

⁶Alisi vuziku hagati ibubu lyavukaga.

⁷Lolagi, mutozi aliza, mufume kumusanganila. Haho vahala vose vamisaja na vazivezelezaja tala zyavo.

⁸Na vahumbu vavawilaga vavalaganu, Mutupe

⁹iswe ku maguta ginwe, kwisi tala ziswe zilizima. Alisi vavalaganu vitavukaga, vuhaya, Byololo, hamo kukwila ngʼo kuwiswe na kuwinwe, sumbwa muje ku vaguzya mukigulile inwe venekili.

¹⁰Alisi aho vavagi valija kukagula, mutozi wizaga, na venavo vavagi tayari vingilaga hamohene nawe mu winga, na muzigo gwalugalagwa.

¹¹Hanuma vahala vangi vizaga, vuhaya,

¹²Guku, Guku utulugulile iswe! Nawe witavukaga, uhaya, Loleyene ndimuwila inwe, nene nkamumanikizye inwe.

¹³Sisyo muve minso, kwisi mukamanikizye lusiku ninga ngʼo itungo.

¹⁴Na yili kitisi munhu wakovaga kuyumbilako ku chalo kigeni, na wavitanaga vakumba vakwe na wavapaga nsavo zyakwe;

¹⁵wa mbele wamupaga matalanta atano, ungi avili, na ungi limo, kila umo hanuma na nguzu zyakwe, na wajaga ku chalo kigeni.

¹⁶Haho mwenuyo homwene wapivagwa atano wasuluzaja nago

¹⁷na wagadaga gangi atano; na sisyo uyo wa matalanta avili wagadaga gangi avili.

¹⁸Alisi uyo homwene wapivagwa limo wajaga na wasimbaga hasi na wagavisaga mapesa gamwa gukuye.

¹⁹Alisi hanuma na nsiku ningi guku wa vakumba venava wizaga kusolozya navo.

²⁰Na uyo homwene wapivagwa matalanta atano wegelaga na wagaletaga matalanta gangi atano, uhaya, Guku, veve wampaga matalanta atano, lolaga, nagagadaga matalanta gangi atano.

²¹Gukuye wamuwilaga, Sisoga, veve mukumba musoga na mujamu, veve wavagi mujamu mugati na finhu fido, nene nkukutula kwigulya na finhu fingi, ingilaga mugati na kudeha kwa gukuyo.

²²Na uyo wa matalanta avili wegelaga, uhaya, Guku, veve wampaga matalanta avili, lolaga, nagagadaga matalanta gangi avili. Gukuye wamuwilaga,

²³Sisoga, mukumba musoga na mujamu, veve wavagi mujamu mugati na finhu fido, nene nkukutula kwigulya na finhu fingi, ingilaga mugati na kudeha kwa gukuyo.

²⁴Alisi uyo homwene wapivagwa italanta limo nawe mwene wegelaga, uhaya, Guku, nakumanikaja ati uli munhu mudaki na ukwimbulaga uko ukavivile, na ukukumingaga uko ukamwagilile mbiyu,

²⁵na cha kogoha najaga nakalivisaga hasi italanta lyako, lolaga, henaha uli na nsavo zyako.

²⁶Gukuye witavukaga na wamuwilaga, Veve mukumba muvi na muzovu, veve wamanikaja ati nakwimbulaga uko nkavivile, na nakukumingaga uko nkamwagilile

²⁷mbiyu? Kunguno yeniyi yakudimaga veve kugafila mapesa gane ku vabadila mapesa, kigele, ulu nasyoka, nazisole zyane na vusulu.

²⁸Sisyo mumupuzye italanta na mumupe mwenuyo ali na matalanta ikumi.

²⁹Kwisi kila umo ali nacho akupiwa na akongeziwa kingi; alisi kila umo akavile nacho akupuziwa hochene ali nacho.

³⁰Na mukumba uyu akavelile kinhu mumutagile mu giti ya hanze, kwenuko kukuviko kulila na kusya mino.

³¹Na ulu Mwana wa Munhu akwiza mu lukumo lwakwe na vamalaika vose hamohene nawe, haho akwikala

³²hʼisumbi lya lukumo lwakwe. Na vakuvilingwa hambele nawe va mafyalo gose, na akuvakoma kitisi mudimi alizikoma ngʼholo na mbuli,

³³na akuzitula ngʼholo ha mulila gwakwe na mbuli ha lumoso.

³⁴Haho mutemi akuvawila venavo va hamulila gwakwe, Nzugi inwe mwadosivilwe na Vava wane na muvusalike vutemi howene wavezelezivilwe kuwinwe kufuma kutundwa kwa liwelelo.

³⁵Kwisi navagi na nzala, ninwe mwampaga chakulya; navagi na nota, ninwe mwaninwisaja; navagi mugeni, ninwe mwananukulaga; nazukaga,

³⁶ninwe mwanzwikaga; navagi mulwile, ninwe mwandavilaga;

³⁷navagi mu jela, ninwe mwizaga kuwane. Haho vagololoku vakumwitavuka, vuhaya, Guku, itungo ki twakuvonaga uli na nzala na twakulisaja; ninga uli na

³⁸nota na twakunwisaja? Na itungo ki twakuvonaga uli mugeni na twakwanukulaga; ninga wazukile na

³⁹twakuzwikaga? Na itungo ki twakuvonaga uli mulwile ninga uli mu jela na twizaga kuwako.

⁴⁰Na Mutemi akuvitavuka, uvawila, Loleyene ndimuwila inwe, genaya mwamwitilaga umo wa vadugu vane venava vado mwanitilaga nene.

⁴¹Haho akuvawila venavo va halumoso, Ingagiho hawane inwe mwafwizililwe, mwingile mu moto gwa hanahana hogwene gwavezelezivilwe kumwa Shetani na vamalaika vakwe.

⁴²Kwisi navagi na nzala, ninwe mukampile chakulya; navagi

⁴³na nota, ninwe mukaninwisizye; navagi mugeni, ninwe mukananukulile; nazukaga, ninwe mukanzwikile; navagi mulwile na mu jela,

⁴⁴ninwe mukandavilile. Haho venavo vene vakwitavuka, vuhaya, Guku itungo ki twakuvonaga uli na nzala, ninga uli na nota, ninga uli mugeni, ninga uzukile, ninga uli mulwile, ninga uli mu jela, na iswe tukakutumamilile veve?

⁴⁵Haho akuvitavuka, uhaya, Loleyene ndimuwila inwe, genaya mukamwitilile umo wa venava vado mukanitilile nene mwene.

⁴⁶Na venava vakuja ku luduko lwa hanahana, alisi vagololoku ku vuzuvuku wa hanahana.