Read Nyamwezi Mateo 7 Bible Online

Mateo 7 - Nyamwezi bible

Mateo 7

¹Mukayangule ngʼo, kwigela ngʼo muyangulwe. Kwisi kitisi mulivayangula vangi,

²sisyo mukuyangulwa, na kipimo cheniki inwe mulivapimila vangi mukupimwa nacho.

³Kuki ulikikomya kapalala hokene kali mu linso lya muduguyo, alisi mugamba hogwene gulimo mu

⁴linso lyako ukaguwine? Ninga lumehoki ukumuwila muduguyo, Leka nakinje kapalala mu linso lyako,

⁵kasinaga mugamba gulimo mu linso lyako? Veve mugulumi, hambele ugwinje mugamba mu linso lyako, haho ukuvona sisoga kukinja kapalala mu linso lya muduguyo.

⁶Mukazipe ngʼo mbwa cheniki kili kisondo, ninga mukazitagilile ngʼo nguluve lulu zinwe, kwigela ngʼo zizipandagizye hansilili na magulu gazyo na zipiluke kumutandagula inwe.

⁷Mulombage na mukupiwa; mukovage na mukuvona;

⁸muluguzaje na mukulugulilwa, Kwisi homwene alilomba alipiwa; na mwenuyo alikova alivona; na mwenuyo aliluguzya akulugulilwa.

⁹Ninga munhu ki mugati ninwe, ulu mwana wakwe alimulomba mukate, nawe

¹⁰akumupa iwe? Ninga alimulomba nsomba, akumupa

¹¹nzoka? Ulu haho inwe hovene muli vavi, mulimanicha kuvapa vana vinwe fipanwa fisoga, Vava winwe homwene ali mwilunde akukila mu kuvapa tusoga avo

¹²hovene valimulomba? Haho gose genaya inwe mulikova vanhu vamwitile inwe, inwe vene muvitile vangi, kwisi yeniyi yili ngʼhama na vafumbuzi.

¹³Mwingililage ha muvita mufindu; kwisi muvita mugalihu na nzila ngaligali yilifika ha vuzimile na vingi valingililaho.

¹⁴Na muvita guli mufindu na nzila yili mhine yilija ku vuzuvuku, na vado duhu valiyivona.

¹⁵Mwilindilage hambele na vafumbuzi va vulamba, hovene valiza mu myenda ya ngʼholo, kasinaga mugati vali mapuge madaki.

¹⁶Ha fisumo fyavo mukuvamanicha. Nani aliyava zabibu ku mingʼhwa ninga nkuyu

¹⁷ha mantalantu? Sisyo muti musoga gulifyambya fisumo fisoga, alisi muti muvi gulifyambya fisumo fivi.

¹⁸Muti musoga gukakovolile kufyambya fisumo fivi,

¹⁹ninga muti muvi kufyambya ngʼo fisumo fisoga. Kila muti hogwene gukafyambizye fisumo fisoga gubutwa na gutagilwa mu moto.

²⁰Syenisyo mukuvamanicha ha fisumo fyavo.

²¹Ngʼo vose hovene valimbwila: Guku, Guku, vakwingila mu vutemi wʼilunde, sumbwa mwenuyo alita kikowa cha Vava wane wa mwilunde. Vingi

²²vakumbwila ha lusiku lwenulo, Guku, Guku, tukafumbulile mu lina lyako, na tukayifumizye migavo mu lina lyako, na tukavezizye milimo mingi ya nguzu mu

²³lina lyako? Na haho nkuvawila ha pe, Nkamumanikizye inwe ninga hado ngʼo. Ingagiho hawane inwe hovene mulita tuvi.

²⁴Haho homwene aliyigwa mihayo yane yeniyi na aliyilonda, akumwikola munhu muveleganu, homwene

²⁵wayizengaga numba yakwe hʼitale. Na mbula nhanya yatulaga na myongo yizaga na mamuyaga gapepelaga na gayitulaga numba yeniyo, alisi yikagwile, kwisi yazengilwe hʼitale.

²⁶Na homwene aliyigwa mihayo yane yeniyi na akavile kuyilonda, akwikola munhu muhumbu, homwene wayizengaga numba yakwe hʼisenga.

²⁷Na mbula nhanya yatulaga na myongo yizaga na mamuyaga gapepelaga na gayitulaga numba yeniyi, na yagwaga, na kugwa kwayo kwavagi kuhanya.

²⁸Na yakwilaga aho Yesu wamalaga mihayo yeniyi, mavuto ga vanhu gakumaja kunguno ya vuhembeki wakwe.

²⁹Kwisi wahembekaga kitisi umo ali na vukovozi, ngʼo kitisi vamanicha fitabu vavo.