Read Nyamwezi Lukasi 13 Bible Online

Lukasi 13 - Nyamwezi bible

Lukasi 13

¹Alisi mwitungo lyenilo vizaga vamo hawakwe, hovene vamupozezaja kunguno ya Vagalilaya avo Pilato wagasangilizaja magazi gavo hamohene na fitambo fyavo.

²Na uyu witavukaga na wavawila, Muliganika ati Vagalilaya avo vavagi vakenaguzi vahanya kukila Vagalilaya vangi vose, kunguno vadukaga genaya?

³Ndimuwila inwe, yikavile sisyo, alisi ulu inwe kupiluka

⁴ngʼo moyo, inwe mukuzimila kitisi avo. Ninga avo ikumi na mnane hovene chamba mu Siloa chavagwilaga na chavavulaga, muliganika ati vavagi vatondwa vahanya kukila vanhu vose vangi valikala mu Yerusalema?

⁵Ndimuwila inwe, yikavile sisyo, alisi ulu inwe kupiluka ngʼo moyo, inwe vose mukuzimila kitisi avo.

⁶Na wavawilaga mukolani, Munhu wavagi na mukuyu guhambilwe mu bustani, na wizaga kufikova fisumo

⁷kugo, na akafiwine. Na wamuwilaga mulindilizi wa bustani, Lolaga, myaka idatu nizaga kufikova fisumo

⁸ku mukuyu gwenugu na nkafiwine, ugubute, kuki gulihangilizya nsi? Alisi uyo witavukaga, Guku, uguleke mwaka gwenugu kusika nalimaga hansilili

⁹nago na natule matembe, hamo gukufyambya fisumo haho, alisi ulu ngʼo, haho ugubute.

¹⁰Alisi wavagi alihembeka mu sinagogo ha lusiku lwa sabato.

¹¹Na lolaga, wavagiho mukima homwene wavagi na mugavo gwa vusakazu myaka ikumi na mnane, wihinile na wavagi akakovolile kwigolola mwenekili.

¹²Alisi aho Yesu wamuvonaga, wamwitanaga, umuwila,

¹³Mukima, watungulilwe ku vusakazu wako. Na watulaga makono kwigulya nawe, na itungo lili wagololokaga na wamugongolaga Mulungu.

¹⁴Na munamhala wa sinagogo wakilwa kunguno Yesu wapizaja ha sabato, na wavawilaga mbuto ya vanhu, Ziliho nsiku mkaga zya kutumama milimo, nsiku zyenizi mwize kupiziwa,

¹⁵alisi ngʼo ha sabato. Alisi Guku wamwitavukaga, uhaya, Inwe vagulumi; kinahe, kila umo mugati ninwe akavile kuzitungula ngʼombe zyakwe ninga mpunda ku luvigili na kuzifila ku minzi kuzinwesya ha sabato?

¹⁶Alisi uyu homwene ali mwana mukima wamwa Abrahamu, homwene Shetani wamutungaga myaka ikumi na mnane, aleke kutungulwa munyololo gwakwe ha

¹⁷lusiku lwa sabato? Aho wayombaga genaya vakandi vakwe vose vadimagwa na nsoni, alisi vanhu vose vagadehelaga genaya ga lukumo hogene gakwilaga mugati nawe.

¹⁸Haho wayombaga, Kinani kiliwikola vutemi wa

¹⁹Mulungu? na tuvukolanizye naki? Vuliyikola mbiyuya haradali hoyene munhu wasolaga na watagaga mu bustani yakwe, na yakulaga, gwavagi muti, na manoni ga mwilunde gasuhaga mu matambi gago.

²⁰Na hangi wayombaga, Navukolanizye vutemi wa Mulungu naki?

²¹Vulilikola itumbyo holyene mukima walisolaga na walisangilizaja na ngelo idatu zya vufuma kusika watumbaga vose vuliko.

²²Na wayumbayumbaga mu makaya mahanya na mado alihembeka, na watungaga lugendo lwa kuja ku Yerusalema.

²³Na umo wamuwilaga, Kinahe, avo vakupiziwa vakuvi vado?

²⁴Alisi uyu wavawilaga, Mugangadike kwingila ha muzigo mufindu, kwisi ndimuwila inwe ati, vingi vakukova kwingila na kukovola

²⁵ngʼo. Kwisi kufuma itungo lyenilo mwene numba wamalaga kuvuka na kulugala muzigo, na inwe mukuvukizya kwima hanze na kuluguzya na kuyomba, Guku, utulugulile, nawe akwitavuka na akumuwila, Nkamumanikizye uko mwafumile.

²⁶Haho inwe mukuvukizya kuyomba, Iswe twalyage na twanwage hambele

²⁷naʼho na mu nzila watuhembekage iswe. Na uyu akuyomba, Nkamumanikizye uko mwafumile; ingagi hawane inwe vose vavezya wigomu.

²⁸Kwenuko kulila na kusya mino kukuviko, ulu mukuvavona Abrahamu na Isaka na Yakobo na vafumbuzi mu vutemi wa

²⁹Mulungu, na inwe mukuvi mwatagililwe hanze. Na vakwiza kufuma kiya na mweli na sukuma na dakama na vakwikala mu vutemi wa Mulungu.

³⁰Na lolaga, valiho va numa hovene vakuvi va mbele, na valiho va mbele hovene vakuvi va numa.

³¹Na itungo lyenilo Vafarisayo vamo vegelaga na vamuwilaga, Ingagaho, uhafume henaha, kwisi Herode alikova kukuvulaga.

³²Na wavawilaga, Muje mukamuwile likeye ilo, Lolaga, ndizifumya migavo na kuvapizya valwile lelo na igolo, na ha lusiku lwa vudatu ndamalizye.

³³Yilindima kuyumba lelo na igolo na mazuli, kunguno yikasikile mufumbuzi azimile hanze na Yerusalema.

³⁴Yerusalema, Yerusalema, hoveve ulivavulaga vafumbuzi na ulivatulagula mawe avo vatumizivilwe kuwako, kanga nakovaga kuvavilinga vana vako kitisi igongo lilituvilinga twana twalyo hansilili na manana

³⁵galyo, alisi inwe mukakovile. Lolagi, numba yinwe yikulekwa kuwinwe itongo. Ndimuwila ati inwe kumbona ngʼo kusika itungo lyenilo mukuyomba, Adosiwe luvango homwene aliza mu lina lyamwa Guku.