Read Nyamwezi Lukasi 14 Bible Online

Lukasi 14 - Nyamwezi bible

Lukasi 14

¹Na yakwilaga aho wingilaga ha sabato kulya mu numba ya muhanya umo wa Vafarisayo, venavo vamwikomaja.

²Na lolaga, munhu alwalile safura wavagiho hambele nawe.

³Na Yesu witavukaga na wavawilaga vamanicha ngʼhama na Vafarisayo, uhaya, Guli mwiko

⁴kupizya ha sabato ninga ngʼo? Alisi avo vahulikaga. Na wamudimaga, wamupizaja na wamupaga luhusa.

⁵Na witavukaga na wavawilaga, Nani mugati ninwe ulu mpunda ninga ngʼombe yakwe yagwilaga mu

⁶lwinzi, akuleka kuyifumya itungo lili ha sabato? Na vavagi vakakovolile kumwitavuka ku genaya.

⁷Na wavawilaga avo vitanilwe hakulila, aho wavonaga

⁸kitisi valahaga masumbi ga kumbele, uvawila, Ulu ulitanwa na umo ku winga, uleke kwikala kumbele,

⁹kwigela ngʼo umo akukilile isima witanwa nawe, na mwenuyo wakwitanaga veve na uyo, aliza na alikuwila, Umwihege mwenuyu, na haho ukuvuka na nsoni kwikala hamhelo.

¹⁰Sumbwa ulu ulitanwa, uje ukikale hamhelo, kigele ulu wizaga mwenuyo wakwitanaga akuwile, Mwichane, uje kumbele. Haho ukupiwa isima hambele na vose valikala hakulila.

¹¹Kwisi homwene aliwikulilizya mwenekili akudoheleziwa, na homwene aliwidohelezya mwenekili akukuliliziwa.

¹²Na wamuwilaga mwenuyo homwene wamwitanaga, Ulu ulivezya mayeye handiyu ninga hamhindi, haho uleke kuvitana vanwani vako, ninga ngʼo vaduguyo, ninga ngʼo va mugana gwako, ninga ngʼo vazenganwa vasavi, kwigela ngʼo venavo vakwitane na sisyo kukusyokelezya.

¹³Sumbwa ulu ulivezya mayeye, uvitane vapina, vihinile, valema, vahofu, na veve ukwelukilwa,

¹⁴kunguno vakavile na cha kukusyokezya veve, alisi ukusyokeziwa mu vuhembuke wa vagololoku.

¹⁵Alisi aho umo mugati na venavo vikalaga hakulila wayigagwa yeniyi, wamuwilaga, Welukilwa mwenuyu akulya chakulya mu vutemi wa Mulungu.

¹⁶Alisi uyu wamuwilaga, Munhu mbati wavezaja mayeye mahanya na wavitanaga vingi.

¹⁷Na wamutumizaja mukumba wakwe mwitungo lya mayeye kuvawila avo valalikilwe,

¹⁸Mwize, kwisi gose galiho tayari. Na vose vavukizaja na isala limo kwilombela venekili. Wa mbele wamuwilaga, Nene nagulaga mugunda na yandima kuja kukagwilolela, ndikulomba undole kitisi umo wilombelaga mwenekili.

¹⁹Na ungi wayombaga, Nene nagulaga ngʼombe ikumi na ndija kuzigema, ndikulomba undole kitisi umo wilombelaga mwenekili.

²⁰Na ungi wayombaga, Nene natolaga mukima, na kunguno yeniyi nkakovolile kwiza.

²¹Na mukumba wasyokaga na wamupozezaja gukuye. Haho mwenekili numba wakilagwa na wamuwilaga mukumba wakwe, Ufume wangu ku barabara na nzila zya mukaya na ukavalete vapina,

²²vihinile, vahofu, valema, vingile mwenumo. Na mukumba wayombaga, Guku, gakwilaga genaya walagilaga, na hakwikala hatali haliho.

²³Na guku wamuwilaga mukumba, Ufume, uje ku nzila na ku malugutu na uvibembelezye kwingilamo, kigele numba yane yokale.

²⁴Kwisi ndimuwila inwe, kuduhu umo wa venavo valalikilwe akugalavuzya mayeye gane.

²⁵Alisi mbuto nhanya ya vanhu vayumbaga hamohene

²⁶nawe, na uyu wikevelaga na wavawilaga, Ulu umo aliza kuwane na akavile kumugaya ise na nina na mukima na vana na vaduguye na valumbuye na myuye zyakwe zyene, akakovolile kuvi muhemba wane.

²⁷Homwene akavile kusomba musigiti gwakwe na kundonda akakovolile kuvi muhemba wane.

²⁸Kwisi nani mugati ninwe ulu alikova kuzenga chamba, kwikala ngʼo hambele kusolozya mupango kuvona, ulu ali na

²⁹nsavo zya kukimalizya, kwigela ngʼo, ulu wamalaga kuzenga musingi na kuleka kukovola kukimalizya, venavo valilola vavukizye kumufusa na kuyomba,

³⁰Munhu mwenuyu wavukizaja kuzenga na akakovolile kumalizya.

³¹Ninga mutemi ki homwene alija kulasana na mutemi ungi, kwikala ngʼo hambele na kwitozya, ulu alikovola na vanhu fihumbi ikumi kusanja na mwenuyu aliza na vanhu fihumbi makumi avili.

³²Ulu ngʼo, haho alivatumizya vakombe, aho uyo atali kule, kulomba vikondele.

³³Sisyo savasava kuduhu umo mugati ninwe homwene akagalekile gose ali nago, alikovola kuvi muhemba wane.

³⁴Munyu guli musoga, alisi ulu munyu gwasukile, guvegeleziwe naki hangi? Gukavelile ngʼo ninga ku nsi ninga ku matembe, valigutaga hanze duhu.

³⁵Homwene ali na matwi ga kwigwa, adegeleke!