Read Nyamwezi Lukasi 7 Bible Online

Lukasi 7 - Nyamwezi bible

Lukasi 7

¹Aho wayimalaga mihayo yakwe yose hambele na matwi ga vanhu, wingilaga mu Kapernaumu.

²Na mukumba wa mutwale mbati wavagi mulwile na bihi na kufwa, na uyu wavagi mutoneke wamwa gukuye.

³Na aho wigagwa mhola kunguno yamwa Yesu, wavatumizaja vanamhala va Vayahudi kuwakwe kukamulomba ize na amupizye mukumba wakwe.

⁴Alisi aho ava vafikaga kumwa Yesu vamwigongelaga muno, vuhaya, Uyu alisika isima veve umuvezezye yeniyi, kwisi alitutogwa kwigongo liswe na watuzengelaga sinagogo.

⁵Na Yesu wajaga navo.

⁶Alisi aho wayegelezaja numba, mutwale wavatumizaja vanwaniye, alihaya,

⁷Guku, uleke kwiducha, kwisi nkasikile isima veve wingile hansilili na vukumbo wane, kunguno navonaga mwenekili ati nkasikile isima kwiza kuwako, alisi uyombe muhayo gumo duhu, na mukumba wane akupila.

⁸Kwisi nene mwene ndi munhu watulagwa hansilili na vukovozi, na ndi navo hansilili na nene valugaluga, na ndimuwila uyu, Jaga, nawe uja, na ungi, Nzugu, nawe uwiza, na mukumba wane, Uyite yeniyi, nawe uyita.

⁹Aho Yesu wayigagwa yeniyi wamukumizaja na wavikevelaga avo vangi vamulondaga, uhaya, Ndimuwila inwe ati mugati nʼIsraeli nkaliwine isanizyo lyenili ihanya.

¹⁰Na aho venavo vatumizivilwe vasyokaga ku numba, vamusangaga mukumba wapilile.

¹¹Na haho yakwilaga Yesu wingilaga mu kaya, lina lyayo Naini, na vahemba vakwe vingi vamulondaga hamohene na mbuto nhanya ya vanhu.

¹²Na aho wagwegelaga muvita gwa kaya, lolaga, mufu wavagi alifumiwa hanze, wavagi mwana umo inene duhu kumwa nina, homwene wavagi musimbe, na vanhu vingi va mukaya vavagi hamohene nawe.

¹³Na aho

¹⁴Guku wamuvonaga wavagi na lusungu kuwakwe, na wamuwilaga, Kuduhu ulile! Na wegelaga bihi na walikumaja isanduku, na ava valisombaga vimaga, na

¹⁵wahaya, Musumba, ndikuwila uvuke! Na mufu wavukaga na wavukizaja kuyomba, na Yesu wamupaga nina.

¹⁶Na kogoha kwavadimaga vose, na vamukumukaja Mulungu, vuhaya, Mufumbuzi muhanya wavukile mugati niswe, na Mulungu wavilolelaga vanhu vakwe.

¹⁷Na mhola yeniyi kunguno yakwe yasambalaga mu Uyahudi vose na mu magunguli gose ga bihi.

¹⁸Na vahemba vamwa Yohana vamuletelaga mhola ya gose genaya.

¹⁹Na Yohana wavitanaga vavili va vahemba vakwe na wavatumizaja kumwa Yesu vamuvuzye, Hoveve uli mwenuyu alize, ninga tumulindile

²⁰ungi? Aho vagosya vafikaga hawakwe, vuhaya, Yohana Moja watutumaga kuwako na alihaya, Hoveve

²¹uli mwenuyu alize, ninga tumulindile ungi? Na mwitungo lyenilo wavapizaja vingi mavulwile gavo na mavulema na migavo mivi, na wavapaga vahofu vingi vavone hangi.

²²Na witavukaga na wavawila, Jagi, mukamutanizye Yohana genaya mwagavonaga na mwagigagwa: vahofu valivona hangi, valema valisimiza, va mbizi valipiziwa, vakiva matwi valigwa, vafu valihembukiwa, vapina valitaniziwa Mhola ya Chelu.

²³Na welukilwa homwene akavile kungayilizya nene.

²⁴Alisi aho vatumwa vamwa Yohana vafumagako, wavukizaja kuvawila mbuto ya vanhu kunguno yamwa Yohana. Mwafumage kuja kwibalangu kukilolelaki?

²⁵Idete lilihungeziwa na muyaga? Ninga mwafumage kuja kukavonaki? Munhu azwalile myenda mikondu? Lolagi, avo valizwala myenda ya lukumo na valilya filunge valimo mu manumba ga vatemi.

²⁶Alisi mwafumage kukavonaki? Mufumbuzi? Ahene, ndimuwila inwe,

²⁷homwene alimukila mufumbuzi. Kwisi uyu ali mwenuyu yitonilwe kunguno yakwe, Lolaga ndimutuma mutumwa wane hambele na vusyu wako, Homwene akuyigelanizya nzila yako hambele naʼho.

²⁸Ndimuwila inwe ati mugati navo vavyalilwe na vakima kuduhu mufumbuzi muhanya kukila Yohana; alisi homwene ali mudo muno mu vutemi wa Mulungu ali muhanya kukila mwenuyu.

²⁹Na vanhu vose na vʼihongo, aho vamwigagwa, vavuzumaja vugolozi wa Mulungu, kwisi vogivagwa na kogiwa kwamwa Yohana.

³⁰Alisi Vafarisayo na vamanicha ngʼhama vakingaja kikowa cha Mulungu kuwavo, kwisi vakogivilwe nawe.

³¹Navikolanizye naki vanhu va vuvyalwa wenuvu, na

³²valimwikola nani? Valivikola vana hovene valikala hʼigulilo na valiwiyitana na valiyomba, Twamufulilaga inwe filimbi na mukanegulile; twalilaga makungwi na mukalilile.

³³Kwisi Yohana Moja wizaga, akalile mukate na akanwile mvinyo na muliyomba, Ali na mugavo.

³⁴Mwana wa Munhu wizaga alilya na alinwa, na muliyomba, Lolaga, mwenuyu wa kalya na munwi wa

³⁵mvinyo, munwani wa vʼihongo na vakenaguzi. Alisi ngelo yiligololwa na vana vayo vose.

³⁶Na umo wa Vafarisayo wamulombaga alye hamohene nawe, na uyu wingilaga mu numba ya Mufarisayo na wikalaga hakulila.

³⁷Na lolaga, wavagiho mukima mu kaya, mukenaguzi. Na aho wamanikaja ati Yesu alikala hakulila mu numba ya Mufarisayo, waletaga nsupa ya alabastro yokalile mugazu, na wimaga hanuma yakwe ha magulu gakwe alilila,

³⁸na wavukizaja kumutonyekezya minsozi ku magulu gakwe, na wagapyagulaga na nzwili zya ku mutwe gwakwe, na waganonelaga na wagavilaga magulu gakwe na mugazu.

³⁹Alisi aho Mufarisayo, homwene wamwitanaga, wayivonaga, wayombaga mu moyo gwakwe, wahaya, Ulu mbe mwenuyu wavagi mufumbuzi, mbe wamanikaja ali nani na wa mutindo ki mukima mwenuyu homwene

⁴⁰alimukumya, ati ali mukenaguzi. Na witavukaga na wamuwila, Simoni, ndi na muhayo gwa kukuwila. Na

⁴¹uyu wayombaga, Muhembeki, yombaga! Mukopesya wavagi navo vatondwa vavili, umo watondagwa madenari magana atano,

⁴²na ungi makumi atano. Alisi aho vavagi vakavile nago ga kumulipa, wavatondolaga vose vavili. Nani mugati navo akumutogwa muno?

⁴³Simoni witavukaga, uhaya, Ndiganika mwenuyu homwene wamutondolaga mingi.

⁴⁴Yesu wamuwila, Veve wayangulaga sisoga. Na wamwikevelaga mukima, wamuwilaga Simoni, Ulimuvona mukima mwenuyu? Ningilaga mu numba yako na ukampile minzi ku magulu gane, alisi uyu wantonyekezaja minsozi ku magulu gane na wagapyagulaga na nzwili zyakwe.

⁴⁵Veve ukaninonelile, alisi uyu vukumbu ningilaga akoyile kuganonela magulu gane.

⁴⁶Ukaguvilile mutwe gwane na maguta, alisi uyu wagavilaga magulu gane na mugazu.

⁴⁷Kunguno yeniyi ndikuwila, mavukenaguzi gakwe mingi gatondolilwe, kwisi watogagwa kingi. Alisi homwene alitondolwa kido alitogwa hado.

⁴⁸Na wamuwilaga

⁴⁹mukima, Mavukenaguzi gako gatondolilwe. Na avo vavagi valikala hakulila hamohene nawe vavukizaja kuyomba mu myoyo yavo, Nani mwenuyu homwene

⁵⁰alitondola mavukenaguzi? Alisi wamuwilaga mukima, Isanizyo lyako lyakupizaja, jaga na kuhola.