Read Nyamwezi Lukasi 8 Bible Online

Lukasi 8 - Nyamwezi bible

Lukasi 8

¹Na yakwilaga mwitungo lyenilo wayumbayumbaga mu makaya na mu tukaya, na wavagi alitanizya na aliyisambazya Mhola ya Chelu ya vutemi wa Mulungu,

²hamohene nawe venava ikumi na vavili, na vakima vamo hovene vapizivilwe migavo mivi na mavulwile; Maria, uyo alitanwa Magdalena, homwene migavo

³mpungati zyamufumaga, na Yohana, mukima wamwa Kuza, kasika lufungulo wamwa Herode, na Susana na vangi vingi, hovene vavagwasaja na nsavo zyavo.

⁴Alisi aho mbuto ya vanhu vivilingaga na va mumakaya vikumingaga hawakwe, wayombaga mu mukolani. Muvivi wafumaga kuja kukaviva mbiyu zyakwe.

⁵Na aho wavagi aliviva, mbiyu zimo zyagwilaga ha nzila na zyapandagilagwa, na manoni ga hʼilunde gazilyaga.

⁶Na zingi zyagwilaga kwitale, na aho zyamelaga, zyanyalaga kunguno havagi hakavile hafumbezu.

⁷Na zingi zyagwilaga mu mingʼhwa, na mingʼhwa gamelaga hamohene nazyo na gazipinehezaja,

⁸Na zingi zyagwilaga mu vulongo vusoga, na zyamelaga na zyambaja fisumo igana na igana. Na aho wagayambaga genaya, wahamukaga, Homwene ali na matwi, adegeleke.

⁹Na vahemba vakwe vamuvuzaja nguno ya mukolani gwenugu.

¹⁰Na wayombaga, Inwe mwapivilwe kulumanicha lwiviso lwa vutemi wa Mulungu, alisi vangi mu mikolani, kigele avo valivona, valeke kuvona, na

¹¹avo valigwa, valeke kumanicha. Alisi mukolani ugu nguno yago yili yeniyi: Mbiyu guli Muhayo gwa Mulungu.

¹²Na izyo zya ha nzila vali venava valigwigwa, haho Shetani aliza na aligwinja Muhayo mu myoyo

¹³yavo, kwigela ngʼo vasanizye na vapiziwe. Na izyo zya hitale vali venava valigwigwa na valigwanukula Muhayo na kudeha; alisi vakavile na mizi, valisanizya hʼitungo ido, na mwitungo lya mahumbiko valiguleka.

¹⁴Na izyo zyagwaga mu mingʼhwa vali venava valigwigwa na valipineheziwa na myanya na nsavo na mawivonya ga hangelo, na vakavile kufikomezya fisumo.

¹⁵Na izyo zya mu vulongo vusoga vali venava valigwigwa na valigudima Muhayo mu moyo musoga na mufula na valifyambya fisumo na vujamu.

¹⁶Kuduhu munhu aliyivacha tala na kuyikundikizya na kiseme, ninga kuyitula mu nhululi, sumbwa aliyitula kwigulya nʼifiga, kigele avo valingila vaguvone mwanga gwayo.

¹⁷Kwisi kuduhu kinhu kivisilwe hochene kufumbulwa ngʼo, ninga kuduhu cha mbisila hochene kumanikiwa ngʼo hambele na vanhu vose.

¹⁸Kunguno yeniyi mwikomye lelo kitisi muligwa, kwisi homwene ali na kinhu akupiwa, na homwene akavile nacho akupuziwa ninga cheniki aliganika ali nacho.

¹⁹Na nina na vaduguye vizaga kuwakwe, alisi kunguno ya mbuto ya vanhu vavagi vakakovolile kumwegela.

²⁰Na wawilagwa ati, Noko na vaduguyo valima hanze

²¹na valikova kwivona naʼho. Na uyu witavukaga na wavawila, Mayu na vadugu vane vali venava valigwigwa Muhayo gwa Mulungu na valigumazya.

²²Na yakwilaga lusiku lumo wingilaga mu wato hamohene na vahemba vakwe, na wavawilaga, Twambuke

²³kumwambu na nyanza, na vavukaga. Na aho vavagi valija uyu walalaga tulo; na kikungulya chavukaga mu nyanza, na wato vokalaga na minzi na vavagi mu musyolo.

²⁴Na vamwegelaga na vamumisaja, vuhaya, Guku, Guku, tulinwivila! Na wavukaga waguhilimilaga muyaga na mavimbi ga nyanza, na galembelaga na hadekanile.

²⁵Na wavawilaga, Isanizyo linwe lili kuhe? Alisi vogohaga na vakumaja na vayombaga hamohene, Nani mwenuyu, kwisi aligulagila muyaga na minzi, na galimudonhoka?

²⁶Na wafikaga mu nsi ya Vagerasi ha welekela wa Galilaya.

²⁷Na aho wambukilaga ha nguka wasangaja na mugosya mbati wa mukaya, nawe wavagi na migavo, na nsiku ningi akazwalile mwenda na akikalile mu numba sumbwa ku mafivimbi duhu.

²⁸Na aho wamuvonaga Yesu walilaga, wagwaga hambele nawe na wayombaga na kilaka, Ulikovaki nane, Yesu, Mwana wa Mulungu homwene ali kwigulya? Ndikulomba, kuduhu unduche.

²⁹Kwisi wagulagilaga mugavo gumufume munhu mwenuyu, kwisi kingi muno gwamusulungutaja, na uyu watungagwe na minyololo na matendele na walindilagwe, alisi wazitinagulage minyololo na wapezivagwe na mugavo kwibalangu.

³⁰Na Yesu wamuvuzaja, Lina lyako nani? Nawe wayombaga, Ligioni, kwisi migavo mingi zyamwingilaga.

³¹Na zyamulombaga aleke kuzilagila kwingila mu nyombe.

³²Na lyavagiho henaho idale ihanya lya nguluve zilidima ha lugulu, na zyamulombaga zipiwe luhusa kwingila muzyo. Na wazipaga luhusa.

³³Na migavo zyamufumaga munhu na zingilaga mu nguluve, na idale lyatelemukaga mwiga mugati na nyanza,

³⁴na zyafwaga. Alisi aho vagavonaga genayo gakwilile, vadimi vapelaga na vagusambazaja muhayo mu kaya na mwihala.

³⁵Na vafumaga kugavona genaya gakwilaga, na vizaga kumwa Yesu, na vamuvonaga munhu uyo, homwene migavo zyamufumile, ikalile ha magulu gamwa Yesu, azwalile myenda na wavile na masala; na vogohaga.

³⁶Na avo vagavonaga vavapozezaja isyo munhu wa migavo wapizivilwe.

³⁷Na vanhu vose va mwigunguli lya Vagerasi vamulombaga afume kuwavo, kwisi vadimagwa na kogoha kuhanya, nawe wingilaga mu wato na wasyokaga.

³⁸Alisi mugosya uyo homwene migavo zyamufumile wamulombaga aje nawe, alisi wamudahaja,

³⁹uhaya, Usyoke ku numba yako na ugapozye genaya mahanya Mulungu wakuvezezaja. Nawe wajaga na wagapozaja mu kaya yose genaya mahanya Yesu wamuvezezaja.

⁴⁰Na yakwilaga aho Yesu wasyokaga, mbuto ya vanhu

⁴¹vamwanukulaga, kwisi vose vamulindilaga. Na lolaga, munhu umo wizaga, lina lyakwe Yairo, wavagi munamhala wa sinagogo, na wagwaga ha magulu gamwa Yesu na wamulombaga, ize mu numba yakwe;

⁴²kwisi wavagi na mwana umo duhu, mwanike wa myaka ikumi nʼivili, homwene wavagi bihi na kufwa. Na aho wavagi ajile, mbuto ya vanhu vamufitaga.

⁴³Na mukima umo homwene wapululukila myaka ikumi nʼivili, homwene wazimalizaja nsavo zyakwe zyose ku vafumu, alisi wavagi akakovolile kupiziwa na

⁴⁴umo ngʼo, wegelaga kunuma na walikumaja isune lya mwenda gwakwe, na itungo lili kasela ka magazi gakwe kakamaga. Na Yesu wayombaga, Honani wankumaja?

⁴⁵Alisi aho vose vakanaga Petro wayombaga, Guku, mbuto ya vanhu valikupilima na valikufita. Yesu

⁴⁶wayombaga, Umo wankumaja, kwisi namanikaja mwenekili kitisi nguzu zyanfumaga.

⁴⁷Alisi mukima, aho wavonaga ati akakovolile kwivisa, wizaga alidetema, wegelaga hambele nawe na wamupozezaja hambele na vose nguno ya kumukumya, na kitisi wapizivilwe itungo lili.

⁴⁸Na uyu wamuwilaga, Mwanike, isanizyo lyako lyakupizaja, jaga na kuhola.

⁴⁹Na aho atali aliyomba, wizaga umo kufuma ku numba ya munamhala wa sinagogo, uhaya, Mwana wako mukima wafwaga, uleke kumuducha hangi muhembeki.

⁵⁰Aho Yesu wigagwa wamwitavukaga, Uleke kogoha, usanizye duhu na akupiziwa.

⁵¹Na aho wafikaga ha numba akazumizye umo ingile hamohene nawe sumbwa Petro na Yohana na Yakobo na ise na nina wa mwanike. Na vose vavagi valilila makungwi.

⁵²Alisi uyu wayombaga. Muleke kulila, akafwile sumbwa alilala tulo.

⁵³Na vamusekelaga, kwisi vamanikaja ati wafwaga.

⁵⁴Alisi uyu wakudimaga kukono kwakwe, wahamukaga,

⁵⁵uhaya, Mwanike, uvuke! Na myuye yakwe yasyokaga, na itungo lili wavukaga; na uyu walagilaga vamupe chakulya.

⁵⁶Na vavyazi vakwe vakumaja munogwene, alisi uyu walagilaga valeke kumuwila umo yeniyi yakwilaga.