Read Nyamwezi Yohana 11 Bible Online

Yohana 11 - Nyamwezi bible

Yohana 11

¹Wavagiho umo mulwile, Lazaro muna Betania, mwenumo vikalage Maria na Marta mukuluye.

²Alisi Maria wavagi uyo homwene wamuvilaga Guku na maguta na wagapyagulilizaja magulu gakwe na nzwili zyakwe;

³ilumbuye Lazaro walwalaga muno. Valumbuye vatumizaja kuwakwe, vuhaya, Guku, mwenuyo ulimutogwa ali mulwile.

⁴Aho Yesu wayigagwa, uhaya, Vulwile wenuvu vukavile wa lufu sumbwa ha lukumo lwa Mulungu, kigele Mwana wa Mulungu akumukiwe navo.

⁵Alisi Yesu wamutogagwa Marta na muzunaye na Lazaro.

⁶Aho wigagwa ati ali mulwile, wadilaga nsiku ivili henaho wavagiho.

⁷Hanuma na genaya alivawila vahemba vakwe, Tuje hangi ku Uyahudi.

⁸Vahemba valimuwila, Rabi, itungo lili Vayahudi vakovaga kukutulagula mawe, naʼho ulikova kujako hangi?

⁹Yesu witavukaga, Kinahe, lusiku lukavile na saa ikumi nʼivili? Ulu umo alisimiza halimi uyu kukumpa

¹⁰ngʼo, kunguno aliluvona lumole lwa liwelelo, alisi ulu umo alisimiza ha vuziku ukumpa, kunguno lumole luli muduhu muwakwe.

¹¹Genaya wayombaga na haho alivawila, Lazaro, munwani wiswe, wakindagwa na tulo;

¹²alisi ndija kukamumisya. Kunguno yeniyi vahemba vamuwilaga, Guku, ulu alilala tulo akupila.

¹³Alisi Yesu wayombaga kunguno ya lufu lwakwe, navo viganikaga ati aliyomba kunguno ya kulala tulo.

¹⁴Haho Yesu wavawilaga vuliko,

¹⁵Lazaro wafwaga. Na ndideha kunguno yinwe ati navagi nkavile kwenuko,

¹⁶kigele inwe musanizye; alisi tuje kuwakwe. Haho Toma, homwene alitanwa Mavasa, wavawilaga vahemba viye, Niswe vene tuje, kigele tufwe hamohene nawe.

¹⁷Aho Yesu wafikagako wamusangaga adilile nsiku inne mu kivimbi.

¹⁸Na Betania yavagi bihi na Yerusalema, katanalo ka stadio ikumi nʼitano.

¹⁹Na vingi va Vayahudi vizile kumwa Marta na Maria, kigele vavahuliche kunguno yamwa ilumbu lyavo.

²⁰Aho Marta wigagwa ati Yesu izile wajaga kumusanganila, alisi Maria wikalaga mu numba.

²¹Na Marta wamuwilaga Yesu, Guku, ulu mbe veve wavagiho henaha mbe ilumbu lyane akafwile.

²²Alisi ninga lelo ndimanicha ati gose genayo ukumulomba Mulungu, Mulungu akukupa veve.

²³Yesu wamuwilaga, Ilumbuyo akuhembuka.

²⁴Marta wamuwilaga, Ndimanicha ati akuhembuka mu vuhembuke wa lusiku lwa mhelo.

²⁵Yesu wamuwilaga, Nene ndi vuhembuke na vuzuvuku, homwene alinsanizya nene, mwenuyu akuzuvuka nulu

²⁶wafwa, na homwene alizuvuka na alinsanizya nene, mwenuyu kufwa ngʼo kusika hanahana.

²⁷Veve uliyisanizya yeniyi? Nawe alimuwila, Ahene Guku, nene nasanizizye ati veve uli Kristo, Mwana wa Mulungu, homwene alizaho mu liwelelo.

²⁸Aho wamalaga kuyomba genaya wajaga na wamwitanaga Maria muzunaye

²⁹kumhelo, uhaya, Muhembeki aliho na alikwitana. Aho mwenuyu wayigagwa, wavukaga wanguwangu na wajaga kuwakwe,

³⁰kwisi Yesu wavagi atali kufika mu kaya, sumbwa wavagi atali aliho henaho Marta wamusangaga.

³¹Aho Vayahudi, hovene vavagiho hamohene nawe mu numba valimuhulicha, vamuvonaga Maria kitisi alivuka wanguwangu na alifuma, vamulondaga, kwisi viganikaga ati alija ku kivimbi kigele akalilile kwenuko.

³²Haho Maria, aho wafikaga henaho Yesu wavagiho, wamuvonaga na wagwaga ha magulu gakwe na wayombaga, Guku, ulu mbe veve wavagiho henaha mbe ilumbu lyane akafwile.

³³Aho Yesu wamuvonaga alilila na Vayahudi hovene vizaga nawe valilila, wasambaga mu moyo na witinginaja, uhaya, Mwamulalikizaja kuhe?

³⁴Vamuwilaga, Guku, nzugu, uvone! Yesu walilaga.

³⁵Haho Vayahudi vayombaga, Lolagi

³⁶isi wavagi amutogilwe! Alisi vamo mugati navo

³⁷vayombaga, Kinahe, mwenuyu homwene wagatunuzaja minso ga muhofu wavagi akakovolile kuvezya uyu

³⁸aleke kufwa? Haho Yesu wasambaga hangi mu moyo na alifika ha kivimbi, nacho chavagi ipilinga na iwe lyakindikilwe ha muzigo gwalyo.

³⁹Yesu wayombaga, Mulingaje iwe! Marta, ilumbuye lya mufu, wamuwilaga, Guku, wavukizaja kunungʼha, kwisi nsiku inne zyavitile.

⁴⁰Yesu wamuwilaga, Kinahe, nkakuwilile ati ulu wasanizya ukuluvona lukumo lwa Mulungu? Haho valingaja iwe.

⁴¹Alisi Yesu walangamila, uhaya, Vava, ndikulumbila veve kunguno veve wanigagwa nene.

⁴²Na namanikaja ati ulinigwa hanahana, alisi kunguno ya mbuto ya vanhu hovene vimile henaha ndiyomba, kigele vasanizye ati veve wantumizaja nene.

⁴³Na aho wayombaga genaya, wahamukaga na muzwi

⁴⁴muhanya, Lazaro, fumaga! Na mufu wafumaga atungilwe mu sanda ha magulu na ha makono na mikwato na vusu wakwe vutungilwe na kitambala. Na Yesu wavawilaga, Mumutungule na mumuleke asimize!

⁴⁵Vingi va Vayahudi hovene vizaga kumwa Maria na

⁴⁶vavonaga genaya wavezaja, vamusanizaja. Alisi vamo mugati navo vajaga ku Vafarisayo na vavawilaga genaya Yesu wavezaja.

⁴⁷Haho vahozya vahanya na Vafarisayo vavezaja ivanza na vayombaga, Twiteki, kwisi munhu mwenuyu

⁴⁸alivezya migaka mingi? Ulu tulimuleka sisyo vose vakumusanizya, na Varoma vakwiza na vakutupuzya chalo kiswe na vanhu viswe.

⁴⁹Alisi mbati mugati navo, Kayafa, homwene wavagi muhozya muhanya

⁵⁰mwaka gwenugo, wavawilaga, Inwe mukamanikizye kinhu kimo ninga mukiganikile ati yilimuvelela inwe munhu umo avafwile vanhu vose kukila va chalo chose vazimile.

⁵¹Alisi yeniyi akayombile kufuma kuwakwe mwenekili, sumbwa kunguno wavagi muhozya muhanya mwaka gwenugo, na wafumbulaga ati Yesu alavafwile va chalo icho,

⁵²alisi ngʼo va chalo icho duhu, sumbwa kigele avakuminge hamohene vana va Mulungu hovene vasambalile.

⁵³Vukumbu na lusiku lwenulo valomaga ndaka ya kumuvulaga.

⁵⁴Kunguno yeniyi akasimizile hangi hape mugati na Vayahudi, sumbwa wakufumaga kwenuko na wajaga ku chalo bihi nʼibalangu, ku kaya iyo yitanilwe Efraimu, na kwenuko wikalaga hamohene na vahemba vakwe.

⁵⁵Alisi Pasaka ya Vayahudi yavagi bihi, na vingi va muchalo valinaga hambele na Pasaka ku Yerusalema, kigele visondohye.

⁵⁶Haho vamukovaga Yesu na vayombaga hamohene aho vimaga mwisengelo, Muliganikaki, mwenuyu akuleka kwiza ha sikukulu yeniyi?

⁵⁷Alisi vahozya vahanya na Vafarisayo vamalaga kugufumya mukumo ati, ulu umo alimanicha uko aliko apozye, kigele vamudime.